Ineqarneq pillugu maalaarnissamut ataatsimiititaliassamut maalaaruteqarit

Paasissutissat nalinginnaasut

Ineqarneq pillugu maalaarnissamut ataatsimiititaliaqarfiup kommunit imaluunniit Namminersorlutik Oqartussat inissiat attartortittagaannut tunngasut aalajangerneqarsimasut suliarisarpai.

Kommunip imaluunniit Namminersorlutik Oqartussat inaataanni ineqaruit, Ineqarneq pillugu maalaarnissamut ataatsimiititaliaqarfianut naammagittaalliuuteqarsinnaavutit assersuutigalugu makku pillugit

Inigisamiit nuunnermi naatsorsuutit
Inigisamut akiliutit qaffannerini ilisimatitsineq
Inigisamik aserfallatsaaliuineq iluarsaassinerlu
Inissiaatileqatigiiffiup aalajangiussaa periutsimut illersorneqarsinnaanngitsumut

Akigititat

Ineqarneq pillugu maalaarnissamut ataatsimiititaliaqarfiup allattoqarfianiit nalilerneqarpat, Ineqarneq pillugu maalaarnissamut ataatsimiititaliaqarfiup suliassaq suliarisinnaallugu pisinnaatittaappat, piumaffigineqassaatit akiligassaq koruunit 150,00 akileqqullugit.

Akiliutit utertinneqassaaq tamakkiisumik ilaannakortumilluunniit taperserneqaruit.

Attaveqaatitigut maalaarutit nassiunniarukku (MitID-eqaruit)

Maalaaruteqassaguit imaaliorsinnaavutit:

Maalaaruteteqarnermi immersugassaq immersorlugu. MitID-mik peqaruit, maalaaruteqarnissamut immersuiffissaq toqqaannartumik attaveqaatitigoortumik nassiussinnaavat

Maalaarutivit suliarinissaanut Ineqarneq pillugu maalaarnissamut ataatsimiititaliap iluaqutigissavai, nassiussanut ilanngukkukkit makkua:

Allakkatigut aalajangiussaq
Allallu takussutissat inissiaatileqatigiiffimmiit

Ornigullutit maalaaruteqarnerit tunniukkiartorniarukku (MitID-eqanngikkuit)

Maalaaruteqassaguit imaaliorsinnaavutit:

Allakkamik allallutit
E-mail-imik allallutit

Maalaarutivit suliarinissaanut Ineqarneq pillugu maalaarnissamut ataatsimiititaliap iluaqutigissavai, nassiussanut ilanngukkukkit makkua:

Allakkatigut aalajangiussaq
Allallu takussutissat inissiaatileqatigiiffimmiit

Suliamut ingerlatseriaaseq

Eqqumaffigissavalli Ineqarneq pillugu maalaarnissamut ataatsimiititaliaqarfiup naammagittaalliuutit tamaasa suliarisinnaanngimmagit.

Ataatsimiititaliaq minnerpaamik ukiumut pingasoriarluni ataatsimiittarpoq, ilaasortanik suliat oqallisigineqarlutik, kiisalu aalajangiiffigineqarlutik.

Suliareqqitassanngortitsineq
Ineqarneq pillugu maalaarnissamut ataatsimiititaliaqarfiup aalajangiussai eqqartuussivimmut suliareqqitassanngortissinnaavat.

Malugiuk
Ineqarneq pillugu maalaarnissamut ataatsimiititaliaqarfiup nittartaagaa atorlugu sukumiinerusumik atuarsinnaavutit aua.gl/kl/maalaarut

Nittartakkamittaaq nassaarisinnaavatit aalajangiussat, Ineqarneq pillugu maalaarnissamut ataatsimiititaliaqarfiup aalajangigai.