Kommunalbestyrelse anno 2013

Kommunalbestyrelsi tassaapput Inatsisartut inatsisaat nr. 2 martsip 30-anni 1982-imeersoq
malillugu qinikkat imatut qinersisinnaatitaallutillu qinigaasinnaasut:

Kinaluunniit qallunaatut innuttaassuseqartoq, folketingimut qinersisinnaanermut ukiussarititaasunik naammatsitsisimasoq aammalu qinersinissaq sioqqullugu sivikinnerpaamik qaammatini 6-ini Kalaallit Nunaanni kommunemilu najugarisamini sivikinnerpaamik qaammatini 3-ni aalajangersumik najugaqarsimasoq.

Qinigaasinnaatitaavoq kinaluunniit ukiut kingulliit tallimat ingerlaneranni pinerluuteqarsimanerminut inissutaasumik eqqartuunneqarsimanngikkuni imaluunniit ukiut kingulliit pingasut ingerlane-ranni eqqartuunneqarsimanini pissutigalugu kommunemi rådimut ilaasortaanissaminut naleqquk-kunnaarsimanngikkuni. Piffissaliussat taaneqartut ullormiit qinersivimmiit atuutissapput.

Kommunalbestyrelsimut ilaasortat ukiunut sisamanut qinigaassapput, ilaasortallu tamarmik ataatsikkut tunuassallutik, piffissarlu qinigaaffik 1. majimiit atuutilissaq, qinersinerlu pissalluni aprilimi, ullormi qinersinermut ataatsimiititaliamit aalajangerneqartartumi.

Kommunip susassaqarfiini kommunalbestyrelsi aqutsisuuvoq.

Kommunalbestyrelsip kommunip aqunneqarneranut malittarisassat ersarinnerusut tassunga ilanngullugit borgmesterip suliassaqarfiinut maleruagassat aqutsinermut malittarisassani suliarissavai.

Kommunalbestyrelsip suleriaasissani nammineq akuerissavaa.

Kommunip allaffissornikkut suliassaataasa aaqqissuunneqarnissaat aammalu kommunaldirektørimik atorfinitsitsisarneq soraarsitsisarnerlu kommunalbestyrelsip akisussaaffigai.

Kommune Kujallermi kommunalbestyrelsimut ilaasortat 15-upput, imatut agguaasimasut: 9 Siumut,
5 Inuit Ataqatigiit aamma 1 Atassut. Partiit tamarmik suleqatigiipput.