07
Apr 2013

Artikler

Udskriv

Nuunneq

Kalaallit Nunaata iluani nuukkuit, imaluunniit Danmarkimiit Kalaallit Nunaannut nuukkuit, taava nuunnermut immersugassaq immersussavat, taannalu kommunemi nuuffigisanni kommunep Sullissiviani imaluunniit nunaqarfimmi Sullissivimmi inuit allattorsimaffiannut kiffartuussiviup eqqaaniittumut tunniullugu.

Eqqaamajuk, nuunnermi ullut tallimat ingerlanerini nuunnerit nalunaarutigisussaagakku. Nuunnermut nalunaarfissaq una toorlugu aaneqarsinnaavoq allatillugulu – imaluunniit kommunemi Sullissiviani nunaqarfimmiluunniit Sullissivimmut saaffiginninnikkut.

Inimi najugarigallarisassanni najugaqaruit, najugaqalernissamulluunniit utaqqillutit najugaqartitaaguit, tassa sulisitsisuit najugaataani, taava najugarigallakkannut nuunnerit nalunaarutigissavat. Eqqaamajuk, najugavissannut nuukkuit nuunninnut nutaamik immersuissagavit.

Tamatigut eqqaamasaruk, ilitsersuut sukumiisumik atuassagakku nuunnermilu nalunaarut eqqortumik immersorlugu. Naqinnerit angisuut atukkit, aqquserngullu aqqa, illup normua, B normu, quleriit qassingat assigisaallu, taamatullu postnummer postbokseqaruillu normu eqqortumik allakkit, nuunninnut allagartap nuuffinni inunnut allattorsimaffimmut tunniutinnginnerani.

Nuunnermi immersugassaq aajuk

Sverigemit, Norgemit, Islandimit, Savalimmiunit Finlandimilluunniit Kalaallit Nunaannut nuunniarpit, taava passit nunasinermullu nalunaarut nuunnermi takutinneqassaaq kiisalu inuup normuanut uppernarsaat nunagisimasanneersoq nassarneqassaaq, taamaalillutit Kalaallit Nunaanni nalunaarsorneqarsinnaaniassagavit.

Danmarkip Nunalluunniit avannarlermiut avataanit nunanit allaniit Kalaallit Nunaannut nuunniarpit, taava nunasiniarnermi immersugassaq immikkut ittoq immersussavat, taamaalillutit Kalaallit Nunaanni najugaqalersutut nalunaarsorneqarsinnaaqqullutit. Passit najugaqarsinnaanermullu akuersissut nassassavat, taamaanngippat kommunerilikkavit nunasinermut immersukkat akuerisinnaanagulu inuit allattorsiamffianut ilanngussinnaanavianngimmatsit.

Kalaalit Nunaanniit nuunneq

Kalaallit Nunaanniit Qallunaat Nunaannuunngitsoq nunanulli allanut nuukkuit, taava nunamiit anininnut immersugassaq immersussavat. Tamatumani kina, najugaqarfimmiit sumiit najugaqarfimmut sumut nuunnersoq nalunaarutigissavat.

Kommune Kujallermi qinnuteqaateqarnermi immersugaq kommunep alaffissuani nunaqarfimmiluunniit allaffeqarfimmi Sullissivimmi inuit allattorsimaffiannut tunniutissavat.

Nunanut allanut nuunnermi immersugassaq uani aajuk.

Kalaallit Nunaanniit Danmarkimut nuukkuit, taava kommunemut nuuffinni nalinginnaasumik nuunninnik nalunaaruteqassaatit.


Immersugaq/kkat nassiussinnaavat Sullissivimmut Denne email adresse bliver beskyttet mod spambots. Du skal have JavaScript aktiveret for at vise den.  

Attavigisinnaavatsigut maana 

Saaffissat ammmasarfiillu uani takullugit

 


 

Register

*
*
*
*
*
*

Fields marked with an asterisk (*) are required.