Pisortat nittartagaanik atuineq
Kommune Kujalleq, Qaqortoq, ”Sullissivik”-mik suleqateqarluni qarasaasiamik innuttaasunut atugassanngortitsisimavoq, taannalu pisortat nittartagaannut,

soorlu kommunip nammineq nittartagaanut aammalu Sullissivimmut, iserfiusinnaavoq.

Innuttaasut taamaalillutik paasissutissanik pisariaqartitaminnik aallersinnaalerput, aammattaaq immersugassat immersorneqarsinnaapput naqinneqarsinnaallutillu.
Qarasaasiap atornissaanut siunnersorneqarumasut ilitsersorneqarumasullu kommunip innuttaasunut saaffiginnittarfiani sulisunut saaffiginniinnarsinnaapput.