Artikler

Udskriv

Akiliiffigineqarnerit akiliuteqarnerillu

Kommunnimiit/-mullu akiliiffigineqarnerit akiliuteqarnerillu tamarmik, inuinnarnut tunngasut, inuup normua atorlugu nalunaarsugaapput, taamaammat inuttut normuit kommunemi eqqortumik nalunaarsorsimanissaa pingaaruteqarpoq, aningaasat pissatit ilinnut unniunneqarsinnaaqqullugit.

Akiliuteqarninni aamma inuttut normuit nalunaarutiginissaa eqqaamassavat, taamaasilluni kommunip kina sumullu akiliuteqarsimanersoq takusinnaaniassammagu.

Peqatigitillugu taaamatuttaaq pingaaruteqarpoq, akiliinermi inuup pineqartup akiligassami normua allassimasoq atorneqassammat – taamaanngippammi akiliineq eqqortumik nalunaarsorneqarsinnaanngimmat.

PBS

Akiliisarnissannik aaqqissuussiniaruit, tassa kommunimut aalajanersimasunik akiliuteqartarnissamik, taava immersugassaq immersussavat, taannalu atorlugu aalajangersimasumik akiliuteqartarnissat iluarsineqassaaq,

Gruppe 1: Paaqqinnittarfiit

Gruppe 2: Anartarfiit Eqqaaviillu

Immersugassaq taanna kommunip kiffartuussiveqarfiani nunaqarfinniluunniit allaffeqarfinni pisinnaavat.

PBS-ikkut aaqqissuussinerit soorlu meeqqerivinnut allatigulluunniit pisortanut kiffartuussivinnut akiliutitigut iluarsineqarsinnaavoq.

Pingaaruteqarporlu PBS-ikkut akiliutit tamarmik inummut pineqartumut nalunaarsorneqarnissaat, assersuutigalugu meeqqerivimmut assigisaanulluunniit akiliuteqartarnissamik nalunaarsimasumut.

Tamanna matuminnga peqquteqarpoq, kommunip inuup normua atorlugu akiliuteqartunik nalunaarsuinerit ingerlaterivai, aammalu meeqqerivimmut nalunaarnerit akiliuteqartartussap inuttut normua nalunaarsugaallutik.

Ateq inuullu normua nalunaarsugaasumit allanerusoq atorlugu akiliuteqartoqarpat, taava akiliineq eqqortumik nalunaarsorneqarsinnaanngilaq.

Akiliuteqartarnermut akiliiffigineqartarnermullu paasissutissanik, taamatullu PBS-ikkut akiliuteqartarnissamik aaqqissuussinermut tunngasutigut, annertunnerusunik pisariaqartitsiguit, taava kommunimut attaveqarnissannut tikilluaqqusaavutit.

Aningaasaqarnermut Immikkoortortaqarfik

Register

*
*
*
*
*
*

Fields marked with an asterisk (*) are required.