Artikler

Udskriv

Katersugaasiviit nalunaarsuineq, katersuineq, toqqortaateqarneq, ilisimatusarneq paasissutissiisarnerlu aqqutigalugit makkuninnga suliassaqarput:  

  • Kalaallit Nunaanni kulturikkut kingornussat isumannaassallugit, kalaallit kulturiata pinngortitallu      oqaluttuassartaa saqqummiutissallugu  
  • katersaatit kikkunnut tamanut takuniarneqarsinnaasunngortissallugit katersaatillu ilisimatusartunut misissorneqarsinnaasunngortissallugit ilisimatusarnermillu paasisat siammartissallugit

Kommune Kujallermi katersugaasiviit kommunimit ingerlanneqartut pingasuupput:  
Nanortalimmi Katersugaasivik, Narsami Katersugaasivik, Qaqortumi Katersugaasivik taavalu nittartakkakut katersugaasiviit nittarsaanneri.

Tamatuma saniatigut kommunip ingerlatarinngisaanik Narsarsuarmi, amerikamiut timmisartoqarfigisimasaa pillugu imaqarnerusumik katersugaasiveqarpoq. Katersugaasivik Blue Ice Explorerimit ingerlanneqaproq aasakkuinnarlu ammasarluni.

Nunaqarfimmi Igalikumi oqaluffimmi siornatigut atuarfittut atorneqartarsimasup ilaani asserpassuarnik saqqummersitsisoqarpoq nunaqarfiup oqaluttuassartaanik oqaluttuartuusunik. Narsap katersugaasivia Piareersarfik nunaqarfimmilu aqutsisut suleqatigalugit saqqummersitat suliarineqarnerannut ikiuuppoq. Nunaqarfimmi aqutsisut saqqummersitat nakkutigisaraat.

Qassiarsummi nunaqarfiup tunngaviliisuata Otto Frederiksenip illua nammineq kajumissutsiminnik suliniuteqartut eqqaassutissatut suliarisimavaat. Illu suli iluarsarneqarsimanngilaq. Nakkutilliisumut akunnialunnik kommunimiit pissarsisimavugut.

Nunaqarfimmi Narsarmijit-ni annertuumik iluarsaassereernerup kingorna nunaqarfik pillugu oqaluttuassartalimmik katersortarfitoqqami katersugaasiveqatileqatigiinnit katersugaasivissamik pilersitsisoqarsimavoq. Taamattaaq Alluitsup Paani tassunga assingusumik allaffimmi/allakkerivimmi annertuumik iluarsaassisoqarsimavoq.

Katersugaasiviit sumiiffimmi oqaluttuarisaanermut katersugaasiviusarput siusinnerusukkullu kommunit iluani sulisarlutik, taavalu Inatsisartut peqqussutaat nr. 6, 30. oktober 1998-imeersoq anaapertorlugu akisussaaffeqarlutik malittarisassaqarlutillu. Kulturikkut oqaluttuarisaanerit dorsetsit, qallunaatsiaat thulekkormiullu nalaannut tunngasuupput.

Katersugaasiviit attaveqarfigineqarsinnaasut tassaapput:

Nanortalimmi Katersugaasiviup pisortaa  Denne email adresse bliver beskyttet mod spambots. Du skal have JavaScript aktiveret for at vise den.

Qaqortumi Katersugaasivimmi sulisoq Eleonora Johansen Denne email adresse bliver beskyttet mod spambots. Du skal have JavaScript aktiveret for at vise den.

Narsami Katersugaasivik  Denne email adresse bliver beskyttet mod spambots. Du skal have JavaScript aktiveret for at vise den.

Register

*
*
*
*
*
*

Fields marked with an asterisk (*) are required.