Artikler

Filtrer
  • Narsami nannuttoqarpoq

    Ippassaq sapaat ulloq 09. marts 2014 Narsami piniartoq Hans Kaspersen Nannumik pisaqarpoq Qassiarsuup qinnguani.

    Nanoq inersimasoq sisamanik ukiulik tikiunneqarmat nunaqqatigiini alutorsaataavoq.

    nanoq

  • Kujataa - Silarsuarmiunut kingornutassiaq

    UNESCO-p suliniutaa Silarsuarmiunut kingornutasiaq "Kujataa - issittumi nunalerineq ukiuni 1000-ini" pillugu ataatsimiigiaqqussutit.

    Oqaluuserisassat:

    • Qassiarsummi, Qanisartuunilu illutoqqat, eqqissisimatitaalernissaat aamma Igalikumi, allatigut kulturikkut kingornussat illersugaalernissaat:  PDF 474kb
    • Kalaallit Nunaata Kujataani Qassiarsuup, Igalikup, Sissarluttup, Vatnahverfip aamma Qaqortukuluup-Upernaviarsuup eqqaanni nunaminertani killilinni kulturikkut oqaluttuarisaanermut ilaasumi kulturikkut illersukkat allat pillugit Namminersorlutik Oqartussat nalunaarutissaattut siunnersuut. PDF 282kb
    • Ilassut PDF 1802kb

     

    Qanisaartuut:

    VATNAHVERFI-mi innuttaasunut ataatsimiigiaqqussut

    Niels Lund-ikkunni, Qanisartuut, ulloq 30/4 kl 11:00

  • Tove Blidorf soraarninngorpoq

    Tove imatut oqaluttuassartaqarpoq:

    1966-imi nunatsinnut pivoq, Nanortalik-up napparsimaviani sulilerluni peqqissaasutut, ukiuni 1969 - 1970 DK-mi (meeqqat ataataata ilinniarnerani), uteramik immikkoortortami peqqissaasunngorpoq, tamatumalu kingorna 1984-imi Kunuunnguaq-mi peqqissaasutut sulilluni, 1985-86 ukiumut pikkorissarpoq, juni 1987 Nanortalimmiit Qaqortumut nuuppoq, 1995-96 ukiumut pikkorissarpoq, 1996-97-imi peqqissasut pisortaatut Alluitsup Paa-ni, piffiullu taassuma iluani Qasigiannguit napparsimaviani paarlatsitut sulilluni. Tamatuma kingorna November 1997-imiit soraarninngornissami tungaanut utoqqaat angerlarsimaffiani Ajarsivasik-mi pisortatut sulilluni.


    011

    031

    036

     

  • Meeqqerivimmi sulisoq Louise Egede ukiuni 40-runi sulisimanera malunnartinniarlugu

    Ulloq 16-01-2013 Meeqqerivimmi sulisoq

    DSCN1729

    Louise Egede

    ukiuni 40-runi sulisimanera malunnartinniarlugu meeqqerivimmi ”Narsarmiutaq”-mi
    Nalliuttorsiutigineqarpoq kaffillernermit.

    DSCN1723

    Nalliuttorsiornermi oqaaseqarpoq Karla Egede Bisgaard, Atuartitaanermut Meeqqeriveqarnermullu ataatsimiititaliap siulittaasuat

    aammalu meeqqerviup Ningiua Marianne Nielsen.

  • INNUTTAASUNUT NALUNAARUT

    kukom logo

    Kommune Kujallermi borgmesteri Jørgen Wæver Johansen sisamanngorpat, 16. januar 2014, Narsami Nanortalimmilu innuttaasunit oqaloqatigineqarsinnaavoq isiginnaarutikkut nalunaaqquttani ukunani:

     

    Nanortalik nal. 09.00 – 10.30

    Narsaq       nal. 10.30 – 12.00

     

    Oqaloqatiginninnissamut inniminniinneq pissaaq, Innuttaasunik Nunaqarfinnillu Sul-lissinermut Ingerlatsiveqarfimmut saaffiginninnikkut imaluunniit oqarasuat 70 41 00 aqqutigalugu.

     

    Kommune Kujalleq

  • Qaqortumi Tasersuup atuarfiani nalliuttorsiortut

    Ullumi Qaqortumi Tasersuup atuarfiani ukiorpassuarni sulilluarsimasut immikkut nalliuttorsiutigineqarput, tassaasut Ulrikke Ignatiussen aamma Lars Peter Lynge ukiut 25-it ilinniartitsisutut sulisimanerat pillugu nalliuttorsiutigineqartut, kiisalu minnerunngitsumik Jens Storch ukiut 40-t ilinniartitsisutut sulisimanera pillugu nersorniarneqartoq.  

    Aalajaallutik ukiorpassuarni suleqataasimasut ilaqutaallu pilluaqquavut

    jubilees Tasersuup Atuarfia 10012014

  • Borgmester-ip ukiortaami oqaaseqaataa

    BORGMESTEREN

    Pingasunngorneq, 01. januar 2014

     

    Ukiumut qaanngiuttumut qujallunga tamassi ukiortaami pilluaritsi!

     

    Nalliuttorsuit ataatsimoorfivut ilaqutariittut katersuuffivut tipaatsunnermik nuannaarnermillu misigisaqarfivut, tarnikkut anersaakkullu tamatsinnut pissarsiffiungaartut maanna qaangiussimalerput.

     

    Ukioq nutaaq aallartipparput tamatsinnut nutaamik periarfissiisoq, nutaanik pisussaaffiliisoq. Pisinnaasut tamatta pisussaaffeqarpugut periarfissarititaasut atorluarlugit nunatsinnut pitsaasumik sunniuteqaqataanissatsinnut. Tamanna inuiaqatigiittut pisariaqartipparput.

     

    Ukioq 2013 Kommune Kujallermut assigiinngitsunik pisoqarfioqisoq qaanngiussimalerpoq. Kommunalbestyrelsimut qinersisoqarpoq, qinikkat qulit nutaanik taarserneqarput. Kommunittalu oqaluttuarisaanerani siullermeertumik partiinit tamanit ukiuni tulliuttuni sisamani suleqatigiinnissamut isumaqatigiissummik atsioqatigiittoqarpoq.

     

    Taamatut partiit maani tamarmiulluta suleqatigiinnerput maannamut iluaqutigeqaarput. Soorunami isumaqatigiittuaannanngilagut, aamma partiit iluini assigiinngisitaartunik isumaqartarpugut – tamanna aamma ajunngilaq – taamaattussaavoq. Kisianni suleqatigiinnerup pilersitaa tassaavoq malunnavissumik nukigut siunnerfeqarnerusunut atuleratsigit – assortuuffiusinnaasunik ujarlernermut atulussinnarnagit. Taamatut suleriaaseqarnerup ineriartortikkiartuaarnissaa isumalluarfigeqaara – aamma qinikkat taamatut suleqatiginnikkumassuseqarnerat pillugu qujassuteqarfigerusuppakka.

     

    Ukiuni siuliini kujataani unammilligassatta annersaat tassaajuarsimavoq inukilliartuinnarnerput. Inuit ikiliartornerat ilutigalugu kommunip aamma aningaasatigut isertittagai periarfissaalu annikilliartorsimapput, taamaalillunilu innuttaasunut kiffartuussinerit tunniunneqarsinnaasut neqeroorutigineqarsinnaasullu ikiliartorsimallutik.

     

    Inukilliartornerput soorunami aallaaveqarpoq ukiuni siuliini suliffissaqartitsiniarnikkut periarfissat ilungersunarsimanerinik. Inuit suliffiit periarfissallu nutaat malersorlugit inuuupput – imminut ilaquttaminnillu pilersuisinnaajumallutik – soorunami – tamannalu immini eqqumiitsortaqanngilaq. Uagulli politikkeritut suleqataanitsinni sapinngisarput tamaat atorlugu suliffinnik periarfissanillu amerlanerusunik pilersitsinissaq siunnerfigalugu suleqataasarnissarput pisariaqarpoq.
    Pissutsit taamaannerat nutaamik eqqarsarnissamik nutaamillu iliuuseqarnissamik tamatsinnut pisussaaffiliivoq.

     

    Ukiumi qaangiuttumi ilaatigut piffissaq atorparput kommuneqarfitta ingerlatsinera nalilersorlugu siusinnerusukkullu aaqqissuussaanerput suleriaaserpullu ilumut taamaattuaannassanersut oqimaalutarlugit. Nalilersuinerit taakku malitsigisaannik Innuttaasut Pitsaanerusumik Kiffartuunneqalernissaannik qulequtserlugu suliniut kommunalbestyrelsemi ilaasortanit tamanit - naaperiaarusussuseqarluni - akuersissutigineqarmat immikkut nuannaarutigaara.

     

    Taamaalilluta ukiup nutaap matuma ingerlanerani aaqqissuussaaneq nutaaq, suleriaatsillu nutaat atorlugit innuttaasunut kiffartuussineq pitsaanerusoq suliaralugu aallartissinnaanngorpugut.

     


    Ukioq 2014 isumalluarfigaara takusinnaagakku maani ineriartorneq ilorraap tungaanut saakkiartuaartoq. Inukilliartornerput arriillisimavoq, naalakkersuinikkut pissutsit nutaat atuutilersimapput – suliniutillu nutaat annertuullu maani kujataani soorlu-uku piviusunngornissaminnut qanilliartortut.

     

    Naalakkersuisut nikinnerat uagut aamma maani malugeqaarput – nuannaarutigeqisatsinnik aalajangiisinnaassuseqarneq nutaaq eqqunneqarsimavoq - tamannalu kujataani ukiuni tulliuttuni ineriartornermik annertuumik pilersitsisoqarnissaanik neriuuteqartilerpaatigut. Aamma piffissami sivitsulersumi nunatsinni sumiikkaluaruttaluunniit assigiinnerusumik atugaqarnissatsinnik kiffartuunneqarnissatsinnillu neriorsuutigineqartartut maanna soorlumiuna piviusunngortinniarneqalersut, kommuneqarfiillu akornanni naligiissaarinermik eqqornerusumik maanna naalakkersuisut suliaqarnerat nuannaarutigeqaarput, tamannami Kommune Kujalliup ineriartoqqinnissaannut takorluukkattalu piviusunngortinnissaannut pingaarutilimmik tunngavileeqataassammat.

     

    Taamaakkaluartorli maani unammilligassatta annersaat qanoq iliuuseqarfigissagutsigu - ikiliartuinnaratalu amerliartoqqilissagutta taava pisariaqarpoq inuussutissarsiornerup iluani inerisaanissarput, aatsaammi suliffinnik amerlanerusunik pilersitsisoqarpat inuit maani kujataani amerliartoqqilernissaat naatsorsuutigineqarsinnaavoq. Taamaammat inuussutissarsiornerup iluani annertuumik suleqataanissarput suleqatigiinnissarpullu pisariaqarpoq, aalisarneruppat, aalisakkerineruppat, nunalerineruppat, aatsitassarsiorneruppat, ilinniarfeqarfinnik inerisaaneruppat, sanaartornerupppat, uummasuuteqarneruppat, takornariaqarneruppat imaluunnit kiffartuussinerit allat pineqarpata – tamarmik – tamarluinnarmik – apeqqutaaqataapput inerisartariaqarlutillu.

    Aalisarnerup iluani inerisaaneq ukiumi qaangiuttumi maani ingerlallualeriartorpoq.
    Saattualeriffik Narsamiittoq ingerlalluarpoq pilersorneqarluarlunilu, nunamilu suliffinnik aalaakkaasunik pilersitsiviulluni. Tamanna qujanarpoq ingerlaannartariaqarlunilu.
    Avataani tulaassisussaatitaanermik pisussaaffiliilluni saarullinnik pisassiinerit assut iluarisimaarpagut. Iluarisimaarpagut nunami suliffippassuarnik pilersitseqataammata – tamanna aalisakkerivinni Nanortalimmi, Alluitsup Paanilu ukiumi qaangiuttumi malugilluarparput. Aaqqissuussinerullu annertusarneratigut aamma ukiarluarneraniit Qaqortumut ningittagarsuutip ataatsip tulaassisalerneratigut tamanna aamma pitsaasumik sunniuteqarluarpoq. Suliniutit taakku ukiuni tulliuttuni inerisarneqarnissaat assut kissaatiginarpoq – pisassiissutillu tassani pineqartut ukiunut arlariinnut qulakkeerneqarsinnaanissaat neriutigaarput Naalakkersuisuniit eqqumaffiginiarneqassasoq – Tamanna pisariaqarteqaarput.
    Suliniutit taamak ittut ingerlatiinnartariaqarpagut annertusarlugillu – imartatsinnimi pisuussutit atorluarlugit nunamilu suliffinnik pilersitsinernik kinguneqartillugit pisassiisarnerit aqqutissaalluartutut isumaqarfigaagut suliffissaqartitsiniarnermut pingaaruteqaqimmata.

     

    Ukiumi qaangiuttumi kiisami uumasunut toqoraavik nutaaq ammarneqarpoq – ammarneqarneratalu kinguninngua savat savaaqqallu 22.000-it missaat tunisassiarineqarput. Taakkuinnaanngillalli aamma nersussuit kiisalu tuttut toqoraavimmi tunisassiarineqartunut ilaapput. Aamma Kommune Kujallermi nuannaarutigeqaarput Neqi A/S, uumasuuteqartut aamma Uumasulerinermi nakkutilliisoqarfiup akornanni tunisassiornissamut piumasaqaatissat pillugit isumaqatigiissuteqartoqarmat. Tamanna siunissami suli annerusumik tunisassiortoqartalernissaanik kinguneqarnissaa qularutiginngilara, tamattami kissaatigaarput nunatta neqissaqarniarnikkut annerusumik imminut pilersulernissaata anguneqarnissaa.
    Imminut pilersornerulernissarput oqaannarluni piviusunngorsinnaanngitsoq amerlanerpaat ilisimannguatsiarpaat, taamaammat assut pissangassutigaarput Nunaateqarneq pillugu Ataatsimiititaliarsuup ukioq manna isumaliutissiissutiminik saqqummiussinissaa. Neriuutigaarput ataatsimiititaliarsuup maani kujataani uumasuuteqarnerup nunaateqarnerullu iluani periarfissarpassuit maluginiarsimassagaat, minnerunngitsumik toqoraaviup nutaap annertusinermigut ukiumut savat savaaqqallu 35.000-it tunisassiarinissaannut piginnaasaqarmat. Taamatullu suliaqarsinnaassuseq anguneqassappat annertuumik inerisaanissamut periarfissiinissaq aaqqissuussinernillu suleqatigeeriaatsinillu nutaanik pilersitsinissaq avaqqunneqarsinnaanngilaq. Neriulluarfigaarput ataatsimiititaliarsuup sulinerata kingunerisinnaassagaa umimmaat, tuttut, nersussuit, savat savaaqqallu neqaannik imminut pilersornerunitta malunnaatilimmik annertusarnissaa.
    Aamma isumaqarpunga ukiuni tulliuttuni uumasoqariaatsit allat aallaavigalugit periafissanik nutaanik inerisaanissarput siunnerfiusariaqartoq – ajornaqaaq paasisariaqarparput uteriisaarluta misileraajuarlutalu pinngikkutta angusassagut killeqassaqimmata.

     

    Qularutissaanngitsumik aatsitassarsiorneq annertoorujussuarmik siunissami suliffissaqartitsiniarnermut aningaasarsiornikkullu nunatta nappatigilertussaavaa, aqagumuinnarli pisussat taakku tamarmik pinavianngimmata eqqaamassavarput. Taamaammat isumatusaarluta tamatumani suliani nunatta pissarseqataanerpaanissaa qulakkeerniarlugu piareersassaagut sulillutalu, sulisut piginnaanngorsarlugit suliffiillu piareersarlugit suliniutigineqarumaartussani annertunerpaamik peqataasinnaanngortillugit.

     

    Kujataani aatsitassarsiornermi suliniut siuarsimanerpaaq naluneqanngitsutut tassaavoq Killavaat Alannguanni ingerlanneqartussaq. Aatsitassarsiorfissaq tamanna pillugu tusarniaanerit maani inoqarfinni annerni tamani ukiarluarnerani ingerlanneqaqqammerput – periarfissarlu manna atorusuppara qujassuteqarfigalugit innuttaasut maani kujataani eqeersimaarlutik tusarniaanermi peqataanerannut – isummersueqataanersi pingaaruteqaannarani pinngitsoorsinnaanngilarput – aamma soorunami oqariartuutigineqartut pingaarnerit tamaasa isumaqatiginninniarnerit maanna allartinneqartussani puigornagit sulisoqassaaq.

     

    Ukioq manna sanaartornerup iluani suliniutit assigiinngitsut nutaat aallartisarneqartussaapput, ilaatigut minnerunngitsumik nuannaarutigeqisatsinnik Narsami meeqqat atuarfiata nutarterneqarnera qangali utaqqisaasoq, kiisami alloriarfigineqarpoq, aammalu kommunep pilersaarutip aallartinneraniilli kissaatigisai naapertorlugit aningaasaliisoqarluni. Suliassaq immikkoortukkuutaarluni ingerlanneqartussaq 2016-imi martsip aallaaqqaataani naammassivillugu inaarsarneqarsimanissaa pilersaarutaavoq

     

    Kommunalbestyrelsep ukiumut missingersuutit akuerimmatigit aamma ilanngullugu akuersissutigineqarpoq aningaasanik attartortoqarnissaa. Aningaasat taakku atorneqassapput kommuneqarfitta akileeqataassutissaatut ukiorpassuarni utaqqisaasimasumut, tassalu Nanortalimmi utoqqaat illuata nutarsarlugulu allilerneqarnissaanut.

     

    Borgmesteritut immikkut nuannaarutigaara meeqqerivinnut akiliutaasartut qineqqusaarnermi neriorsuutigineqarsimasutut appartinneqarmata, taamaalilluta aamma kommuneqarfittut nuuffigineqarnissatsinnut pilerinarnerulernissarput aqqutissiutissavarput. Neriuutigaaralu taamatut appartitsiartuaarneq ukiuni tulliuttuni aamma ingerlateqqissinnaassagipput, soorunami akissaqassuserput apeqqutaatillugu.

     

    Eqqaanngitsoorusunngilara atuartut pitsaanerusumik atuartitaanerat siuarsarniarlugu, qinigaaffiup aallartinneraniit Qeqqata Kommunea sulqatigalugu aningaasaateqarfik Villum-fonden isumaqati-giniarneqarsimammat atuarfinni meeqqerivinnilu tamani iPad-it atorneqartalernissaat anguniarlugu. Kommunerput aningaasarpassuarnik nalilimmik iPad -inut suliniummut tunineqarpoq atuartut, ilinniartitsisut meeqqeriviillu atugassaannik. Naatsorsuutigaarput suliniut tamanna tamakkiisumik aallartereersimassasoq apriilip allartilernerani. Matumani pinngitsoorusunngilanga Qeqqata Kommuneanik suleqateqarluarsimanerput qujassuteqarfigissalllugu – neriuutigaarput taamatut suleqatigiilluarnerput ukiuni tulliuttuni ingerlateqqissinnaassallugu.

     

    Inatsisartuni aningaasanut inatsisissaq 2014-imoortoq akuersissutigineqarmat aamma ilaavoq Qaqortumi Niuernermik Ilinniarfiup Ilinniarnertuunngorniarfiullu kattussuunneqarnissaannut sanaartugassanut aningaasaliissutit 55 mio. kr.-it. Ilinniarfeqarfinnik sineriammiittunik taamatut naalakkersuisooqatigiit inatsisartullu inerisaaniarnerat assut tapersersornarpoq – ilinniartoqarfiimmi taakku illoqarfitsinnut annertuumik isumaqarput – ulluinnarnilu inuunitsinni annertuumik immersueqataalluarlutik.

     

    Isumaginninnerup iluani ukioq manna iluarsaaqqinneq ingerlattussaavarput, ilaatigut ilaqutariinnut sullissiviit nukittorsarneqarnissaat illoqarfinni tamani ingerlanneqassaaq, innuttaasullu toqqaannarnerusumik sulisunut isumaginninnerup iluani ilinniarsimasunut saaffiginnissinnaanngornissaat suliarineqassalluni.

     

    Kultureqarnerup iluani suliniutit maani ingerlalluartut ilaat tassaavoq Igasa Food Festival-imik taaneqartartoq. Food Festivalip ukiuni tulliuttuni suli annertuninngorlugu ingerlanneqartalernissaa siunnerfigalugu sulineq aallartereerpoq aningaasaliiffigineqareerlunilu. Aamma tamatumani namminneq kajumissutsiminnik suleqataasorpassuit immikkut qujassuteqarfigissallugit pissusissamisoorpoq. Taamaapportaaq peqatigiiffilerinerup iluani sunngiffimminni piffissamik annertuumik atuillutik kultureqarnerup iluani timersornerullu iluani ingerlatseqataasorpassuit eqqarsaatigalugit – qujanaq piffissamik tunisiffigaluta inuiaqatigiit maani kujataani suli nuannernerusumik atugaqartilluta ukiut tamaasa qasujaallusi tunniussaqarfigisaratsigut.

     

    Immikkuttaaq naammagisimaarluinnarpara nunaqarfiit aqutsisuisa ukioq manna aallartittumik misiligutaasumik nunaqarfinnut aningaasaliissutinik namminneq aqutsinissaannut aningaasanik illikartitsisoqarmat. Taamaalilluni aamma nunaqarfinni aqutsisut annertunerusunik akisussaaffilersorneqarnerat, annerusumillu sumiiffinni najugaqarfigisaminni sunniuteqaqataasinnaanerannut periarfissaq aqqutissiuunneqarpoq.

     

    Ukiumi qaangiuttumi angallannikkut maani kujataani ilungersunartumik inissisimanerput assortuussutaasinnaanngilaq. Kiffartuussinermut isumaqatigiissutit maanna atuuttut allanngortinneqarnissaat pisariaqarluinnarpoq. Taamaammat naatsorsuustigilluinnarparput angallannikkut kiffartuussinermut isumaqatigiissutit nutaat 2015-ip aallartinneraniit atuutilertussat isumaqatiginninniutigineqalerpata toqqaannaq peqataatinneqarnissarput, 2015-imilu aaqqissuussinermi nutaassami aamma imaatigut ukiup annersaani angallassinissamut periarfissamik imaqartinneqarnissaa avaqqunneqarsinnaanngilaq, pingaartumik kommuneqarfitta kujasinnerusortaani nunaqarfinnilu najugaqartut eqqarsaatigalugit.

     

    Tamakkuli tamarmik aaqqiigallarnertut isigineqartariaqarput – angallannikkummi pissutsit, angalasunut amerlanerpaanut, siunissaq eqqarsaatigalugu iluameersumik aaqqinneqassappata, taava Qaqortup Narsallu akornanni mittarfiliortoqarnissaannik suliaqarneq avaqqunneqarsinnaanngilaq. Tatigaagut naalakkersuisut tamatumani suliniarnerat, naatsorsuutigaarpullu neriorsuutigineqarsimasutut 2015-imi sanaartorneq aallartinneqarumaartoq, taamaalilluni mittarfik 2018-ip ingerlanerani atoqqaarfissiorneqartussanngorlugu. Qilanaalereerpugut.

     

    Taamatut oqaaseqarlunga ukiumi nutaami nuannersumik suleqatigiinnissarput qilanaaraara, nalornissutiginngilara suleqatigiinnikkut angusassagut annertunerussammata. Tamassi peqqinnermik nuannaarnermillu kissaappassi. Qujanaq.

     


     

    Oqalugiaat tamakkerlugu aasinnaavat (432 MB)

  • Juullimi pilluaritsi / Glædelig jul

     

     julepynt5  Borgmester-ip juullimi pilluaqqussutaa

    Julekort fra Borgmesteren

     

    Aammaruk / Åben

     

     

     

  • Qaqortumi Santa Lucia-rtut

    Meeqqat paaqqinnittarfimmi" Aqqalu"- meersut Kommune Kujalliup allaffeqarfiani Santa Lucia-artut. Kommunalbestyrelsimi ilaasortaq Kelly (Kullak) Berthelsen qujassuteqarluni meeqqanut puussiaaqqanik tunissuteqarpoq.

    (ataaniipput Qaqortumi Tasersuup atuarfiani 7.klasse-t Santa Lucia-rtut)

    1

    Lucia-rniarlutik piareersartut

    2

    Lucia-rlutik aallartipput

    3

    Lucia-rlutik ingerlapput

    4

    nipituumik Santa Lucia-rput

    5

    tulluusimaarlutik erinarsorlutik ingerlapput

    050

    ataatsimiittarfimmi erinarsortut

    7

    nippaariiput, erinarsorluarput atorlugit Santa Lucia aamma Meeqqap Nipaa

    8

    naammassigamik tunissutisiaminnik iluarusupput

    9

    tunissutisiaminnik alutorsarput.

     

    Tasersup atuarfiani 7. klasse-mi atuarfimminni atuartunut angajoqqaannullu Santa Lucia-artut

    004

    Qaqortumi Tasersuup atuarfiani 7. klasse-t

    006

    Santa Lucia-rtut

    010

     

     

  • Kaj Egede-mut eqqaaniut

    BORGMESTER-IMIIT

    Sisamanngorneq, ulloq 12. december 2013

     

    Kaj Egede universitet-imi nunalerinermut tunngasunik ilinniagartuuttut, Agronom-itut, ilinniagaqarsimavoq. 

    Kaj Egedep inersimasutut inuunermi annersaa kujataani inuussutissarsiutinik siuarsaaniarneq qasseerpassuartigut suleqataaffigiuarsimavaa. Siullermik savaateqarnermut siunnersorteqarfik kisiinangajammi aallartippaa ukiorpassuarnilu savaateqarnerup ineriartorneranut iluaqutaaqisumik nunalerinermi siunnersortaasimalluni. 

    Kaj Egedep inuussutissarsiorneq kisiat ingerlatarinngilaa aammali inuiaqatigiit naalakkersueqatigiinnerannut peqataavoq ilaatigullu Inuussutissarsiornermut Naalakkersuisuusimalluni. Qinikkatulli sulinerata annersaa Qaqortup Kommuniani kingornalu Kommune Kujallermi pisimavoq.

    Kommunimi qinikkatut sulinerminissaaq kujataani inuussutissarsiornikkut siuarsaanissaq ilungersuutigiuarsimavaa avatangiisillu pingaartitarigamigit ilaatigut Teknikkimmut Ataatsimiititaliamut siulittaasuusimalluni.

    Kaj Egede siunnersortitut qinikkatullu suliinnarani aamma namminersorluni inuussutissarsiornermik ingerlataqartarpoq ilaatigullu kujataani savaatillit nerukkaatissanik pilersugaanerat pingaartitareqisani ukiuni qasseersuarni ingerlataraa.

    Kaj Egede nikallujaalluni nunamini utiriilluni inerisaajuarnissamik pingaartumik nunaateqarnerup uumasuuteqarnerullu iluani pingaartitsilluni sullissilluarsimanera tamatsinnut pingaaruteqarlunilu iluaqutaavoq.  

    Kaj Egedep qimagunneratigut Kujataani, nunatsinnilumi aamma, inuk suliumatooq, taamaannermigullu nunaqqatiminut inuussutissarsiutinik ineriartortitsinikkut, qinikkatut sulinikkut namminersortutullu sulinermi maligassiuilluartoq annaavarput.  

    Kaj Egede Kalaallit Nunaanni Namminersorlutik Oqartussat saqqarmiliuttagaannik Nersornaammik sølviusumik saqqarmioqarpoq.

    Anaanaa, nulia, qitornai, ernutai, qatanngutai ilagisaalu allat qamannga pisumik misiginneqatigaavut ullunillu artornartunik qaangiiniarneranni nukissamik tunineqarnissaannik kissaallugit.

    Kaj Egedep eqqaaneqarnera ataqqinartuuli.

     

    Jørgen Wæver Johansen

    Borgmester

    Kaj Egede lille

     

     

  • Pisortat suliffeqarfiutaani ukiuni 40-ni sulinermini nalliuttorsiortoq

    Sundhedsmedhjælperi Karoline Løvstrøm pisortat suliffeqarfiutaani ukiuni 40-ni sulinermini nalliuttorsiornerani ilaqutai ilanngullugit Kommune Kujallermiit pilluaqquarput.

    003

    Karoline Ajarsivasiullu ningiua Tove Blidorf

     

    002

    Karoline ilaqutaalu

     

    001

    Karoline Løvstrøm nersornaatisisoq.

     

  • ”Narsaq eqqaalu”

    Saqqummersitsineq taavara ”Narsaq eqqaalu”

    Taakku ilaatigut tassaapput assit tusagassiorfinni atorneqarsimasut ukiuni marlussunni kingullerni assilineqartarsimasut aammali assit uanga nammineq nuannarisakka, kiisalu ilaquttama assingi arlaqanngitsut. Tassa katillugit assit 44-it sinilersukkat Narsami eqqaanillu pisut.

    Nanortalimmi saqqummersitsinermit assit uani takusinnaavatit: www.narsaq.dk/daily-45.html 

     

    Assinik nivinngaassuiartorlunga saqqummersitsinermillu ammaajartorlunga Qaqortuliarnissannut qilanaarlunga.

    Inussiarnersumik inuulluaqqusillunga

     

    John Rasmussen

    John Rasmussen

  • Juullikkunni pisussat pilersaarutaasut

    Kommune Kujallermi

    Kultureqarnermut Sunngiffimmut ingerlatsivimmiit

    juullikkunni pisussat pilersaarutaasut

     

    Nanortalik:

    • 29. november 2013 (1.) julemarked (katersortarfimmi)
    • 06. december 2013 (2) julemarked (katersortarfimmi)
    • 13. december 2012 Innuttaasunik juullerpalaartitsineq
    • 06. januar 2013 Timersornerup Ullua
      Timersullammammik kiisalu Neriunaatilimmik (Talent) Akissarsititsineq.
      Nal. 13:00 timersortarfimmi – timersuutinik assigiingitsunik takutitsillutik kiisalu unammiuaalaarlutik ingerlatitsissapput.

     

    Qaqortoq:

    • 04. november 2013 Inuusuttut 14-18-nik ukiullit isumasioqatigiissinneqarput timersoqatigiittarnermi periarfissat amerlanerusut anguniarlugit.
    • 20 & 24 november inersimasunut nissiaraliorneq (atuarfimmi)
    • 29. november 2013 Juullipaluttunik tuniniaanerit, nalunaaqutaq 14:00-17:00
    • 30. november 2013 julemarked (niuernermik ilinniarfimmi)
    • 01. december 2013 Orpilissap ikinnera, borgmester (illoqarfiup qeqqani)
    • 08. december 2013 meeqqat juullerpalaartumik arsaattinneqarnerat (timersortarfimmi)
    • 15. december 2013 Innuttaasunik juullerpalaartitsineq (Timersortarfik)

     

    Narsaq:

    • 30. nov 2013 Timersortarfimmi Juullimut niuffanneq
    • 1.december orpiup ikinnera
    • 11.december Narsami juullilernerani tusarnaartitsineq aliikkusersoqatiginneq pissaaq
    • 26. december 2013: Juleturnering fodbold.
    • 27. december 2013 nal. 15.00 – 17.00: Familie fodbold.
    • 27.december 2013 nal.17.00 badmintonturnering
    • 31. december 2013 nal. 12.00 ukiutoqqami arpatsitsineq.
    • 6. jan 2013 timersullammammik toqqaaneq.


    Juulli ataatsimoorfiusoq peqatigiiffigissavarput.

     

    Kommune Kujalleq

    Kultureqarnermut Sunngiffimmut ingerlatsivik

  • Qorlortorsuup tungaanut assit

    Qorlortorsuup tungaanut taavalu Qorlortorsuarmi assit:

    335

    341

    357

    352

    356

  • Kommune Kujallermi utoqqaanerpaaq

    Kommune Kujallermi utoqqaanerpaaq Marie Nielsen pingasunngornermi, 30. oktober 2013, 99-inik ukioqalersoq Kommune Kujallermiit pilluaqquarput meerai Lars Nielsen aamma Ruth Motzfeldt ilaqutaallu ilanngullugit.

     

    1674

     

    1692

     

  • Qassiarsummi atuarfiup iluarsartariaqarnera

    Qassiarsummi atuarfiup iluarsartariaqarnera:

    Kommune Kujallermi Atuartitaanermut meeqqeriveqarnermullu ataatsimiititaliaq 22. Oktober 2013 ataatsimiinnermi eqqartugaasa ilagaat Qassiarsummi atuarfiup atorsinnaajunnarallarnera, oqoqaler-simanera pissutigalugu.

    Ataatsimiititaliami pingaartinneqarluinnarpoq piaarnerpaamik aaqqiisoqarnissaa, taamaattumik qin-nuteqartoqarpoq illumi allami atuarfeqarallarnissamut aningaasartuutissanik.

    Aamma ataatsimiititaliap teknikkeqarnermut ingerlatsivik suleqatigalugu Namminersorlutik Oqartussanut saaffiginnissutigivaa piaarnerpaamik atuarfiup nutarternissaa imaluunniit allamik taarsernissaa.

    Taamatut inissisimalerneq ajuusaarutigaarput, neriuutigaarpullu aaqqiissuteqarnissaq aalajangi-iffigineqapallakkumaartoq.

    Behov for renovering af skolen i Qassiarsuk:


    Inussiarnersumik / Med venlig hilsen

    Karla Egede Bisgaard
    Siulittaasoq/formand.

  • Allaffimmiunngorlaaq

    Nicoline Toftdahl ukiuni sisamani allaffimmiutut ilinniagaqareerluni 18.10.2013 allagartassani Kommunip ataatsimiittarfiani tiguaa.

    2013-10-18-kontorassistent

    2013-10-18-kontorassistent2

  • Tusagassiorfinnut nalunaarut

    Nuannaarutigisatsinnik tusarlerneqarpugut Narsap eqqaani Tuttutuumi tuttut nujuitsut toqorarneqartarnissaannik isumaqatigiissuteqartoqarsimasoq.

  • Kujataani UNESCO-p silarsuarmioqatigiinnut kingornussaritinniagai pillugit paasissutissiinermut oqallinnermullu aggersaaneq

    Kujataani UNESCO-p silarsuarmioqatigiinnut kingornussaritinniagai pillugit paasissutissiinermut oqallinnermullu matumuuna aggersarneqarpusi ulloq 21/10 nal. 19:00 Café Bratahlid-imi Qassiarsunni aammalu ulloq 22/10 nal. 19:00 Igalikumi Aqutsisut Illuutaanni. Kommune Kujalleq maanna Namminersorlutik Oqartussanik aammalu Nunatta Katersugaasivianik suleqateqarluni innersuussinissamut atortussanik suliaqartussanngorpoq tamannalu pillugu ilisimatitsissalluni oqaloqatiginnissallunilu. Naatsorsuutigaarput upernaaru 2014 (april-maj) paasissutissat piareereersimassagivut taamanikkussarlu angusat pillugit innuttaasunik ataatsimiititseqqissalluta.
    Takoqqissaagut – Kommune Kujalleq.

    Qassiarsummi pisussaq atuaruk

    Igalikumi pisussaq atuaruk

    2013-10-11-unesco

     

  • Niuernermik Ilinniarfiit kattunneqarnerat

    Tusagassiorfinnut nalunaarut

    KNR-ip ullumikkut saqqummiussaa KISITSISIT WÆVERIUP SAQQUMMIUSSAI EQQUNNGILLAT innersuussutigalugu nalunaarutigisinnaavara Wæverip kisitsisisaatai eqqorluinnarmata.

    Niuernermik ilinniarfiit annersaat Qaqortumiippoq Nuummilu immikkoortortamiinnani. 2013-mi aningaasanut inatsit aallaavigissagaanni atuarneqarsinnaavoq ukioq naallugu atuartut Nuummi 130-iusut Qaqortumilu ukioq naallugu atuartut 232-iullutik. Kisitsisit taakku 2009-imiit 2013-mut allanngoriartornerat qiviaraanni takuneqarsinnaavoq Nuummi atuartut 14 procentimik ikileriarsimasut aammalu Qaqortumi 15 procentimik amerleriarsimasut.

    Kittaartumik tapiissutit Inuussutissarsiutinut allanullu ilinniartitaanerit pillugit Inatsisartut inatsisaat nr. 10, 19. maj 2010-imeersoq naapertorlugu tunniunneqartartut qiviaraanni takuneqarsinnaavoq atuarfinni taakkunani marlunni ingerlatanut tapiissutaasimasut amerlassuseqartut Nuummi Niuernermik Ilinniarfimmut 12.802.000 kr.-inik aammalu Qaqortumi Niuernermik Ilinniarfimmut 16.685.000 kr.-inik.

    Nuummi Aqutsisunut ilinniarfeqarnera pikkorissaasarfeqarneralu ajunngilluinnarpoq inissisimaneralu pissutigalugu siunissami taamaattariaqarluni. Kisianni taanna ilinniartut amerlassusaannut attuumassuteqanngilluinnarpoq.

    Ukioq manna ukioq naallugu ilinniartunut ataasiakkaanut Nuummi aningaasartuutit 171.134 kr.-iupput Qaqortumilu ukioq naallugu ilinniartumut ataatsimut taamaallaat 109.983 kr.-ilullutik ukioq mannamut aningaasanut inatsit naapertorlugu, imaluunniit allatut oqaatigalugu Qaqortumi niuernermut ilinniartitaanerit atuartumut ataatsimut 36 procentimik akikinnerupput.

    Inussiarnersumik inuulluaqqusillunga

    Jørgen Wæver Johansen Borgmester Mobil 55 96 72

  • Niuernermik ilinniarfiup ingerlatai Qaqortumi katersorneqartariaqarput

    Tusagassiutinut nalunaarut

    Ilinniartitsinermi atugassarititaasut pitsanngorsarnissaat ilinniakkamillu aallutallit amerlanerulernissaat kiisalu nunatsinni niuernermik ilinniarfinni ilinniartitsisut sulinerminni pitsaanerusumik atugaqalernissaat siunertaralugu matumuuna siunnersuutiginiarpara ilinniartitaanerit tamakku Qaqortumi Niuernermik Ilinniarfimmut katersorneqarnissaat sulissutigineqalissasoq.

    Ingerlatanik katersuineq aqqutigalugu ilinniartitsisoqarnikkut nukissat katersorneqarsinnaapput aammalu ilisimasanik ataatsimut katersuinikkut nukiit kattunneqarsinnaallutik kiisalu ilinniartitsisunut ilinniartunullu avatangiisit nutaaliornissamut periarfissiisut pilersinneqassallutik.
    Aningaasatigut immitsinnut napatinneq ornitsillugu pingaaruteqarluinnarpoq suliamut piginnaasalinnik inuusuttavut niuernermik ilinniagaqartut avatangiiseqartissallugit. Taakkumi piginnaaneri tassaapput siunissami aningaasarsiornitsinnut, aammalu silarsuarmiunik niueqateqarnitsinnik tamatumanilu aallaavissanik tunngavileeqataasussat.

    Niuernermik Ilinniarfiit annersaat Qaqortumiippoq 232-inik ilinniartoqarluni, Nuummilu niuernermik ilinniarfik taamaallaat 130-inik ilinniartoqarluni. Pissutsillu tassunga ingerlasimapput, tassa 2009-imiit 2013-imut Nuummi ilinniartut 14 procentimik ikilisimallutik, piffissamilu tassanerpiaq Qaqortumi ilinniartut 15 procentimik amerlisimallutik.

    Qaqortumi Kujataani Ilinniarnertuunngorniarfik aammalu Niuernermik Ilinniarfik Namminersorlutik Oqartussaniit kattunneqareerput ilinniartitsisoqarnikkut nukissat atorluarumalugit aammalu assigiinngitsunik ilinniagallit amerlanerusut ataatsimoorfeqarnissaat tamatumuunakkut anguniarlugu. Nuummi niuernermik ilinniarfiup ingerlataasa ilanngunneqarnerat Namminersorlutik Oqartussat anguniagaannut ajunngitsunut suli qanilleriarnerussaaq.

    Kattussineq aamma Naalakkersuisut sanaartornermut aningaasaliissutinik suliffeqarfinnillu sinerissamut siammarterinissamik politikkiannik qineqqusaarnerminnilu neriorsuutaannik pissusissamisuuginnartumik piviusunngortitsinerussaaq – suliniutit taakku isumaginninnermut ilinniartitsinernik Ilulissanut eqiteriniarnermut kiisalu Saviminilerinermik Sanaartornermillu Ilinniarfiit kiisalu Aatsitassalerinermut ilinniarfiup Sisimiut nuunneqarnissaannik eqqarsaatinut ajunngitsunut naapertuutiinnarput. Anguniakkat tamakku tamarmik ajunngitsuupput – tassunga ingerlaniarta nunatta Nuup avataaniittortaata aamma ataqatigiittariaqarnera ingerlalluarnissaalu nassuerutigalugit.

    Taamaammat ilinniartut iluaqutissaannik nukiit kattullugit pitsaanerpaamik atuagassaqartitsiumalluta ilinniartitaanerit aalajangersimasut katersorneqarnissaannut ataatsimoorniarta.

    Niuernermik Ilinniarfiup ingerlataannik tamanik Qaqortumut eqiterinikkut ilinniartut inissaannik pinngitsoornani pisariaqartitsisoqalertussaammat Kommune tamatumani aaqqeeqataanissaminut piareersimassaaq.

    Inussiarnersumik inuulluaqqusillunga

    Jørgen Wæver Johansen
    Borgmester
    Mobil 55 96 72

  • Kommune Kujallermi Peqatigiiffiit ulluat 5 oktober 2013

    Kommune Kujallermi Kultureqarnermut Sunngiffimmullu ataatsimiititaliap aalajangernikuuvaa peqatigiiffiit peqatigiiffeqarnikkut nukittorsarniarlugit immikkut ukiut tamaasa Peqatigiiffiit ulluannik taallugu ulloqartitsisalerneq ingerlanneqartussanngorlugu.

    Taamaattumik Kommune Kujallermiit nuannaarutigalugu nalunaarutigissavarput  siullermeerutaasumik illoqarfinni tamani peqatigiiffiit ulloqartinneqassammata 5.oktober 2013 pingaarnertut peqatigiiffiit pillugit qaammarsaanermik qulequtsiulluta.

    Peqatigiiffiit suleqatigalugit ulloq pilersaarusiorneqarpoq, taamaattumik ulloq malunnartinniarlugu illoqarfinni pisussat nivinngaavinni takusassiaralugit saqqummersinneqarput.

    Neriuppugut Peqatigiiffiit ulloqartinneqarnerat sapinngisamik amerlasuut peqataaffigissagaat, peqataalluarnissassinnik kissaallusi tikilluaqquarsi.

    Kiista P.Isaksen
    Kultureqarnermut Sunng.ataatsimiititaliami siullittaasoq Kommune Kujalleq

    ILLOQARFINNI PROGRAMMIT UANI TAKUKKIT:

    Qaqortoq

    Narsaq

    Nanortalik

  • Kommunalbestyrelse Nanortalimmi innuttaasunut ataatsimiisitsinissaa ileqquusumillu ataatsimiinnissaa - Kinguartinneqarpoq

    MARLUNNGORNEQ 15. OKTOBER 2013 INNUTTAASUNIK ”QUJANARTIP ILLUA”-NI ATAATSIMIISITSINEQ 1900 – 2100

    Kommunalbestyrelsi Nanortalimmi ileqquusumik ataatsimiinnissaminut ilanngullugu innuttaasunik ”Qujanartip Illua”-ni marlunngornermi 15. oktober 2013 nal. 1900-miit 2100-mut ataatsimiisitsissaaq.

    Ataatsimiinneq ammarlugu borgmester Jørgen Wæver Johansen tikilluaqqusereerpat ataatsimiinneq eqimattakkuutaarluni nerrivinni aalajangersimasunik kommunip politikkikkut ingerlataqarneranut attuumasunik oqalliseqarluni ingerlanneqassaaq.

    Ataatsimiinneq kalaallisut ingerlanneqassaaq ingerlaannartumilli qallunaatuumut nutserisoqassalluni. Nanortalimmi innuttaasut kikkulluunniit soqutiginnittut ornigunnissaat neriuutigaarput, tikilluareeritsi !

    ----------------------

    PINGSUNNGORNEQ 16. OKTOBER 2013 KOMMUNALBESTYRELSI ”ALUMMIU”-MI ILEQQUUSUMIK ATAATSIMIISSAAQ 0900-MIIT

    Kommunalbestyrelsi Nanortalimmi ileqquusumik ataatsimiissaaq pingasunngornermi 16. oktober 2013 nalunaaqutaq 0900-miit ”Alummiu”-mi.

    Ataatsimiinnermi 2014-imut missingersuutissaq siullermeerlugu aammalu innuttaasunik kiffartuus-sineq pitsaanerusoq ilaatigut oqaluuserineqassapput.

    Ataatsimiinneq kalaallisut ingerlanneqassaaq ingerlaannartumilli qallunaatuumut nutserisoqassalluni. Nanortalimmi innuttaasut kikkulluunniit soqutiginnittut tusarnaariarsinnaapput, tikilluareeritsi !

    Oqaluuserineqartussat uani takusinnaavatit

    ALLATTOQARFIK

  • Kommunalbestyrelsip ataatsimiinnissaanut oqaluuserisassat

    Nanortalimmi Alummiuni Kommunalbestyrelsip ataatsimiinissaanut ulloq 16. okt. 2013 nal. 09:00 oqaluuserineqartussat uani atuarneqarsinnaapput.

    PDF-fiili atuaruk

  • Nanortalimmi Sullissivik Event-imut aggersaaneq

    Oktoberip ulluisa 8-ianni nalunaaqqutaq quliniit marlunut Nanortalimmi sullissivik qarasaasiakkut sullissisarfimmut sullissivik.gl-mut ilisaritsiviusumik NemID-millu pisaarfiusinnaasumik aaqqissuussiniarpoq. Aaqqissuussineq tamanut ammavoq.

    Sullissivik.gl-mi qarasaasiakkut imminut sullinnissamut periarfissat

    NemID atorlugu sullissivik.gl-imi imminut sullittoqarsinnavoq. Soorlu, najukkamut uppernarsaat inniminnerneqarsinnaavoq, akilerneqarluni naqinneqarlunilu, piniarnermut uppernarsaammik piniartoqarsinnaavoq pisanillu nalunaarutiginnittoqarsinnaalluni, nuunneq nalunaarutigineqarsinnaalluni, ineqarnermut tapiissutinik qinnuteqartoqarsinnaalluni kiisalu eqqaaviit anartarfiillu imaarneqartarnissaannut nalunaartoqarsinnaalluni. Qarasaasiakkut periarfissat amerlanerulernissaat sulissutigineqarpoq.

    Imminut sullinnissamut periarfissat atorniaraanni NemID pigisariaqarpoq, taanna sullissivik.gl-imut isissutaasarpoq. NemID qarasaasiakkut ilisarnaataavoq atuisutut atermik isissutissamillu kiisalu matuersaammik allanngorartumik imaqartoq.

    NemID ilaatigut Narsami, Qaqortumi kiisalu Nanortalimmi Kommune Kujalliup sullissiviini inniminnerneqarsinnaavoq.

    NemID pissarsiariniaraanni kinaassusermut uppernarsaat assitalik ataaseq (soorlu pas imaluunniit biilernermut allagartaq) imaluunniit uppernarsaatit allat marluk (soorlu najukkamut, inuup normuamut uppernarsaatit) imaluunniit pisortaniit uppernarsaatit allat atorneqarsinnaapput.

    Aallartilluarit
    Innuttaasut NemID-mik atuinerminni aallartilluaqqullugit kiisalu qarasaasiakkut imminnut sullissinnaaleqqullugit Nanortalimmi sullissivimmi 8. oktober quliniit marlunut aaqqissuissaagut. Aaqqissuussinermi tassani sullissivimmi sulisut NemID-mik inniminniinermi ikiuissapput, qanoq atornissaanik aammalu sullissivik.gl-imi qanoq imminnut sullinnissaannut ilitsersuillutik. Aammattaaq kissartortugassaqarlunilu kaageqassaaq, kiisalu atuakkanik akissarsiassartalinnik makitsisoqarumaarluni.

    Paasissutissat sukumiinerusut
    Pissarsiarineqarsinnaapput Nanortalimmi Sullissivik saaffigalugu, tlf. 70 41 00, imaluunniit. mail: sullissivik@kujalleq.gl

  • Sullissivik Event

    Septemberip ulluisa 20-ianni nalunaaqqutaq quliniit marlunut Qaqortumi sullissivik qarasaasiakkut sullissisarfimmut sullissivik.gl-mut ilisaritsiviusumik NemID-millu pisaarfiusinnaasumik aaqqissuussiniarpoq. Aaqqissuussineq tamanut ammavoq.

    Sullissivik.gl-mi qarasaasiakkut imminut sullinnissamut periarfissat

    NemID atorlugu sullissivik.gl-imi imminut sullittoqarsinnavoq. Soorlu, najukkamut uppernarsaat inniminnerneqarsinnaavoq, akilerneqarluni naqinneqarlunilu, piniarnermut uppernarsaammik piniartoqarsinnaavoq pisanillu nalunaarutiginnittoqarsinnaalluni, nuunneq nalunaarutigineqarsinnaalluni, ineqarnermut tapiissutinik qinnuteqartoqarsinnaalluni kiisalu eqqaaviit anartarfiillu imaarneqartarnissaannut nalunaartoqarsinnaalluni. Qarasaasiakkut periarfissat amerlanerulernissaat sulissutigineqarpoq.
    Imminut sullinnissamut periarfissat atorniaraanni NemID pigisariaqarpoq, taanna sullissivik.gl-imut isissutaasarpoq. NemID qarasaasiakkut ilisarnaataavoq atuisutut atermik isissutissamillu kiisalu matuersaammik allanngorartumik imaqartoq.
    NemID ilaatigut Narsami, Qaqortumi kiisalu Nanortalimmi Kommune Kujalliup sullissiviini inniminnerneqarsinnaavoq.
    NemID pissarsiariniaraanni kinaassusermut uppernarsaat assitalik ataaseq (soorlu pas imaluunniit biilernermut allagartaq) imaluunniit uppernarsaatit allat marluk (soorlu najukkamut, inuup normuamut uppernarsaatit) imaluunniit pisortaniit uppernarsaatit allat atorneqarsinnaapput.

    Aallartilluarit
    Innuttaasut NemID-mik atuinerminni aallartilluaqqullugit kiisalu qarasaasiakkut imminnut sullissinnaaleqqullugit Qaqortumi sullissivimmi 20. septemberimi quliniit marlunut aaqqissuissaagut. Aaqqissuussinermi tassani sullissivimmi sulisut NemID-mik inniminniinermi ikiuissapput, qanoq atornissaanik aammalu sullissivik.gl-imi qanoq imminnut sullinnissaannut ilitsersuillutik. Aammattaaq kissartortugassaqarlunilu kaageqassaaq, kiisalu atuakkanik akissarsiassartalinnik unammisitsisoqassalluni.

    Paasissutissat sukumiinerusut
    Pissarsiarineqarsinnaapput Qaqortumi Sullissivik saaffigalugu, tlf. 70 41 00, imaluunniit. mail: sullissivik@kujalleq.gl

  • Tusagassiutinut nalunaarut

    Qaqortumi sisamanngormat kingullermi meerannguaq ataatsimik ukiulik toqutaammat alianarluinnartumik misigisaqarpugut. Pisup tamatta qamuuna itisuumik attorpaatigut taamaattumik ilaqutaasunut eqqorneqartunullu misiginneqataagaarpunga. 

    Illoqarfigeqatigiittut taamannak sakkortuumik isumaqanngivittunillu pisoqartillugu ataatsimoortariaqarpugut. Uani pisariaqarluinnarpoq ataatsimoorluta qanoq pisoqarsimanerata eqqartornissaa pereersullu suliarinissaanut.

    Taamaattumik kommunip aaqqissugaanik ilaqutaasunut eqqaamiunullu kiisalu kingorna aamma alianartumik pisoqartillugu suliarinninnermi naapeqatigiittarnerit pisarumaarput tassani eqqorneqartut kikkulluunniit eqqarsaatitik misigissutsitillu oqaasinngortissinnaanngorlugit periarfissaqarniassammata. Tamaattumik tamanut ammasumik, alianartumik pisoqartillugu suliarinninnermi naapeqatigiinneq pissaaq Qaqortup katersortarfiani sisamanngorneq, septembarip ulluisa 19-at 2013 nal. 16.00.

    Ullumi kommuni aamma tusagassiutinut nassiusseqqippoq, sapinngisaq tamaat uunga inuit ataasiakkaat pineranni saqqummiussisinnaaneq naapertorlugu. Pisorlu pillugu borgmesteritut aamma kommunip allafiata iluani misissuisoqarnissaa aallartippara isiginniffiit arlallit misissorneqarniassammata. Susoqarsimanera qulaajarneqassaaq, qaqugukkut aammalu malittarisassat tamarmik malinneqarsimanersut ilanngullugit. Misissuinerup aammattaaq malitsigissavaa suliat meeqqanut tunngasut ingerlasut tamaasa. Misissuinerup inernera naammassippat nalilerumaarpara itinerusumik misissuisoqassanersoq. Tassungalu atatillugu maanna meeqqat ombudsmand-nut Naalakkersuisumullu akisussaasumut paasissutissat tamakkerlugit katersorneqarput.

    Jørgen Wæver Johansen

    Borgmesteri

    Mobil 55 96 72

  • Pressemeddelelse

    PRESSEMEDDELELSE

    Det er med sorg at vi sidste torsdag erfarede at et årigt barn var blevet dræbt i Qaqortoq. Denne begiven-hed har berørt os alle dybt og jeg vil gerne her give udtryk for medfølelse med de pårørende og implice-rede.
    Vi må som lokalsamfund formå at stå sammen ved sådanne tragiske og meningsløse begivenheder. Det er her vigtigt at vi sammen får talt ud om hvad der er sket og får bearbejdet det passerede.
    Der er derfor fra kommunens side taget initiativ til at der i den kommende tid afholdes en række møder med de berørte familiemedlemmer og naboer samt efterfølgende et offentligt sorgbearbejdningsmøde, hvor alle der er berørt af situationen har mulighed for at komme til orde og give udtryk for deres tanker og følelser. Det offentlige sorgbearbejdelsesmøde vil finde sted torsdag, den 19. september 2013 kl. 16.00 i forsamlingshuset i Qaqortoq.
    Kommunen har i dag udsendt en yderligere pressemeddelelse, hvor der er offentliggjort så meget som det er muligt i denne personsag. Som borgmester har jeg desuden taget initiativ til at foretage en intern under-søgelse fra borgmesterafdelingens side af det passerede, hvor alle aspekter vil blive undersøgt. Det skal klarlægges hvad der er sket, hvornår og om alle regler er overholdt. Undersøgelsen vil endvidere gennemgå øvrige verserende børnesager. Når resultatet af denne undersøgelse foreligger, vil jeg tage stilling til om undersøgelsen giver anledning til at foretage yderligere. Samtidigt er der ved blive udarbejdet redegørelser indeholdende samtlige oplysninger til børneombudsmanden og det ansvarlige medlem af Naalakkersuisut.

    Jørgen Wæver Johansen
    Borgmester
    Mobil 55 96 72

  • Tusagassiutinut nalunaarut

    Ilaqutariinni ataataasup meerannguaminik toqutsisimasutut maanna pasilligaaneranik suliamik suliarinninnermi kukkusoqarsimaneranik kommunimut pisuutitsineq tunngavigalugu kommunip isumaginninnermut ataatsimiititaliaata siulittaasuata aamma isumaginninnermut pisortap 9. september 2013 tusagassiutitigut nalunaaruteqareernermi, tusagassiutini kommunimut isorinninneq ingerlateqqinneqarsimavoq, taamatuttaaq Meeqqat illersuisuat aamma Ilaqutariinnermut Naalakkersuisoq suliamut ilanngussimapput.

    Innuttaasut aamma qitiusumik oqartussaasut suliamut soqutiginninnerat aamma kommunip suliassamik ingerlatsinerannik isumakuluuteqarnerat kommunip pissusissamisoorluinnartutut isigivai kommunimut pisuutitsinerip pissuserisai tunngavigalugit.

    Taamaattorli kommunimut ajornakusoornartorujussuusimavoq inuiaqatigiit paasissutissinneqarnissamik pisariaqartitaannik naammassinninnissamut allanut tusarliusseqqusaannginnermik inatsisit tunngavigalugit.

    Illuatungaanit isigalugu kommunip soqutigisarilluinnarpaa inuit tamarmik kommunimut saaffiginnissutigisaminnut kommunimit eqqortumik suliarineqarnissaannik tatiginnissinnaanerat.

    Taamaattumik kommunip siullermik qinersimavaa pisuutitsinerusimasut pillugit kommuneqarfiup iluani misissuinissamik aallartitsinissaq. Misissuineq taanna, borgmesterip allaffianit suliarineqartoq, sallerpaatinneqassaaq. Peqatigalugu kommunip soorunami sapinngisamik annerpaamik Meeqqat Illersuisuat aamma Naalakkersuisut paasissutissittarniarpai, taakkuninngalu suleqateqarusulluni.

    Taakku saniatigut ataataasumit toqutsisimasutut pasineqartumit akuersissummik immikkut pissarsiniarfigisimavaa, paasissutissat eqikkakkat saqqummiussinnaajumallugit, taakkunani piffissap ingerlaanera allaaserineqarput ataataasup isumaginninnermut oqartussaasunut attaveqartarsimaneri pillugit.

    Tamanna takuneqarsinnaavoq nassuiaammi ilanngussami tamanut saqqummiunneqartumi.

    Kommunip sapinngisamik tamakkiisumik qulaajarusuppaa, kommunip tungaaniit kukkusoqarsimanersoq suliassamillu suliarinninnermi ilaginnaasoqarsimanersoq aamma taamaattoqarsimassappat pissutsit aaqqiiviginiarlugit qanoq iliortoqassanersoq, qulakkeerusullugulu siunissami innuttaasut kommunip isumaginninnermi suliaasa pitsaasusiinut tatiginnissinnaassuseqarnissaat.

    Kommunip anguniarpaa sulianut isertuaatsuunissaq, sapinngisarlu tamaat allanut tusarliusseqqusaannginnermut ataqqinnittunnissaq tunngavigerusullugu.

    Kiista P. Isaksen
    fagchef

    Ilanngussaq: Nassuuiaat.

  • iPads-imik suliniut naammassineqarsinnaalerpoq

    Tusagassiutinut nalunaarut -

    Kommunini marluusuni illoqarfinni nunaqarfinnilu tamani attaveqaammik WiFi-mik pilersuisussatut Qarasaasialerisut Inu:it A/S isumaqatigiissusioqatigalugu, ullumi Qeqqata Kommunia Kommune Kujalleq-llu atsiorput. Taamaalilluni iPads-inik suliniutip tunngavittut aaqqissuussaanera piareerpoq.

    Kommunini marluusuni iPads-imik suliniutip ukiup affaata tulliata iluani atuutsilersinnaaneranut isumaqatigiissutitigut periarfissanngorpoq. Juullertinnagu Qeqqata Kommuniani, ukiullu nutaap aallartinnerani Kommune Kujalleq-mi. Taamaalilluni kommunini marluusuni atuartut ilinniartitsisullu tamarmik, atuarfimmi atuarfiullu avataani WiFi aqqutigalugu internetsimut attaveqarsinnaassallutik, iPads-inik tunineqassapput.

    Atuarfimmi atuarfiullu avataani internetsimut attaveqarsinnaaneq pillugu teknikkikkut aaqqiissussat arlaliusimapput. Illoqarfiit nunaqarfiillu ataasiakkaat iluini killeqanngitsumik attaveqarsinnaanermut Inu:it-ip aaqqiissutaa pitsaanerpaasutut iluaqutissaqarnerusutullu, borgmesterinit marluusunit Hermann Berthelsenimit Jørgen Wæver Johansenimillu isumaqataaffigineqarpoq. Taamaalilluni atuartut akunnerminni attaveqaqatigiissinnaanissaat kiisalu atuarfiup angerlarsimaffiullu akunnerminni atuartitsinissamut pilersaarutinik ilinniagassanillu il.il. attaveqaqatigiissinnaanissaat periarfissanngussalluni.

    Tamatuma saniatigut Inu:it A/S-imi pisortaanerup Martin Gjødvad-ip paasissutissiissutigaa, WiFi-mik aaqqiineq assigiinngitsunik atortulerluni internetsikkut attaveqaatinik annertuunik toqqorsisoqarsinnaassasoq, taamaaliornikkut atuarfimmut ataatsimut nittartagaq imaluunniit programmi ataasiaannarlugu aaneqarsinnaassalluni, naak iPads-init tamanit internetsikkut tiguneqaraluartoq. iPads-it 3.000-it assigiinngitsunik programmillit nutarsarneqarnissaannut annertuumik pingaaruteqarpoq.

    Namminersorlutik Oqartusanit iPads-imik suliniummik tapersersuinermikkut Atta-mik attaveqaatip atorsinnaaneranut periarfissiinera, Qeqqata Kommuniani borgmester Hermann Berthelsen-ip nuannaarutigaa. Tamatuma saniatigut atuarfinni soorlu flatrate-qalersillugit Attat-mik attaveqaatip nutarsarneqarnissaanut Namminersorlutik oqartussat aningaasaleeqqissimanerat, Hermann Berthelsen-ip nersualaarpaa.

    Kommune Kujalleq-mi borgmester Jørgen Wæver Johansenip oqaatigaa, meeqqat atuarfiini atuartuutitsinnut iluaqutaasussamik pisortat suleqatigiinnerat pitsaalluinnartoq. iPads-inik pisinissamut neqerooruteqartitsinissaq maannakkut ingerlanneqalissaaq, borgmesterillu naatsorsuutigaa nunatsinnit nunaniillu allanit piniarfigineqartartunit annertuumik soqutiginnittoqassasoq, tassami nunatsinni iPads-inik 3.000-inik amerlanerusunik ullut tamaasa pisisoqarneq ajorpoq, taama Jørgen Wæver Johansen oqarpoq.

    iPads-imik suliniut VILLUMFOND-imit 17 mio. koruuninik aningaasaliisoqarneratigut piviusunngortinneqarsinnaasimavoq. Kalaallit kommuniisa qarasaasiaqarnermut ineriartornermut peqataalernissaat, VILLUMFOND-imit aningaasaateqarfiup siunnersuisuata Jens-Jørgen Pedersen-ip qilanaaraa. Ukiuni kingullerni qarasaasiatigut ineriartorneq sukkasoorujussuarmik ingerlasimavoq, Kalaallit Nunaannullu qarasaasiat annertuumik piukkunnartuullutik. Ilinniarneq atuarfeqarfinni kisimi ingerlanneqarneq ajorpoq, nunarsuaq tamakkerlugu paasissutissanik pissarsinissamut attaveqaqatigiinnissamullu atuartunik aamma periarfissiivoq, Jens-Jørgen Pedersen oqarpoq.

  • Sea Show Kujataaniissaaq

    Tusagassiutinut nalunaarut -

     seashow

    Sarfaq Ittummi ilinniartitaaneq inuussutissarsiornerlu pillugit saqqummersitsineq Sea Show Sarfaq Ittummut takuniaruk. Ulluni aggersuni 5. septembarimiit 7. september Sarfaq Ittuk Kujataani illoqarfinnut angalaassaaq. Umiarsuarmut ilaapput efterskolet ilinniarfiillu Jyllandip avannaaneersut umiarsuarmi tamanut takuniarneqarsinnaasumi Sea Show-eqartitsisut – periarfissarpassuit usigivai. Tassani ilinniagaqalernissamut periarfissarpassuit saqqummiunneqarumaarput. Peqataajartorit aamma efterskolernissamut, ilinniagaqalernissamut ilisimatusarfinniluunniit ilinnialernissamut periarfissarpassuit tusarnaarlugit. Imaluunniit kalaallit ilinniartut tusarnaariakkit, taakku ilinniagaqalersimanertik oqaluttuarissavaat. Umiarsuaq tamanut ammassaaq usigaalu ilinniagaqalernissamut inuussutissarsiuteqalernissamullu periarfissat Sarfaq Ittummi naapinneqarsinnaasut: Narsaq 5/9 nal. 16.00-17.15 Nanortalik 6/9 nal. 10.00-13.00 Qaqortoq 7/9 nal. 10-12 & 16-19

    Ilinniarfiit saniagut inuussutissarsiornermik suliffeqarfiit aamma peqataapput, taakkulu attaveqarneq pillugu assigiinngitsunik oqaloqatiginnillutillu sammisassaqartitsissapput Kujataani suliffeqarfiit ilagalugit.

    Borgmester Jørgen Wæver Johansen nammineq Narsami Qaqortumilu umiarsualiartussaq ima oqaaseqarpoq: ”Kommune Kujallermi Sea Show iluarisimaaqaarput, maanna Kujataaniippoq. Neriuppunga amerlasoorpassuit umiarsuarmi aaqqissuussinerpassuit takuniassagaat tusarnaariarlugillu ilinniagaqarnissamut periarfissarpassuit, neriuutigaarattaaq inuussutissarsiuteqartut periarfissaq taanna atorniarsarissagaat attaveqarfeqalernissaminnut isumassarsianillu paarlaateqatigiiffigalugu.”

  • Ukiumoortumik Igasa Food Festivaleqarnermi nersornaasiinermi

    Ukioq manna ukiumoortumik Food Festivaleqarnermi nutaamik pilersitsisoqarsimavoq, tassalu Igasa Food Festivalimi nersornaat.
    Food Festival nersornaat 5.000 koruuninik aningaasartaqartoq suliffeqarfinnut, pisortat suliffeqarfiinut peqatigiiffinnulluunnit immikkut suliniuteqarsimasunut nersorinnissutigineqartarpoq makkuninnga suliaqarsimasunut:
    - Kalaallit nerisassiassaataannik ilisimasaqartitsinerulernissaq
    - Kalaallit nerisassiassaataannik atuinerulersitsinissaq
    - Maligassiuilluartuunissaq suliffeqarfinni, pisortat suliffeqarfiini ulluinnarni kalaallit nerisassiassaataannik atuinermut sallersaanermut atatillugu pitsaanerpaamik inissisimasumut
    - Kalaallit nerisassiassaataannik pissarsiniarnermi, ineriartortitsinermi ussassaarinermilu siuttuusoq, suliniuteqarnermik allanguisuusumut.
    Kommunimi allagarsiinikkut, ussassaarinikkut il.il. innuttaasut siunnersuutissanik noqqaavigisimavagut, kiap Igasa Food Festivalimik nersornaaserneqarnissaanik ujartuinitsinni.
    Ukioq manna Igasa Food Festivalimi 2013 nersornaaserneqarpoq Sofus Frederiksen, Narsap Ilua.
    Sofus Frederiksen nersornaasigaavoq suliani makku pillugit:
    Aqqutissiuisuuvoq aamma kujataani nersussuaateqarnermik siulerpaalluni aqqutissiuisimavoq Kujataani neqitugassanik nersussuaateqarnermik ingerlatsivoq,
    Maligassiuilluartuusimaneq nunap immikkoortuani nunatsinnilu imminut pilersulernissamik sulissutiginninnikkut
    Kalaallit tunisassiaannik pissarsiniarnermi sulilluarsimanerit ilungersorsimanerillu pillugit nersornaasiineq.
    Narsami katersortarfimmi katerisimaartitsisoqarpoq pingasunngornermi 4. september nal. 16.30-miit, tassani borgmesteri Jørgen Wæver Johansen tikilluaqqusivoq nersornaallu tunniunneqarpoq Inuussutissarsiornermut suliffeqarnermullu ataatsimiititaliap siulittaasuanit Simon Simonsenimit.

  • Kommunalbestyrelsit ataatsimiinnissaanut oqaluuserisassat

    Narsami qinikkat ataatsimiittarfianni ataatsimiinnissamut ulloq 06.09.2013 nal. 09:00 oqaluuserisassat atuarneqarsinnaapput.

    PDF-fiili atuaruk.

  • Narsami innuttaasunik ataatsimiisitsineq

    Kommune Kujallermi kommunalbestyrelsi Narsamiinnernimi innuttaasunik ataatsimiisitsissaaq sisamanngorneq 5. september 19:00-21:00 Narsap katersortarfiani.
    (Kalaallisut ingerlanneqassaaq ingerlaannartumik danskisuunngortitsisoqarluni)

    Ileqquusumik ataatsimiissaaq Narsami kommunip ataatsimiittarfiani tallimanngorneq 6. september 2013 nal. 09:00-miit.
    (Kalaallisut ingerlanneqassaaq ingerlaannartumik danskisuunngortitsisoqarluni)

    Allattoqarfik

     

  • Kujataani Nunaqarfiit isumasioqatigiinnerat

    Ulluni 17. aamma 18. august 2013 Alluitsup Paani Kujataani nunaqarfiit isumasioqatigiinnerat ingerlanneqarpoq.

    Eqqartorneqartut uani atuakkit.

  • Kujataani Igasa Food Festival

    Ukioq manna nerisassanik saqqummersitsinermi Food Festival Igasami aaqqissuussinernut 60-it sinneqartunut 24. augustimiit 8. septemberimut ingerlanneqartussanut Kujataaniit tikilluaqqusiumavugut.

    Nerisassanik saqqummersitsinermi siunertaasoq tassaavoq kujataamiut nerisassaataat pitsaasut saqqummiutissallugit, kujataa Nunatta Nerisassaasiviatut ilisarisimaneqalersissallugu taamalu imminut pilersornerulernissaq kalaallillu nerisassaataanik atuinerulernissaq aqqutissiuutissallugit.

    Nerisassanik takutitsineq 24. august Qaqortumi illoqarfiup qeqqani aallarnerneqassaaq tassanilu Borgmester Jørgen Wæver Johansen aammalu Naalakkersuisoq Karl Lyberth pisortatigoortumik ammaasuussapput.

    Borgmester Jørgen Wæver Johansen ima oqaaseqarpoq: ”Imminut pilersornerulernissamik kalaallillu nerisassaataannik atuinermik aallussineq inuiaqatigiit aningaasaqarnerannit isigalugu isumatusaarnerujussuuvoq, kujataanilu uagut inuussutissalerinikkut ineriartortitsinissamut pitsarujussuarnik periarfissaqarpugut. Nerisassanik takutitsineq kujataamiut nerisassaataannik nittarsaassivissaavoq pitsak aammalu Nunatsinni Nerisassaasivittut ilisarisimaneqalernissatsinnut aqqutissatsialaalluni. Taamaammat suliffeqarfiit, neriniartarfiit, savaatillit, peqatigiiffiit aammalu inunnik sullissiveqarfiit ukioq manna takutitsinissaq iluatsikkumallugu sulisimanerujussuat takullugu assorsuaq iluarisimaarnarpoq ajasoornarlunilu.  
    Inuussutissarsiornermut suliffeqarnermullu ataatsimiititaliap siulittaasua Simon Simonsen oqarpoq: ”Siorna Food Festival iluatsilluaqaaq, aammalu nerisassanik saqqummersitsisarnerup annertusiartuinnarnera takullugu nuanneqaaq. Illoqarfinni nunaqarfinnilu suliffeqarfiit, niuertarfiit nerisarfiillu assigiinngitsunik aaqqissuisarput taamalu Kujataata mamartuutaanik ooqqattaarsinissatsinnut tamatta periarfissilluartarluta.”

    Illoqarfinni nunaqarfinnilu inunnik sullissiviit peqatigiiffillu qassiit peqataanerat ataatsimiititaliap siulittaasuanit iluarisimaarluarneqarpoq: ”Meeqqat inuusuttullu amerlasuunik sammisaqartinneqarneranni kalaallit nerisassaataannik isiginninneq allanngortarpoq, aammali tamatumuuna paasilluartarparput nammineq nerisassaatitsinnik pisisarnerup inuiaqatigiinnut suliffissaqartitsinermullu qanoq iluaqutaatigissusia.”

    Paasissutissat sukumiinerusut:
    Kommune Kujallermi Borgmester Jørgen Wæver Johansen oqarasuaat 55 96 72.
    Kommune Kujalleq Inuussutissarsiornermut suliffeqarnermullu ataatsimiititaliap siulittaasua Simon Simonsen oqarasuaat 49 33 17.

     

  • Seashow - periarfissarpassualik

    Sarfaq Ittuk-mmi saqqummersitsineq

  • Food Festival-imut pilersaarutit 2013

    Ukioq manna Food festival 2013 ingerlanneqarnissaanut pilersaarutaasut takukkit.

    PDF takuuk

  • Pissartanngorniunneq Qaqortumi ammarneqarpoq

    K-1933-ip siulersuisuani siulittaasoq Jørgen Vetterlain aamma Kalaallit Nunaanni arsartartut kattuffiani siulittaasoq Lars Lundblad oqaaseqareermata 2013-mi angutit nunatsinni arsamik pissartanngorniuullutik unammersuarnerat pisortatigoortumik Kommune Kujallermi borgmester Jørgen Wæver Johansen-imit ammarneqarpoq.

    Borgmesterip oqalugiaataa uani atuaruk

  • Maraton Leif Iluanaarajooq

    Arfininngorpat aggustip 17-ani nal. 10:00 Qassiarsummi Marathon Leif Iluanaarajooq aallartissaaq.

  • Narsami atualertut 29-it

    Narsami sila qulisimalaaraluartoq atualerlaanut akornutaanani meeqqat ilaqutaalu qiimaqalutik tulluusimaaqalutillu atuarfimmi kateripput. Ukioq manna atualertut 29-iupput.

  • Isikkamik arsaalluni angutini pissartanngorniunneq 2013

    Pujleni unammisaqattaarnissat uani programmimi takuneqarsinnaapput:

    ANGUTIT ARSAQ / FODBOLD GM 2013:

     Pujle 1

    1. G-44, Qeqertarsuaq
    2. NÛK. Nuuk.
    3. K-64, Kuummiut
    4. Eqaluk 54, Tasiusaq (Nan)

     

    Pujle 2

    5. I-69, Ilulissat
    6. K-1933, Qaqortoq
    7. B-67, Nuuk
    8. FC Malamuk, Uummannaq

    Unamminerit tulleriinneri / Kampprogram:

    Sisamanngorneq/Torsdag 15.08. 2013:

    12.15: Ammaanersiorneq / Åbning
    GM 2013

    1. 13.00: G44 – NÛK
    2. 15.00: K64 – EQALUK 54
    3. 17.00: I69 - K33
    4. 19.00: B67-FC MALAMUK

    Tallimanngorneq/Fredag 16.08.2013:

    5. 13.00: G44 – K64
    6. 15.00: NÛK – EQALUK 54
    7. 17.00: I69 – B67
    8. 19.00: K33 – FC MALAMUK

    Arfininngorneq/Lørdag 17.08.2013:

    9. 13.00: G44 – EQALUK 54
    10.  15.00: NÛK – K64
    11.  17.00: I69 – FC MALAMUK
    12.  19.00: K33 – B67

    Sapaat/Søndag 18.08. 2013:

    Semifinalimut annguttut unammissanngillat / Semifianlehold fri
    UNAMMISSANNGILLAT / SEMIFINALEHOLD FRI

    13.  14.00: Pujle 1 nr. 3 – Pujle 2 nr. 4
    14.  16.00: Pujle 1 nr. 4 – Pujle 2 nr. 3

    Ataasinngorneq/Mandag 19.08.2013:

    Semifinalit/Semifinaler:

    15.  14.00: Pujle 1 Nr. 1 – Pujle 2 Nr. 2
    16.  16.00: Pujle 2 Nr. 1 – Pujle 1 Nr. 2

    Marlunngorneq/Tirsdag 20.08.2013:

    Inissinniuunnerit / Placeringskampe

    17.  14.00: Ajorsartoq Nr. 13 - Ajorsartoq Nr. 14
    18.  16.00: Ajugaasoq Nr. 13 - Ajugaasoq Nr. 14

    Pingasunngorneq/Onsdag 21.08.2013:

    19.  14.00: Ajorsartoq Nr. 15 - Ajorsartoq Nr. 16      BRONCEKAMP

    20.  16.00: Ajugaasoq Nr. 15 – Ajugaasoq Nr. 16       FINALEKAMP

  • Kommune Kujallermut 2011-2022-mi pilersaarutip tamanut saqqummiunneqarnera

    2012-imi siunnersuut pillugu tamanut tusarniaanerup kingorna kommunalbestyrelsip 23. maj 2013 ataatsimiinnermini 2011-2022-mut kommunimut pilersaarut akuersissutigaa. Taanna 2. augusut 2013 tamanut saqqummiunneqarpoq ullormillu tassannga atuutilerluni.

    Kommunimut pilersaarusiakkut kommunip 2022-ip tungaanut ineriartornera tunngavissiorneqarpoq; qinigaaffiilli tamaasa nutarterneqartassalluni. Kommunimut pilersaarummi ilaatigut ipput pingaarnerpaatigut anguniakkat kommunip ineriartortinneqarnerani tunaartassatut kommunalbestyrelsip kissaatigisimasai ilaatigullu aalajangersakkat pingaarnerit kommunimi piffinnik ataasiakkaanik atuinerup qanoq pinissaanik aalajangersaavigisai kiisalu atortorissaaruteqarfiit, illutat nunaminertallu atorneqanngitsut pillugit aalajangersakkat sukumiinerusut.

    Kommunimut pilersaarutissatut siunnersuummut sanilliullugu 2012-mi tamanut tusarniaanermi makku annertuumik allannguutaapput:

    • Qaqortumi mittarfissap inissaatut inniminnigaq siunnersuummut nr. 2-mut (Tasersuup avannaanut) massakkut naalakkersuisut piviusunngortitsivigissallugu sukumiinerusumik misissugaanut nuunneqarpoq.
    • Narsarsuaq pillugu nassuiaat iluarsineqarpoq Issittumi Sakkutooqarfissatut periarfissaanera ilaajunnaarsillugu.
    • Ineqarnermut, Attaveqarnermut Angallannermullu Naalakkersuisoqarfiup teknikkikkut iluarsiissutigeqqusai annikinnerusut iluarsiissutigineqarput.

    Kommunimut pilersaarut qarasaasiakkoortoq aammalu tamanut tusarniaanerup nalaani akerliliissutaasimasut oqaaseqaatillu uani takuneqarsinnaapput.  http://kujalleq.odeum.com/
.

  • Kommune Kujalliup, Aarhus Kommune aamma Midjyllands EU-p allaffiata Bruxellesimiittup akunnerminni suleqatigiinnissamut isumaqatigiissutaat

    Århusimi Tall Ship Race pillugu Kommune Kujalliup aaqqissuussisussaaneranut atatillugu, Aarhus kommuniani borgmester Jacob Bundsgaard aamma Kommune Kujallermi borgmester Jørgen Wæver Johansen, umiarsuarmi aqumiunngorniartut sungiusarfianni arfininngormat Kujataani EU-p suliniutaanik ineriartortitsisoqarnissaa pillugu suleqatigiinnissamut isumaqatigiissummi atsiorput.

    2013-07-08-samarbejdsaftale

    Assit assigiinngitsut uani takukkit

    Isumaqatigiissummi pineqartut makkuupput: Kommune Kujalleq EU-mit sorlertigut tapersorneqarsinnaanersoq misissorniarlugu EU-mi sulisoq ataaseq Bruxellesimi Midtjyllands EU-p allaffeqarfianeersoq taamatuttaaq inuussutissarsiornikkut suliniuteqarnissamut, qinnuteqaasiortarnissamut- aamma ineriartortitsinissamut periarfissat misissuiffiginissaat kommunimilu ataatsimeeqateqarnissani siunertaralugu tikeraassaaq.
     
    Sungiusaasoqartitsineq, ilitsersuineq aamma qarasaasiatigut attaveqaateqartitsineq atorlugu Aarhus Kommuneanit Kommune Kujallermi piginnaanngorsaatitsisoqassaaq. Taamatuttaaq isumaqatigiissummi pineqarput, Aarhus Universitetianit aamma Midtjyllandip EU-mi Bruxellesimiittup allaffeqarfianit kommuni tapersersorniarlugu piginnaanngorsaanerit.
     
    Kujataani nunalerinerup ineriartortinneqarnissaanut tapersersuinissaq, suleqatigiinnissamut periarfissarsiornissaq, tassa Nunalerineq pillugu ilisimatusarfeqartitsinissaq siunertaralugu Kommune Kujallermilu piginnaanngorsartitsisarnermut ineriartortitsinissamut pisariaqartitsineq naapertorlugu Agro Food Parkimi sulisut ikiortigineqassapput.”  
     
    Ikinngutigiittut suleqatigiilerneq isumaqatigiissummik ersarissinerulersitsisoq aamma Aarhus Kommuneanit suliatigut tamakkiisumik tapersuisoqarnera, taamatuttaaq qulaani siunissami pineqartut assigalugit Aarhus Kommuneanit isumaqatiginninniutigineqartarnissaasa ammaffigineqarneri pillugit Borgmester Jakob Bundsgaardip atsiornermini nuannaarutigalugu nalunaarutigaa.

    Borgmester Jørgen Wæver Johansen Kommune Kujalleq sinnerlugu kommunit marluk akunnerminni EU-mit Kujataani atorneqartussanik tapiissutaasinnaasunik ujartuinissamut periarfissarsiornissamullu suleqatigiilernissaat minnerunngitsumillu EU-p misilittagaqarfigilluagaanik nunalerinermut tunngasut qujaniuteqarnermini eqqaavai.

  • Tasiusaarsummi Aasivik

    Meeqqanut inuusuttuaqqanullu Aasivik Nanortallip eqqaani ”Tasiusaarsumi”.

  • Immikkut ilisimasalittut siunnersortitut atorfillit Roskilde Kommu-neaneersut suleriaatsinik aningaasartassanik pissarsiornermi iki-uukkiartorlutik Nunatsinni Kujallermi illoqarfittut ikinngutaasumut ingerlaarput

    Illoqarfiit ikinngutigiit akornanni qanimut suleqataasutut Roskilde Kommuneani borgmester Joy Mo-gensen aamma Kommune Kujallermi borgmester Jørgen Wæver Johansen attartortitsinissamut isu-maqatigiissummi ullumi atsioqatigiipput.

  • Kommune Kujalleq: Ujaqqanik katersugaateqalerpoq

    1.juli aallarnerfigalugu Kommune kujallermi Narsami katersugaassivimmi ujaqqanik katersugaassivimmik ammaanersiortoqarpoq.

  • SPS "Puilasumi" ataatsimeersuarnissaannut oqaluuserisassat

    Savaatillit Peqatigiit Suleqatigiissut (SPS) ”PUILASUMI” Ataatsimeersuarneranni tallimanngornermi, 28. juni 2013, nal. 10.00 oqaluuserisassat:

    01.    Tikilluaqqusineq v/ Lars Nielsen
    a)    1. viceborgmesterip Simon Simonsen-ip oqalugiarnera
    b)     Inatsisartut Aalisarnermut Piniarnermut Nunalerinermullu ataatsimiititaliap siulittaasuata oqalugiarnera
    02.     Aqutsisussamik toqqaaneq
    03.     Oqaluuserisassat akuerineqarneri
    04.     Siulersuisut nalunaarutaat v/ Suulut Hansen
    05.     Aningaaserisup nalunaarutaa v/ Klaus Frederiksen
    06.     Aningaasaateqarfiup nalunaarutaa v/ Otto Nielsen
    07.     Malittarisassat nutarternissaanut siunnersuutit v/ Siulersuisut
    08.     Ilaasortat oqaluuseritinniagaat
    a) Uumasut nakorsaqarniarneq v/ Niels Lund
    b) Aqquserniortarneq v/ Marius Nielsen
    c) ET ApS-ip akiliisinnaajunnaarnera v/ Ferdinand Egede
    09.     Siunissami nerukkaatissanik niuernissaq v/ Siulersuisut
    10.     2014-mi ataatsimeersuarnerup sumiiffissaa
    11.     Siulersuisussanik qinersineq
    12.     Tamalaat
    a)    Neqi A/S
    b)    Facebookimi oqallittarfik
    c)    Piaqqiortumit ataatsimit pissarsilluarnerpaaq v/ SIP

    P.O.Box 229 * 3920 Qaqortoq * Kalaallit Nunaat *  Tel.: +299 64 12 06  *  Fax  +299 64 13 06  *  E-mail: sps@greennet.gl

  • Saqqarmiuliineq

    Ataqqinartorsuup Dronning Margrethep qatserisartunut ukiuni 25-ni qatserisartuusimasunut saqqarmiuliuttagaa "Hæderstegnet for god tjeneste i brandvæsenet" inuiattut ullorsiornitsinni tunniunneqarput Karl Larseni-imut aammalu Vittuaraq Isbosethsen-imut. Kommune Kujallermiit saqqarmiuligaasut pilluaqquagut.

  • Ullortunersiornermi oqalugiaat

    Qaqortoq, tallimanngorneq 21. juni 2013

  • Qaqortumi HHX-imi ilinniarnertuunngortut

    Sisamanngornermi, 20. juuni 2013 Qaqortumi Niuernermi Ilinniarfimmi HHX-imi ilinniarnertuunngortut allagartartaartut Kommune Kujallermiit pilluaqquvagut.

    Borgmester Jørgen Wæver Johansen oqalugiarnermini ilaatigut imatut oqaaseqartoq ” Ullumikkut nunarput pisuunguallappoq – kingumut uppernarsarneqarmat nunatsinni inuusuttorpassuaqarmat piginnaasanik ulikkaartunik.”

  • Piareersarfimmi soraarummeertut

    Soraarummeernermi uppernarsaatit ullumi Qaqortumi Piareersarfimmi atuartunut tunniunneqarput.

    Atuartut taakku AEU-mi misilitsiput amerlanersaallu inuussutissarsiutinik ilinniarfinnut ingerlaqqinniassallutik.

    Atuartut allat FA-mi misilitsissimapput, atuartullu amerlanerit ilinniarnertuunngorniarfinnut ingerlaqqinniassallutik.

    Atuartut affaasa missaat qinnuteqareersimapput Piareersarfimmeereernerminnilu ilinniarfinni tiguneqareersimanngikkunik tiguneqarnissaat ilimagineqarluni.

    Assimi takuneqarsinnaapput soraarummeernermi uppernarsaatinik tunniussinermi atuartut takkussimasut. Atuartut ilarpaalui takkussimanngillat sulinertik illoqarfimmiilluunniit aallareersimanertik pissutigalugu.

    2013-06-18-piareersarfik

    Soraarummeernermi uppernarsaatinik agguaanermi atuartut takkuttut. Ilai sulinngikkunik aallarsimagamik takkussinnaasimanngillat.

  • Kommune Kujallermi Nunaqarfimmi aqutsisut

    Aappilattoq, Narsaq Kujalleq, Tasiusaq
    Angajo Manassen (Formand)
    Aappilattoq B-1559
    3922 Nanortalik

    Hans Levisen
    Aapilattoq B-31
    3922 Nanortalik

    Ingemann Dorph
    Tasiusaq B-1064
    3922 Nanortalik

     
             

    Eqalugaarsuit, Saarloq, Qassimiut
    Louise Jakobsen (Formand)
    Eqalugaarsuit B-587
    3920 Qaqortoq

    Lars Boassen
    Qassimiut B-1486
    3920 Qaqortoq

    Asser Erngsen
    Eqalugaarsuit B-964
    3920 Qaqortoq

     

    Ammassivik, Alluitsup Paa
    Henriette Josefsen (Formand)
    Alluitsup Paa B-1634
    3919 Alluitsup Paa


    Kanuthus Karolussen
    Alluitsup Paa B-419
    3922 Nanortalik

    Johannes Kleist
    Alluitsup Paa
    3919 Alluitsup Paa

     

    Qassiarsuk, Igaliko, Narsarsuaq
    Mouritz Karlsen (Formand)
    Atarnaitsoq B-1319
    Igaliku
    3920 Qaqortoq

    Frederik Frederiksen
    Qassiarsuk B-1331
    3921 Narsaq

    Storch Lund
    Narsarsuaq B-333
    3923 Narsarsuaq

  • Start Up Greenland Qaqortumi

    Start Up Greenland, aallarnisaasunut pisoqartitsinermik Greenland Business-mit aamma Lars Kranker-imit aaqqissorneqartumik Qaqortumi sap. akunnerata naanerani 7. junimit 9. junimut ingerlatsivoq.

  • Kalaallit eqqumiitsuliaanik kulturiannillu siuarsaanissamik siunertalinnut tapiissuteqarneq

    Kommune Kujallermi Kultureqarnermut Sunngiffimmullu Ingerlatsiviup ataani Malene aamma Henrik Lundip aningaasaateqarfia kalaallit eqqumiitsuliaanik kulturiannillu siuarsaanissamik siunertalinnut tapiissuteqarpoq.

    Aningaasaateqarfiup siulersuisui tassaapput kultureqarnermut sunngiffimmullu ataatsimiititaliaq tassanilu siulittaasoq Kommune Kujallermi borgmesteri.

    Aningaasaateqarfiup qinnuteqarfigineqarsinnaanera Kommune Kujalliup nittartagaatigut kommunillu allagarsiisarfiisigut paasissutissiissutigineqarpoq.
    Taperneqarnissamut qinnuteqartunut piumasaqaataavoq kalaallit eqqumiitsuliaanik tamatumalu siuarsarlugu siaruartinnissaanut siunertalimmik suliniuteqartoqassasoq.

    Kommune Kujallermi Malene aamma Henrik Lundip aningaasaateqarfia ukioq manna eqqumiitsuliortuminut taperneqaatinik agguaassivoq, ukuusunut:

    • 0Kr.27.000,00 Finn Lyngep saqqummersitassaanut ”Eqqaamasat – et langt liv på tværs”.
    • Kr.6.000,00 assiliisartumut John Rasmussenimut Nanortalimmi, Qaqortumi Narsamilu assinik saqqummersitsinissaanut.

    ”Kommuni aningaasaateqarfik aqqutigalugu atuakkiortup inuiaqatigiit pillugit oqallinnermi peqataalluartartup eqqaamasai aamma assiliisartup assilisat atorlugit inuiaqatigiinnut oqariartuutinik ingerlatsisartup pillugit ingerlatitseqqinissai aningaasanik ikiorserpai” taama oqarpoq Kommune Kujallermi borgmesteri Jørgen Wæver Johansen

  • Narsap Atuarfia pillugu tusagassiutinut nalunaarut

    Kommune Kujallermi atuartitaanermut meeqqeriveqarnermullu ataatsimiititaliap 11. juni 2013 Nar-sami ataatsimiinnermini Narsap Atuarfiata naammaginanngilluinnartumik inissisimanera annertuumik sammivaa, ilaatigut angajoqqaat atuartullu akerliussutsiminnik takutitsisut naapillugit, kingornalu atuarfik pulaarlugu.

    Ataatsimiititaliap sakkortunerpaamik kingumut piumasaraa piaarnerpaamik Narsap Atuarfiata nu-tarsarlugu aallartinnissaa, kiisalu aningaasat naammattut tassunga immikkoortinneqarnissaat. Ullumikkut atuarfiup ilarujussua radonimik ulorianartumik akoqarpoq, atuarfiup ilarujussua oqummat matuneqarnikuuvoq, sinneralu aamma ulorianartorsiulersimasutut taaneqartariaqarluni, annertuumillu aserfallassimalluni.

    Ataatsimiititaliap piumasaraa piaarnerpaamik Naalakkersuisoq akisussaasoq atorfilittanilu Narsamukarlutik ajornartorsiup annertussusaa namminneq isiminnik alakkassagaat, tamannalu pisariaqartoq ukiup atuarfiusup matuma naanginnerani.

    Ataatsimiititaliap aamma aalajangerpaa, atuarfik atuartunut ukiup atuarfiusup sinnerani atorneqartariaqanngitsoq, atuartitsinissarlu sinneruttoq allatut aaqqissuussinikkut aaqqinneqassasoq.
    Taama aalajangernerput pissutaavoq meeqqat ilinniartitsisullu peqqiilliortalersimasut maluginia-rneqarmat, pingaartumik anersaartorniarnermikkut ippigusuttalersimallutik. Tamanna annertuumik isumakululersitsivoq, piumasaraarpullu Namminersorlutik Oqartussat pissutsit ajorluinnarnerat qaangerniarlugu aningaasaliissutissatik piffissami qaninnerpaami allillugit, suliassap aallartikka-suarneqarnissaa isumagissagaat.

    Ilanngullugu ilisimatitsissutigineqassaaq ulluni makkunani atuarfeqarnermut meeqqeriveqarnermullu  ingerlatsivik kommunimi ingerlatsiviit allat peqatigalugit, atuartitsiviugallartussat pillugit aaqqiissutissanik pilersaarusiormat taamaalilluni piareersimaffioreerniassammat ukiup atuarfiusup 2013/2014 aallartinneranit atuarfik aaqqissuunneqalissappat atuartitsivissaqarnissaq.

    Inussiarnersumik

    Karla Egede Bisgaard
    Siulittaasoq

  • Inuusuttut højskolertut

    Inuusuttut Narsarmiut Nanortalimmiullu 20-t ulluni makkunani Qaqortumi Sulisartut Højskoleaniipput.

  • Eqqaaniut

    Pingasunngorneq 29. maj 2013 asasarput Karoline Biilmann, Kaluliiaraq, Københavnimi Napparsimavissuarmi tupannaqisumik toqukkut qimaguppoq. Kaluliiaraq ulluni inuuffimmini kingullerni qujanartumik uiminit qitornaminillu najorneqarpoq. Kaluliiaraq 61-iinnarnik ukioqaleraluarluni  inuunermini sivikippallaami sorpassuarnik angusaqarsimavoq.

    Karoline Biilmann Qaqortup Kommunerisaani 1972-imi ilinniarluni naammassivoq, 1991-1992-imilu kommunip avataani sulinissaminik sivikitsumik misileerusutsannermi saniatigut toqussi tikivillugu kommunimi isumaginnittoqarfimmilu aalajaalluni sulisimalluni. Inuit sanngiinnerpaat Kaluliiaqqap pingaartitarilluarpai sulissuttarlugillu qanilaarluni, naammagittarluni suliaminullu pikkorilluarluni – inunnullu attaveqarnermut piginnaaneqarluarnini iluaqutigingaartarpaa.

    Tassalu ilisarnaatigilluarsimasaa. Inuk allannguerusussusilik, ilorraallu tungaanut allannguisimasoq.

    Inuiaqatigiinni ikiortariaqarnerpaanik sullissinermi saniatigut Kaluliiaraq allanissaaq suliaqarpoq. Tamakkulu paamaarunnagit sapinngisaminik pitsaanerpaamik suliarisarpai. Kommunitsinilu qanigisaminnik annaasaqarsimasut ilaatigut Kaluliiaraq attavigisarpaat. Tapersersuisarpoq, ikiuuttarluni naalaartarlunilu. Kaluliiaqqap ilisarnaataasa ilagaat suliffini sutut pisussaaffittut nuanniitsutut isiginngisaannarmagu. Suliffini qaaqqusaaffittut isigineruaa – ilumoortumimmi ikiuerusussuseqarpoq. 2013-imi maajimi napparsimavimmut innarfissami ippassaa tikivillugu Kaluliiaraq sulivoq, innuttaasunimmi atorfissaqartinneqarpoq. Tassa inuk taama ittuuvoq. Tassa taama eqqaamassavarput, taamaammallu maqaasivarput.

    Karoline  

    Suliffimmi saniatigut Karoline Biilmann aamma illoqarfimmi kujataanilu peqatigiiffilerisarpoq, peqatigiiffinnilu ikiuunniarfiusuni siulersuisunut ilaasortatut kajumissutsiminillu sulisutut sallersaajuaannarluni. Aamma tamatumani inuk suliaminik pingaartitsilluartoq, tassalu Kaluliiaraq, maqaasineqassaaq.

    Annerpaamilli maqaasisussat tassaapput Kaluliiaqqap ilaqutai. Eqqarsaatitsinni najorpavut uia Jonas, 2014-imi Kaluliiararlu aappariinnerminni ukiunik 40-innguisussaagaluaq. Eqqarsaatitsinilu najorpavut meerai tamaasa, ernutai ernutaqqiutaalu, aammalu qitornaasa aappaat. Inuk ajunngitsorsuaq najortigiuagarsi annaavarsi. Kaluliiararli qanilaarnermik angisoorsuarmik peqarpoq. Qanilaarnerlu taanna ulluni artornartuni aggersuni ilaqutaasutut misigisarumaarparsi.

    Inuuneq pingaartoq malunnaateqaqisorlu tassunga killeqarpoq. Inuunerli taanna ilinniarfissareqaarput, Kaluliiararmi inuusimavoq inoqamminut, ilaquttaminut nunaqqatiminullu sullissiumatuulluni, tapersersuijumatuulluni ikiuukkumatuullunilu.

    Eqqaaneqarnera ataqqinartuuli.

    Jørgen Vetterlain              Mikkel Balle
    Kommunip pisortaanera    Isumaginninnermi pisortaq

  • GM-imut anngunniunnissamut makitsineq

    Nukappissat U-18 GM-imut atatillugu Qaqortumi sapaatip akunnera 28-imi isikkamik arsaannermi anngunniunnissaannut makitsisoqarpoq, makitsisuuvorlu Kommune Kujallermi Borgmester taamatullu aamma anngunniunnissami illersuisuussalluni.

  • Pisussarpassuarnut peqataanissannut periarfissaqarputit

    Kommune Kujallermi SAPAATIP AKUNNERI KULTURISIORFIIT piareerluinnarput, imatut ullulerneqarput:
    Narsami 18.juni Operamik tusarnaartitsinermi aallarneriarlugu ulloq 29.juni nuannatsitsinermik naggaserneqassaaq.
    Qaqortumi 19.juni Angakkuartartumik angalaartitsilluni aallarneriarlugu ulloq 23.juni Grillerinertalerlugu ivigaasanik arsaatarfimmi GBU-cup finaali ingerlanneqassapput.
    Nanortalimmi ulloq 19.juni Peqatigiiffiit katinngalisaarlutik ingerlaaqatigiinnerannik aallarteriarlugu ulloq 28.juni Søren Alaufesen tusarnaartitsisoralugu naggaserneqassapput.

    Peqataanissamut tikilluaqquatsigit.

     

     

  • IKUALA-p katersuiniarnerani peqataaneq

    Nuna tamakkerlugu kræftimut eqqugaasartut qanigisaat ikiorniarlugit katersineq
    Nanortalimmi tallimanngormat 31. maj 2013 nuna tamakkerlugu,  aningaasaateqar-filiornissamut katersuiniarnermi Kultureqanermut Sunngiffimmullu ingerlatsivik suleqataavoq.
    Katersuiniarneq Nanortallip timersortarfiani ingerlanneqarpoq. Timersortarfik marlunnut avillugu aaqqissuiffigineqarpoq. Affaa meeqqanut pinnguartarfissualiaralugu, affaalu inersimasuunerusunut sammisunik aaqqissuiffigalugu.
    Meeqqanut: Hoppeborg marluk, trampolinat marluk kiisalu meeqqanut mikinernut skum madrasit katitertakkat, kiinakkut qalipatsinneq, lykkehjul, ekperimentarium (fysik)  sammisassaritinneqarlutik neqeroorutaapput.
    Inersimanerusunut: Kaffebar, akitsorterussineq, nipilersorneq, massage, assilitinneq. Unnuk imigassartaqanngitsumik katersiniarfiuvoq.
    Katersiniarneq iluatsilluarpoq kr. 27.000,00 katersorneqarmata.

    Kultureqarnermut Sunngiffimmullu Ingerlatsivik

  • Ilinniartitsisut nalliuttorsiortut

    Tasersuup Atuarfiani Ilinniartitsisut Najârak ukiuni 26-ini kiisalu Sofie Joseassen ukiuni 29-ini atorfeqarsimanerannit tallimanngormat, 31. maj 2013 nalliuttorsiutigineqarput. Pingaartorsiornartumik oqalugiarput atuarfiup pisortaa Vera Solvig kiisalu borgmester Jørgen Wæver Johansen. Nalliuttorsiortut ilaqutaallu Kommune Kujallermiit pilluaqquvagut.

  • Start UP Greenland – Qaqortumi aallarnisaasunut aaqqissuussineq

    Suliffeqarfimmik aallarneerusuttuuguit aammalu suliffeqarfik, tunisassiaq imaluunniit sullissineq nutaaq pillugu isumassarsiaqaruit weekend tulleq 7.-9. juni Qaqortumi Niuernermik Ilinniarfimmi naapeqatigiinnissamut tikilluaqqusaavutit.
    Naapeqatigiinneq tallimanngorenq 17.00 aallartissaaq sapaammilu unnukkut isumassarsiamik pitsaanerpaamik akissarsisinneqartussamik naliliisut toqqaareerpata naammassineqassalluni.
    Isumassarsiamiit piviusunngortitsinermut
    Weekendip ingerlanerani inuussutissarsiutinik ingerlatallit misilittagartuut aallarnisaanissamut isumassarsianik aqqutissiuillutillu ikiuissapput isumassarsiallu pitsaanerpaat weekendip ingerlanerani tunisassiassatut ingerlatassatullu ineriartortinneqassallutik.
    Aaqqissuussinermi tassani qimuttuussaaq Lars Møller, Nuummi Niuernermik Ilinniarfimmi ulluinnarni ilinniartitsisuusoq.

    Tapersersorneqarluarpoq

    Suliniut suliffeqarfinnit assigiinngitsutigut aningaasaliivigineqarluni tapersersorneqarluarpoq kiisalu inuussutissarsiutinik ingerlatallit qassiit takkukkumaarput siunnersuuteqarniarlutik ilitsersuiniarlutillu.

    Aaqqissuussineq pillugu apeqqutissaqaruit Kommunip Inuussutissarsiornermut Suliffeqarnermullu Ingerlatsivia attavigiinnariannguaruk

     

  • Issittumi Takornarianut Angallassisartunngortut

    Borgmesterip naammassisunut oqalugiaataa atuaruk.

    PDF-fiili atuaruk...

  • Inuusuttut Højskolertut

    Inuusuttut 20-it Narsameersut Nanortalimmeersullu ulluni makkunani Qaqortumi Sulisartut Højskoliat tiguarpaat. Inuusuttut 15-18-inik ukiullit qaammat tulleq atorlugu siunissami takorluukkatik aammalu ilinniarniakkatik inuussutissarsiutiginiakkatillu qulaajassavaat.
    Højskolertitsineq Kommune Kujalleq suleqatigalugu aaqqissuunneqarpoq inuusuttunullu suliniutinut, qitiusumiit aningaasaliissutit inuusuttunik sapinngisamik amerlanerpaamik ilinniagaqalersitsinissamik suliffeqalersitsinissamilluunniit siunertaqarfiusut, atorlugit aningaasalersorneqarluni.

  • Kalaallit Nunaata meerartaasa inuusuttaasalu 30 procentiinut iPads-it 3000-t

    Tusagassiutinut nalunaarut

    Qeqqata Kommuniani Kommuni Kujallermilu atuartut ilinniartitsisullu tamarmik iPads-eqalissapput. iPads-it taakku 3000-t Qarasaasiaqarnermut tunngasutigut meeqqat pisuttalerneriniit ilisimasaat qaffassassavaat, atortuutillu taakku immikkorluinnaq periarfissiissapput, tassa ungasiaaniit meeqqanik inuusuttunillu Kalaallit Nunaanni ilinniartitsinikkut. ANINGAASAATEQARFIK VILLUM FOND-ip 17 mio. koruuninik tunissuteqarneratigut tamakku pisiarineqarsinnaalerput. Ingerlatsinikkut aningaasartuutitassai kommunit isumagissavaat, tamatumanilu ukiuni tulliuttuni arfineq-marlunni 23 mio. koruunit atorneqartussaassallutik.

  • Kommune Kujallermi qininikkat pikkorissartinneqarput

    Marlunngornermi, 02. april 2013 Kommunalbestyrelsimut qinersinerup  kingorna, Kommune Kujallermi qininikkat pingasunngornermi,Read More 22. maj 2013, Hotel Qaqortumi aqutsinermut inatsisinik malittarisassanillu pikkorissartinneqarput Kommunet Kattuffiata aaqqissugaanik, inatsisilerinermi seniorkonsulentimit Bjarne Petersenimut.

  • Kommune Kujallermi atuartitaanermut meeqqeriveqarnermullu ataatsimiititaliaq nutaaq

    Kommunalbestyrelsi nutaaq 1. maj 2013 ivertinneqarmat, ataatsimiititaliat assigiinngitsut aamma inissitsiterput.

    Ukiuni tulliuttuni sisamani ilaasortat ukuulerput:
    Siulittaasoq Karla Egede Bisgaard, Siumut Narsaq
    Siulittaasup tullia Ole Mølgaard-Motzfeldt, Siumut Qaqortoq
    Ilaasortaq Kaj Lyberth, Siumut Qaqortoq
    Ilaasortaq Benjamin Kielsen, Siumut Narsaq
    Ilaasortaq Debora Kleist, Inuit Ataqatigiit Qaqortoq.

    Ataatsimiititaliap makku oqartussaaffigai:
    Illoqarfinni nunaqarfinnilu atuarfeqarneq, atuartut angerlarsimaffii, atuarnerup nalaani meeqqanik paaqqinninneq, savaateqarfinni atuartitsineq, meeqqeriveqarneq, nunaqarfinni atualerneqanngitsut piukkunnarsarfii kiisalu PPR-siunnersuisarfeqarneq.

    Oqartussaaffiit ingerlanneqartut ukioq 2013 missingersuutaat 137 millioner kroner missaanik annertussuseqarpoq.

    Ataatsimiititaliamut allattaavoq Atuartitaanermut meeqqeriveqarnermullu ingerlatsivimmi pisortaq, Jens Korneliussen Nanortalimmi inissisimasoq.

    Uuma ataatungaani kommunalbestyrelsinngortut suleqatigiissutissatut isumaqatigiissutaat takuneqarsinnaavoq.

    Atuarfitsialak meeqqerivitsialallu:

    Atuarfitsialaap pitsanngorsartuarnissaa Suleqatigiit sulissutigeqqissavaat angajoqqaat sinniisaat, ilinniartitsisut atuartullu peqatigalugit.

    Suleqatigiit anguniarpaat atuartitsissutigineqartartut ilinniartitsissutigineqartartullu atuarfiillu illutaasa nutarternerisa naleqqussarnerisalu ingerlattuarnissaat.

    Suleqatigiit anguniarpaat atuarfitsialaap killiffiata nalilerneqarnissaa, atuartut pitsaanerpaamik atuartinneqarnissaat qulakkeerneqassammat. Tamatumunnga atatillugu atuarfiit tamarmik ukiumoortumik kommunalbestyrelsemut nalunaarusiortalernissaat Suleqatigiit pingaartippaat.

    Meeqqat atuarfinni qarasaasianik atuisinnaanerup, internet-illu annertunerusumik iluaqutiginiarneqarnissaa siunnerfigalugu suliniutit qaffassarneqarnissaat Suleqatigiit sulissutigissavaat. Taamaammat atortorissaarutitigut inerisaasoqartuarnissaa anguniarneqarpoq.

    Taamatuttaaq allamiut oqaasiinik atuisinnaanerup meeqqat atuarfiannili eqqummaariffigineqarluni sukumiisumik ilinniartitsissutigineqartuarnissaa Suleqatigiit pingaartitaraat.

    Inuussutissarsiutitigut ilinniarfinnut ikaarsaarialernermi atuarfiup qimalernerani ingerlariaqqinnissamut pitsaasumik siunnersorneqarnissaq nukittorsarneqartuassaaq, taamaasiornikkut naleqqutinngitsumik ilinniarfissamik toqqaasoorsinnaaneq ingalassimaarneqarsinnaassalluni.

    Suleqatigiit isumaqarput sullivinni misiliisarneq suliffiutillit qanimut suleqatigalugit ineriartorteqqinneqartariaqartoq annertusarneqarlunilu. Ilinniartitaanerup aaqqissugaanerani ingerlasumi qulakkeerusupparput kommunemi ilinniarfeqarfiit ataatsimoorfiullutik nukittuut ilisimasaqarluarfiusullu ineriartortittuarnissaat.

    Matumani Suleqatigiit ilanngullugu sulissutiginiarpaat suliffeqarfiit pisortanit pigineqartut

    ilinniarfinnik siuarsaanermi peqataanerulernissaat sungiusarfiunerulernissaallu.

    PPR-ip kommunimi tamarmi atuarfinnut siunnersortitut atorneqarnissaa Suleqatigiinnit pingaartinneqarpoq.

    Suleqatigiit isumaqarput meeqqerivitsialak atuarfitsialallu imminnut ataqatigiisinneqassasut

    aaqqissuulluagaasumillu angajoqqaat qanimut suleqatigineqassasut.

    Nanortalik 16. maj 2013

    Karla Egede Bisgaard, siulittaasoq

  • Kulturikkut sulilluarsimasumik nersornaat Juni 2013

    Kingumut inuiattut ullorsiornissatsinnut – nunaqqatitsinnik kulturikkut suliniuteqarluarsimasumik nersornaasiinissamut piffissanngorpoq.

    Nersornaamik tunisinissaq 21. juni pisarnitsitut tunniunneqassaaq. Innuttaasullu kikkulluunniit siunnersuuteqarsinnaapput kimut / kikkunnut tunniunneqarsinnaanissaanut /-nik.

    Siunnersuutit allakkatigut Kultureqarnermut Sunngiffilerinermullu immikkoortortaqarfimmut postboks 166, 3922 Nanortalik, tunniunneqareersimassapput kingusinnerpaamik ataasinngorneq 10. juni 2013 nal.14:00.
    Allakkat nalunaaqqutserneqarsimassapput: Kulturikkut nersornaat 2013

    Siunnersuutigineqartussaq siusinnerusukkut nersornaamik tigusereersimasussaangilaq!

    Siunnersuutigineqartoq:
    Eqqumiitsuliornermik, nipilersornermik, peqatigiiffilerinermik, ileqqutoqqanik tammatsaaliuinermik allatulluunniit kulturimut tunngassutilinnik suliaqarnermik – siunnersuumi tunngavilersuutigineqarsimasussaapput.

    Siunnersuutinik tigusinissamut qilanaarluta


    Kultureqarnermut Sunngiffilerinermullu
    Immikkortortaqarfik

  • Malene aamma Henrik Lund aningaasaateqarfianut qinnuteqarit

    Malene aamma Henrik Lundip kalaallit eqqumiitsuliortaasiata kulturiatalu siuarsarneqarnissaanut aningaasaateqarfiata qanoq atorneqarnissaanut malittarisassat malillugit pisussaapput siulersuisut § 7 malillugu tassaasut: Aningaasaateqarfimmi siulersuisuuvoq Kultureqarnermut Sunng. Ataatsimiititaliaq, borgmesteri siulittaasoralugu nittarsaasisussaallutik.

    §6 malillugu aningaasaateqarfik pisussaavoq periarfissaqartitsinini nalunaarutigissallugu, tamanna nittartakkatigut www.kujalleq.gl ingerlanniarlugu ilisimatitsissutigineqassaaq.

    Aningaasaatit ukiut tamaasa Malene Lundiugaluup inuuiani 6.juni agguaaneqartussaapput. Aningaasaateqarfiup siunertaa naammassiniarneqassaaq anigaasaatit erniaat kisiisa atorlugit.

    Kalaallit eqqumiitsulioriaasiannik ilisimaneqarnerulernissaanik naammassisaqarsimasut imaluunniit naammassissaqarsinnaasutut ilimagineqartut tapersersorneqartussaapput.

    Aningaasaateqarfimmut qinnuteqaatit Kommune Kujallermi Kultureqarnermut Ingerlatsivimmut tiguneqareersimassapput ulloq 31.maj 2013.

    Kommune Kujalleq
    Kultureqarnermut Sunng. Ingerlatsivik
    Postboks 514
    3920  Qaqortoq

  • PBS-i aqqutigalugu innuttaasut akiliisartunut nalunaarut

    Kommune Kujalleq aningaasaqarnermik ingerlatsiviata ataani, innutaasut ataasiakkaat immikkoortortaaniit (debitorafdeling) PBS system-ianik ajutoornermik peqquteqartumik innuttaasut PBS-ikkut 29.april.2013 eqqakkanut 1.kvartal. 2013akiliinissaagaluaq kingusinaartumik akiliisussanngornerat nalunaarutigaarput.
    Eqqakkanut ulloq PBS-ikkut akiliiffissaq 03.juni.2013 pisussanngorneqarpoq.

  • Borgmesterip Jørgen Wæver Johansen-ip tikilluaqqussutaa

    Kommune Kujallermut tikilluarit. Kommune Kujallermi inuk qitiuvoq.

  • Qaqortumi Maj peqqissuugit 2013

    Maj peqqissuugit-mi pisussat assigiinngitsut, peqatigiiffinnit aaqqissorneqartut tamanillu peqataaffigineqarsinnaasut

  • Qaqortumi timersortarfiup ukiuni 40-ni nalliuttorsiornera

    Qaqortup timersortarfia ukiuni 40-ni atuunnermini nalliuttorsiutigineqarnerani Kommune Kujallermi borgmester Simon Simonsen-ip timersortarfiup pisortaa Alibak Hard iputtuusaarummik tunissuteqarfigigaa.

  • Atuarfiit nalimmassarneqarnerat

    Qinigaaffimmi qaangiutilersumi Kommune Kujallermi Atuartitaanermut Meeqqeriveqarnermullu ataatsimiititaliap sulissutigisimavaa atuarfiit assigiinnerusumik atugassaqartinneqarnissaat.

    Kommunit pingasut – Nanortalik, Qaqortoq Narsarlu – 2009-mi kattummata atuarfeqarfinni ingerlatseriaatsit assigiinngitsutigullu atugassarititaasut illoqarfinni, minnerunngitsumillu nunaqarfinni, assigiinngissimaqaat.

    Kommune Kujalliup atuuffiani suliassaq annertooq suliarineqarpoq, atugassarititaasunik nalimmassaaniarnermik pitsanngorsaaniarnermillu siunertalik. Ajornartorsiutitaqartarsimavoq, ilaatigut ileqqutoqqat atuisunit iperartikkuminaattarsimallutik.

    Taamaattoq qinigaaffiup qaangiutilersup ingerlanerani Kommune Kujalleq arlaleriarluni atuarfeqarfiup sumut ingerlanissaa ersarissarniarlugu isumasioqatigiisitsisarsimavoq, politikerit, atuarfiup siulersuisuisa, ilinniartitsisut sinniisaasa kiisalu atuarfinni pisortat peqataaffigisarsimasaannik.

    Oqallittarnerni taakkunani atuarfeqarfik ataasiusoq, assigiimmik siunertalik anguniarneqarpoq. Naallu suut tamarmik ataatsikkut allanngortinneqarsinnaasanngikkaluartut, maannakkut qinigaaffiup naanerani oqarsinnaanngorput atuarfinnut atugassarititaasut nalimmassarneqarnerat pitsanngoriaateqarsimasoq.

    • Illoqarfinni atuartitsinermi tiimit atugassat assigiimmik maleruagassaqalerput.
    • Nunaqarfinni atuartitsinermi tiimit atugassat assigiimmik maleruagassaqalerput.
    • Savaateqarfinni atuartitsisarneq pitsanngorsaavigineqarpoq, ersarissumik isumaqatigiissusiornikkut savaatillit meerartaasa angerlarsimaffimminni atuartitaanermi saniatigut illoqarfinni atuarfinnit sullinneqarnissaat, tikeraarneqartarnissaat, siunnersorneqartarnissaat illoqarfiliarlutillu angajoqqaartik ilagalugu atuariartortarnissaat anguneqarput inissinneqarlutillu.
    • Nunaqarfinni atuartitsineq pitsanngorsarniarlugu suliniutit assigiinngitsut ingerlanneqarput. Ilinniartitsisut angalallutik pikkorissaajartortartut, ilinniartitsisut atuartitsissunik ataasiakkaanik atuartitsiartortartut, misileraavigalugit ingerlanneqarput. Taakkuninnga nalilersuineq ingerlavoq, siunissamilu suli pitsaanerusumik atuartut nunaqarfinniittut atuartitsissutini nunaqarfinni ingerlakkuminaattuni illoqarfinniit sullinneqarnerulernissaat maannakkut anguniagaavoq.
    • Illoqarfiit atuarfiini nunaqarfinnilu atuartut angusartagaasa suli pitsaanerusinnaanerat nassuerutigalugu, atuarfiit pisortaat suleqatigilluinnarlugit, pitsanngorsaanissamut iliuusissanik maannakkorpiaq ujartuisoqarpoq. Taamaasilluta angusat malunaatilimmik pitsanngornissaat anguniarneqassaaq, ukiuni qaninnerni malunniuteqartussanngorlugu. Ilinniartitsisunik amerlanernik atorfeqartitsinissaq anguniartuarneqarpoq, naak ilungersunarsinnaasaraluartoq illoqarfissuit ilinniartitsisunit orniginartinneqarnerusartut malunnarmat. Taamaaattoq suliaq nikalluunnagu ingerlanneqarpoq, ilinniartitsisutullu atorfeqartitavut amerliartuaarput.

    Kaj Lyberth Atuartitaanermut Meeqqeriveqarnermullu ataatsimiititaliami siulittaasoq. 17. april 2013

  • Suleqatigiinnissamut isumaqatigiissut

    Siumut, Inuit Ataqatigiit Atassutillu Qinigaaffik 2013-imiit 2017-imut Kommune Kujallermi politikkikkut anguniakkatut aamma suleqatigiinnissamik isumaqatigiissutaat.

  • Kujataani nunaqarfinni takornariartitsinikkut periarfissat amerliartorput

    ”Kujataani nunaqarfinni takornariartitsinikkut periarfissat amerlaqaat” Inuussutissarsiornermut Suliffeqarnermullu Ataatsimiititaliap siulittaasua Kalistat Lund 2012-imi decemberimi nunaqarfiit pillugit isumasioqatigiinnermi oqarpoq.
    Taama oqarnera savaatillup nuliata Igalikumilu niuertuusimasup Malene Egedep tigulluarpaa. Suliffeqarfiutaa aallarteqqammersoq GARDAR nunaqarfimmi takornarianut sammisassanik assigiinngitsunik neqerooruteqarluni aasaanerani takornariartitsinissamut maanna piareerpoq. Sammisassat tamakku ilaatigut tassaapput firhjulinik attartornerit, taamaalilluni nammineerluni Igalikumi alianaaqisumik angalaartoqarsinnaanngussaaq. Tamatuma saniatigut qissattaatinik assigisaannillu attartortoqarsinnaavoq, angallassisoqarluni savaateqarfinnut takornarniartoqarsinnaalluni.
    Tunulliarfimmi nunaateqarfimmi Sillisini aamma ulapputtunnguaqarpoq. Tassani Elna Jensen aamma Henrik Knudsen unnuisarfimmik nutarterileruttorput illuaqqanillu allileralutik.
    Unnuiffissanik neqeroorutit saniatigut Sillisiniit savaatillit allat kusanartulianik assassukkanillu tuniniaanermi suleqatigineqarput kiisalu nerisitsineq takornariartitsinerlu ataatsikkoorunneqarlutik. Takornariat immikkorluinnaq ittunik misigisassaqartinneqartarput tassa ullormut takornarniareerlutik savaatilikkunni Kujataata mamartuutaanik kiisalu naatsiianik naatsitanillu nammineq naatitanik sassaallerfigineqartaramik.
    Aallarnisaasut taakku tamarmik sulianik nutaanik ineriartortitsinermut tapiissutinik qinnuteqarsimapput tunineqarsimallutillu.
    Tunisassianik ineriartortitsinermut tapiissutit tassaapput sunik nutaanik tunisassiornermut inuussutissarsiutitigullu suliniutinik nutaanik ineriartortitsinermut tapiissutissatut namminersortunit qinnutigineqarsinnaasut. Tunisassianik ineriartortitsinermut tapiissutit inuussutissarsiornermut allaffinni qinnutigineqarsinnaapput kingornalu Greenland Businessimit suliarineqassallutik tapiissutigineqassallutillu.
    Kalistat Lund, Kommune Kujallermi Inuussutissarsiornermut suliffeqarnermullu ataatsimiititaliami siulittaasoq oqarpoq: ”Kujataani nunaqarfinni takornariartitsinikkut nutaanik suliniuteqartoqalernera takullugu nuannerluinnarpoq, aammalu pilersaarutit piviusunngortinneqarnissaannut aningaasatigut tapiissutisisoqartalernera pitsaalluinnarpoq.”
    Paasissutissat sukumiinerusut:
     Kalistat Lund tlf. 49 78 95     Marlene Egede tlf. 53 19 61    Elna Jensen tlf. 49 73 77

  • Kommune Kujallermi sulisinnaasut Killavaat Allannguanni aatsitassarsiornissamut piareersarluarsimapput

    ”Suliffeqarfiup Killavaat Alannguanni aatsitassarsiorniap Tabreezip sulisunik nunaqavissunik atuinissaminik kissaateqarnera nalunaaruteqarneralu Kommune Kujallermi Inuussutissarsiornermut  Suliffeqarnermulu Ataatsimiititaliap iluarilluinnarpaa. Aamma Kommunitsinni aatsitassarsiorfimmi sulinissaminnut piareersimalluarput” siulittaasoq Kalistat Lund ataatsimiititaliami ataatsimiinnerup kingorna oqaaseqarpoq.

    Ataatsimiinnermi 2012-imi ilinniartitsinermut kisitsisit misissuataarneqarmata paasineqarpoq siornaannaq kujataaniit pikkorissartut 29-it Common Coremik naammassinnissimasut aammalu qasseersuit qaartiterisartut aqutsisuisut qillerisutullu ilinniarsimasut. Taamaaqataanillu sulisussat ilarpassui tuluttut qaffasissutsini assigiinngitsuni pikkorissarsimapput 52-illu aatsitassarsiornermi tuluttoorneq 3 aatsitassarsiornermi ilinniarnissamut piginnaassusiliisoq aammalu aatsitassarsiornermi sulinissamut aallarniutissaalluartoq naammassisimallugu.
    ”Taamaammat oqarsinnaavugut sulisussat piareersarluarsimasut kajumissuseqarluartullu, tamannalu aamma aatsitassarsioqatigiiffiup qaammat kingulleq paasissutissiineranut takkuttorpassuartigut takuneqarsinnaavoq – taamaammat massakkut neriuutigiinnalerparput suliaq piaarnerpaamik aallartissasoq.”

    Paasissutissanik sukumiinerusunik pissarsiniaruit saaffigiuk
    Kalistat Lund 49 77 95

  • Sikorsky-mik naggammik timmineq

    S-61 ukiuni 47-ni kujataani najugaqartunut timmisartuussinikkut kiffartuussereerluni sapaammi, 30. december 2012 Qaqortumi najugaqartunut naggammik Qaqortoq qulaallugu inuulluaqqusillunga timmisartuusseqartaarpoq.

  • Leif den Lykkeliges Maraton

    Arfininngorneq, aggistip 18-at 2012, Qassiarsuk

  • Nanortalimmi aalisakkeriviup sisamanngornermi 9. august 2012 ammaqqinneqarnissaa nuannaarutaasoq

    ”Iluarisimaaqaarput Arctic Prime Productionip sisamanngornermi 9. August 2012 Nanortalimmi aalisakkerivik ammaqqissammagu” taama oqaaseqarpoq Kommune Kujallermi Inuussutissarsiornermut suliffeqarnermullu ataatsimiititaliap siulittaasua Kalistat Lund.

    ”Illoqarfimmut ajunaarutaasimaqaaq, aalisakkerivik tunisassiassaaleqineq pissutigalugu taamani matusariaqalersimanera. Taamaattumik Nanortalimmut Kommune Kujallermullu tamarmut nuanneqaaq, ingerlatseqatigiiffik periarfissaqalermat nammineq ningittagarsuutimi aalisakkanik tulaasuilernissaa, taamaaliornikkullu illoqarfimmi suliffinnik pilersitsissalluni Nanortalimmi aalisakkerilernikkut. Ilutigalugu Nanortalimmi aalisartunut iluarluinnarpoq, maanna illoqarfimminniaalisakkanik tunisisaleqqissinnaanngoramik. Taamaattumik ingerlatseqatigiiffik suliniut pillugu nersualaaqaarput”, Kalistat Lund oqaaseqarpoq.

    Kommune Kujallermi Inuussutissarsiornermut suliffeqarnermullu ataatsimiititaliaq ammaqqinneqannginnerani ingerlatseqatigiiffik ikiorsimavaa pikkorissartitsinermik, ataatsimiititaliallu siulittaasua neriorsuivoq, suliffeqarfik sulisussanik amerlanerusunik pisariaqartitsissappat, taavva taatsimiititaliaq pikkorissartitseqqinnissanut aningaasanik nassaarniarpoq.

    Aalisakkeriviup naatsorsuutigaa saarulliit siulliit 15 tons tulaaneqassasut sisamanngornermi ullaakkut, taamaalillutik sulisut siulliit aallartereersinnaassallutik nal. 6.00.

    Pisoq nuannersoq malunnartinninniarneqassaaq fabrikkimi kaffillernermik sisamanngornermi nal. 14.00, tassani borgmester Simon Simonsen najuutissaaq, suliffeqarfik sulisuilu pilluaqqussallugit.

    Paasissutissat:

    Kalistat Lund, siulittaasoq/Inuussutissarsi0ornermut suliffeqarnermullu ataatsimiititaliaq tlf. 497795
    Simon Simonsen Borgmester Kommune Kujalleq tlf. 493317

  • 2012-imi piffissaq kapisilinniarfiusussaq aallartippoq

    Aalisarnermut, Piniarnermut Nunalerinermullu Naalakkersuisoqarfimmit matumuuna ilisimatitsissutigineqarpoq, KNAPK-mik isumaqateqarneq malillugu kapisilinniarnissaq ammarneqartoq pingasunngorneq 1. august matuneqassallunilu pingasunngorneq 31. oktober 2012. Piffissami tassani kapisilinniarnissaq taamaallaat inerteqqutaanngilaq.

    2012-imi aalisarneq ukiuni siuliini piumasaqaataasut assingi malillugit ingerlanneqassaaq, taamaasilluni nammineq atugassanik aamma inuussutissarsiutigalugu kalaalimineerniarfinni, napparsimmavinni, hotelini, neriniartarfinni il.il. tuniniagassanik kapisilinniartoqarsinnaalluni. Nutaartarissavaali annikitsunik tunitsivinnut tunisaqarnissamut 35 tonsinik pisassiisoqassammat. Kisianni kapisilinniarneq nunatsinni tuniniaavinnut tunisaqarnissamut taamaallaat suli atuuppoq, taamaasillunilu aalisagaq avammut tuniniaqqusaanngilaq.

    Kapisilinniarnissamut akuersissummik pigisaqarnissaq piumasaqaataavoq, pisanik tuniniaanissaq kissaatigineqarpat. Aalisarnissamut tassunga akuersissummik qinnuteqarnissamut immersugassiaq kommunimut saaffiginninnikkut pineqarsinnaavoq. Immersugassiaq immersorneqareerpat, qinnuteqaat kommunip Aalisarnermut, Piniarnermut Nunalerinermullu Naalakkersuisoqarfimmut nassiutissavaa, tamatuma kingorna tassanngaanniit akuersissut qinnuteqartumut nassiunneqassaaq. Kapisilinniarnissamut akuersissutip tunniunneqarneranut atatillugu akiliuteqartoqassanngilaq.  

    Nammineq atugassatut aamma inuussutissarsiutigalugu pisat tamarmik, tassa imaappoq kapisillit tunisarisimasat, Kalaallit Nunaanni Aalisarnermik Nakkutilliisoqarfimmut, KANUAANA-mut, nalunaarutigineqassapput. Nalunaarutiginninnissamut immersugassiaq nutaaq, ullutsinnut naleqqussarlugu nutarterneqarsimasoq, akuersissummut ilanngullugu nassiunneqassaaq. Immersugassiaq aamma najukkami uani nassaarineqarsinnaavoq: www.nanoq.gl immersugassiat http://www.nanoq.gl/Emner/Erhverv/Erhvervsomraader/Fiskeri/Fiskeristyrelsen/Ansoegningsblanketter__.aspx ataanni.

    Kapisilinniarneq pillugu ersarinnerusumik aalajangersakkat kapisilinniarneq pillugu Namminersorlutik Oqartussat nalunaarutaanni nr. 12, 1. august 2012-meersumi atuarneqarsinnaapput. Paasissutissanik annertunerusunik pissarsisoqarsinnaavoq Amalie Jessenimut saaffiginninnikkut, oqarasuaat 34 53 04.

  • Kujataani suliffeqarnermut suliniuteqarnermut aningaasaliissutit 7,5 mio. koruuninik ilaneqarput

    ”Iluarisimaaqaarput Kujataani suliffeqarnermut suliniuteqarnerput maanna immikkut pimooruttussanngoratsigu”, taama oqaaseqarpoq Inuussutissarsiornermut suliffeqarnermullu ataatsimiititaliap siulittaasua Kalistat Lund Naalakkersuisullu isumaqatigiissuteqareernermi, tassalu imaappoq, Kommune Kujalleq 2012-13 aningaasaliiffigineqassaaq immikkut 7,5 mio.-ninik suliffeqarnerup siuarsarneqarnissaanut. Taakkunannga Naalakkersuisut akilissavaat 5,5 mio. aamma kommuni aningaasaleeqataassaaq 2 mio. koruuninik.

    Aningaasat amerleriaataasut nalunaaqqutserneqarsimapput suliffissarsiortunut suliffeqalernissamut piareersimasunut, atorneqassallutillu atuagarsornikkut ilinniagaqaqqinnisamut , piginnaaneqarnerulernissamut, piginnaanngorsaaqqiinissamut kiisalu immikkut inuusuttunut 18-t qaangerlugit ukiulinnut suli ilinniagaqalersimanngitsunut suliffittaarsimanngitsunullu suliniuteqarnermut.

    ”Ullumikkut suliffeqarnermut tunngassuteqartut sulissutigeqaarput, tassalu ilinniagaqaqqinneq piginnaanngorsaaqqinnerlu, aamma naak kommunimi suliffeqarneq ilorraap tungaanut samminera takusinnaallugu, sinerissap sinnerani assigisaanik suliffissaaleqineq unamminartoqartittuarparput. Aamma kommunip immikkut suliniuteqarnermut tunngatillugu sakkortusarniarpaa inuussutissarsiutilinnik suleqateqarneq sapinngisamik amerlanerpaat piginnaanngorsaqqinniarlugit toqqaannartumik suliffeqarfinnut sammititamik suliniuteqarnikkut.

    Paasissutissat annertunerusut: Kalistat Lund 49 77 95

  • Narsami meeqqat angerlarsimaffiat Tasiigaa tullersortissamik sulisussassiorpoq

    Atorfik  1 september 2012-miit inuttalerneqassaaq imaluunniit PIARNERPAAMIK isumaqatigiissuteqarnikulluuniit.
    Atorfik pædagog-itut ilinniarsimanissamik inuttalerneqarnissaanik piumasaqaatitaqarpoq assigusumilluuniit.
    Meeqqat angerlarsimaffiani Tasiigaa meeqqanut inuusuttuaqqanullu arfinilinnut naatsorsuussaavoq 12-nit 17-nut ukiulinnut, angerlarsimaffimmik nalinginnaasumik toqqissisimanartunillu avatangiisilinnik pisariaqartitsisunut. Sulisut ima inissisimapput, Pisortaq, tullia, pædagog, socialhjælperit marluk, ikiortit pingasut, iggavimmioq eqqiaasuutigisoq ataaseq.

    Pædagog-it suliassarai piginnaaneralugillu:
    -    Ulluinnarni meeqqap qanittumik angajoqqaaminut attaveqarnissaa
    -    Atuarfimmut qanittumik attaveqarnissaq, aammalu atuarfimmi ataatsimiisitsinernut peqataasarnissaq.
    -    Sullissineq/sullissat pillugit naapeqatigiinnernut peqataanissaq
    -    Meeqqap sullissisuanut attaveqarnissaq
    -    Meeraq peqatigalugu kaasarfimmiuanik ingerlatsineq.
    -    ADL-imik sungiusartitsineq
    -    Rapport-imi allanneq
    -    Meeqqamik ikiuineq, sunngiffimmilu soqutigisaanik sammisaqartitsineq

    Piumasaqaatit:
    -    Suliassanik piviusunngortitsisinnaasoq
    -    Ammasoq / nuannaartorlu
    -    Suleqatikkuminartoq
    -    Nutaanik isumassarsiorsinnaasoq
    -    Sammisassaqartitsillaqqissoq
    -    Maligassiuilluartoq
    -    Meeqqanut qanilaartoq
    -    aqutsisinnaasoq

    Akissarsiat atorfinitsitaanerlu isumaqatigiissutit naapertorlugit pissaaq.

    Atorfinnut tunngatillugu najugaqartitsisoqassaaq.

    Atorfinnut tunngasunik paasissutissat pissarsiarineqarsinnaapput uunga saaffiginninnikkut:
    Kommune kujallermi, Tasiigaami pisortaq Laura Sebulonsen tlf. 661910.

    Qinnuteqaat ilinniarsimanermut aammalu sulisimanermut nutaanik oqaaseqaatitalik nassiunneqassaaq Kommune Kujalleq att.: Poul Stenskov, Postbox 37, 3921 Narsaq
    15 august 2012  nallertinnagu.

    E-mail: post@kujalleq.gl

  • Narsami utoqqaat illuanni ”Luuvikasik” pisortamik pissarsiorpoq

    Atorfik 1. september 2012 imaluunniit isumaqatigiissuteqarnikkulluunniit inuttalerneqassaaq.

    Atorfik sygeplejersketut akuerisaavoq socialchef qaninnerpaamik pisortaralugu.

  • Nanortalimmi allaffimmiutut naammassisoq

    Keernaki Kleist, Kommune Kujallermi akissarsialerivimmi immikkoortortaqarfimmi Nanortalimmiittumi, ilinniartutut naamassivoq ulloq 31. juli 2012. Immikkoortortaqarfimmi overassisten-itut sulilerpoq.

  • Nanortalik ukiuni 30-ni nalliuttorsiorpoq

    Nanortallip katersugaasiviata pisortatigoortumik atoqqaartinneqarneraniit ukiut 30-ngornerat malunnartinniarlugu Katersugaasiviup saqqunnersitsivii tamarmik pingasunngornermi ulloq 1. august 2012 nal.10.00-miit  nal.17.00-mut ammassapput.

  • Narsap Atuarfianut pisortap tullianik pissarsiorpoq

    Pisortap tullersortaa allami suliffittaarmat, tullersortimik nutaamik 1. september 2012 taassuma-luunniit kinguninnguatigut atorfinittussamik pissarsiorpugut.

    Narsap Atuarfia ukioqatigiiaat marlukkaarlugit ingerlasuuvoq Narsami alianaatsorsuarmi avatangii-seqarluni Kujataaniittoq.
    Atuarfik 240-t missaani atuartoqarpoq 30-illu missaani atuartitsisoqarluni. Atuarfik pingasoqi-usanngorlugu immikkoortortaligaavoq, Nukarliit – (1.-3.klassit), Akulliit – (4.-7.klassit), Angajulliillu (8.-11.klassit). Immikkoortut tamarmik aqutsisoqarput, atuarfiup pisortaa tullersortaalu peqatigalugit atuarfimmi pisortaaqataasut.

    Ujartugarput:

    • Atuarfimmi immikkoortitikkami atuarfiup perorsaanikkut ineriartornerani peqataasaaq.
    • Ammasuulluni, inussiarnerluni attaveqallaqqissuusariaqarpoq inuunermik  qaamasumik isi-ginnittaaseqarluni ataqqinnissuseqarluni, soqutiginnittuulluni inunnillu allanik pasinnissin-naassuseqartariaqarluni.
    • Eqiingassullunilu suliumatussuseqartariaqarpoq
    • Suliassamut allaffissornermullu pikkoriffeqartariaqarluni, ajornangippat taartissalersuisarner-mik, skiimaliortarnermik, sulinermi naatsorsuutiliornermut, misilitsinnissallu ingerlanerinik ajornangippat misilittagaqartariaqarpoq.

    Aningaasarsiat atorfinitsitaanermilu atugassat IMAK-ip Naalakkersuisullu isumaqatigiissutaat ma-lillugit ingerlanneqassapput. Qinnuteqartut isumaqatigiisut malillugu atorfimmut atorfinitsinneqas-sapput, taakkulu aningaasarsiassaat inissinneqassaaq akissaateqarfimmi 33-mi, ukiumut immikkut tapisiaqartinneqarluni kr. 10.160,00-nik Naalakkersuisut IMAK-illu isumaqatigiissutaat 30. maj 2012-imeersoq tunngavigalugu.

    Massakkut Kalaallit Nunaanni tjenestemanditut atorfeqaraanni atorfik nuunneqarsinnaavoq Nam-minersornerullutik Oqartussat kommunillu tjenestemandit pillugit malittarisassat sukkulluunniit atuuttut naapertorlugit.

    Qinnuteqartut Kalaallit Nunaanni tjenestemanditut inissisimasut klassilerneqassapput 34-mi, skala-trin 47-mi immikkut tapeqartinneqarlutik kr. 31.350,00.

    Atorfininnermut  atatillugu angalaneq akiliunneqassaaq, taamaaqataanillu sivikinnerpaamik ukiut pingasut ataavartumik atorfeqareernermi suliunnaarnermut atatillugu angalanermi akiliussisoqassal-luni malittarisassat atuuttut malillugit.

    Qinnuteqartut meeqqat atuarfianni ilinniartitsutut ilinniarsimasuunissaat piumasaqaatavoq.
    Atorfinittussaq tulluartumik inissaqartinneqassaaq, maleruagassat malillugit akilerneqartartussamik.

    Paaissutissat erseqqinnerusut atuarfiup pisortaanut Niels Egede Høegh-imut, oqarasuaat nr. (00299) 66 12 33 – imaluunniit e-mail: atusiu@greennet.gl limaluunniit Ingerlatsivimmi pisortamut Jens Korneliussen-imut, oqaarasuaat (00299) 70 41 00, imalt. e-mail: jeko@kujalleq.gl –mut pissarsiari-neqarsinnaapput.

    Qinnuteqarfissaq killeqarpoq sisamanngorneq 23. august 2012.

    Qinnuteqaat ilinniartitsisutut ilinniarsimanermik, oqaaseqaatinik kiisalu sulinermi aqqusaarsimasanik ilallugu, nassiunneqassaaq uunga:

    Kommune Kujalleq
    Atuartitaanermut Meeqqeriveqarnermullu Ingerlatsivik
    Box 166
    3922 Nanortalik.

  • Piareersarfik Nanortalik pissarsiorpoq ilinniartitsisoq / sanasoq

    Isumaqatigiissutit atuuttut malillugit atorfinitsitsisoqassaaq 1. september imalt. piaartumik isumaqatigiissuteqarnikkut.

    Suliassat:
    •    Atuartunik atuartitsineq siunnersuinerlu
    •    Takkutinngitsoortunik nalunaarsuineq
    •    Atuartut pillugit suliassanik aqutsineq
    •    Atortussanik il.il. aningaasaliissutit malillugu pisiortorneq.
    •    Sanaartornermik suliassanik aqutsineq agguataarinerlu
    •    Sanaartornermik atortunik, sannatinik allanillu nakkutilliineq

    Aammattaaq isumagisassaanut ilaapput:
    Inunnik isumaginnittoqarfimmik suleqateqarneq
    Piareersarfinnik allanik suleqateqarneq

    Ilinniartitsisup / sanasup qanimut suleqatigissavaa immikkoortortaqarfimmi aqutsisoq.
    Piginnaasat:
    Naatsorsuutigaarput illit,
    -    Kalaallit, qallunaatullu oqaasiinik atuisinnaanissat
    -    ilinniagarisimasatit pisariaqartutigut suliffimmut tulluartuusut aammalu misilittagaqarsimassasutit
    -    sulillaqqissuussasutit, nangaanak anguniagaqarsinnaasutit eqqummaarillutillu tamanik misissuisinnaassasutit
    -    suleqatiginnilluarsinnaassasutit aalajaassinnaassasutit taamatullu nassaassarsiullaqqissuussasutit
    -    ilinniartitaanermut pissutsinut ilisimasaqartuussasutit kiisalu perorsaanermut piginnaasaqaqarlutit
    -    silappaarissuussasutit taamatullu sungiussilluarsinnaassasutit
    -    aamma perorsaanermut tunngasunik piginnaasaqarluartuussasutit
    -    inuusuttunut maligassiuilluarnissamut piumassuseqartuussasutit
    -    inuusuttunik sullissinissamut misilittagaqartuussasutit/piumassuseqartuussasutit

    Atorfik aallaavigalugu AK-mi tjenestemandit pillugit isumaqatigiissut malillugu atorfinitsitsisoqassaaq.

    Atorfininnermut atatillugu inissaqartitsisoqanngilaq.
     
    Paasissutissanik annertunerusunik Immikkoortortaqarfimmi aqutsisoq Kurt Pedersen-imut uunga oqarasuaammut 613599-imut imalt. 614093-imut sianernikkut pissarsiniartoqarsinnaavoq.

    Qinnuteqaatit, paasissutissallu allat attuumassuteqartut Piareersarfik, postboks 100, 3922 Nanortalik-miittumut e-mail: kurt.pedersen@attat.gl nassiutereeqquneqarput

    kingusinnerpaamik ulloq 15. august 2012.

  • Takornariartaassuit tikinnissaannut allattorsimaffik

    Qaqortumi, Narsami, Nanortalimmi Narsarsuarmilu.

  • Nalunaarut, Inuussutissarsiutigalugu aalisartunut Saniatigooralugulu pinialuttartut, Kommune Kujalleq

    Nalunaarut, Inuussutissarsiutigalugu aalisartunut Saniatigooralugulu pinialuttartut, Kommune Kujalleq
    Aalisarnermut Pinarnermut Nunalerinermullu Naalakkersuisoqarfik ataatsimiinermini kingullermi aalajangiunneqarpoq, ukioq 2012-mi Ivittuut umimmaqarfiani sunngiffimmi piniartut mattunneqassasut.

  • Piareersarfik Kujallermi, Qaqortumi immikkoortoqarfimmi, allagartanik tunniussineq

    Ullumikkut tallimanngornermi 15. juni 2012 Qaqortumi Piareersarfiup AEU-mi atuartunut aamma FA-mi atuartunut angusat uppernarsaataat tunniuppai. Aatsaat taamak amerlatigipput.

    Atuartut 26-t AEU-mi uppernarsaatinik pissapput. Amerlanerpaat fagini sisamani tamani, tassalu kalaallisoornermi, tuluttoornermi, qallunaatoornermi matematikkimilu. Atuartut ataasiakkaat fagi ataasiinnaq marlulluunniit soraarummeerutigivaat. Atuaqatigiit taakku inaarutaasumik allattariarsornermik misilitsinnermi agguaqatigiissillugu pitsaasumik angusaqarput.

    Atuartut 14-t meeqqat atuarfianni soraarummeernerminni allagartartaassapput. Atuaqatigiit taakku inaarutaasumik allattariarsornermik oqaluttariarsornermillu misilitsinnermi kusanartunik angusaqarput, amerlasuut pitsaaluinnartunik angusaqarput.

    Atuartut ilarpassui ilinniagaqalernissamut aallartittussanngoreerput. Allat ilinniagaqalernissaqmut akissutisinissartik utaqqivaat, soraarummeernermi angusanik uppernarsaatit nassiunneqarsinnaanngormata.

    Paasissutissat pissarsiarineqarsinnaapput:  
    Poul H. Jørgensen tlf. 64 21 99
    Piareersarfik Kujallermi pisortaq

Register

*
*
*
*
*
*

Fields marked with an asterisk (*) are required.