Avatangiisinut Ingerlatsivik

Teknikeqarneq Avatangiisillu 

Taaguut "Teknikkeqarneq kiisalu Avatangiisit" tassaavoq kommunimi nalinginnaasumik Teknikkeqarnermut Ingerlatsivimmit ingerlanneqartartoq.

Pineqartumut suliassat tassaapput sanaartornissani sulianik ingerlatsineq, kommunip pigisai, aqqusinernut illoqannginnersanullu tunngasut, bussinik/taxanillu ingerlatsinerit, suliaqarnikkut pilersaarusiornerit, nunaminertanik atuinerit, pinngortitamut tunngatillugu ingerlatsineq, pilersaarusiornerit pisortatigoortumillu ingerlatsinerit soorlu ukununnga eqqagassat, illoqarfiup ineriartortinneqarnera, qatserisartoqarneq kiisalu "avatangiisinut inatsit" naapertorlugit suliffeqarfinnik akuersisarnerit nakkutilliinerillu. Tamatuma saniatigut allarpassuarnik suliassaqarpoq, pineqartoq immikkoortortaqarfinnut allanut kalluaasarmat.

Pineqartut arlallit kommunimi aaqqissuusseqqinnermi suliassatigut annertussutsitigullu annertusineqangaatsiarput, piffissaq ungasinnerusoq eqqarsaatigalugu suliassat Namminersornerullutik Oqartussanit kommuninut nussorneqartussaammta.

Ingerlatsiviup suliassat makku aqutsinikkut akisussaaffigai:

Kommunip pilersaarusiorneqarnera

Qatserisartoqarnermut oqartussaaneq

Illuliornernut sanaartornernullu suliassat

Avatangiisit

Eqqaavinnik / anartarfinnik eqqaanerit

Paaviaanerit

Nunaminertanik qinnuteqaatit

Suliariumannittussarsiuussinerit

Qimmit & Qitsuit