Tusagassiorfinnut nalunaarut

Spørgeskema atorlugu misissuineq:
Kujataani spørgeskema atorlugugu misissuineq annertunerpaaq. Kommune Kujallermi suliffeqarfiit tamarmik peqataatinneqarput.
16. marts 2017

Kujataani suliffeqarfiit tamarmik suliffeqarfittut ingerlatsisarnermi misilittagaasa avitseqatigiissutigineqarnissaannut Kommune Kujalleq qaaqqusivoq.  Misissuinerup aatsaat taamak annertutigisup ataatsimoorussamik ilisimasat annertunerulersinniarpai, kujataani inuussutissarsiutit nutaat suliffeqarfiillu pioreersut ineriartortinneqarsinnaanissaat anguniarlugu.

Kommune Kujalleq ulluni makkunani kommunimi suliffeqarfinut tamanut spørgeskemamik immersugassamik nassiussuivoq. Anguniarneqarpoq tamaani suliffeqarfiit suleqatigalugit inuussutissarsiuteqarnerup ineriartorteqqinneqarnissaa.

Spørgeskema iluaqutigalugu inuussutissarsiutitigut periarfissat aporfiillu pingaarnerit ersersinniarneqarput. 

Spørgeskema atorlugu misissuinerup kinguneriniartussaavaa suliffeqarfiit amerlanerusut nunap immikkoortortaata siunissaa pillugu oqaloqatigiinermut akuunerulernissaat.

  • Inuussutissarsiuteqartut ilisimasaat misilittagaallu atorneqassapput, ataatsimoorluta nutaanik angusaqarsinnaaniassagatta, nangittumillu suliffinnik nutaanik pilersitsineq kommunitsinnullu nussortoqarnissaa angusinnaaniassagatsigu. Misissuilluni apersuinermi suliffeqarfiit ataasiakkaat akissuteqaataat aqqutigalugit ataatsimoorluta ilisimasavut qaffariaateqassapput ajornartorsitillu oqaluuserisassanngortillugit, taamaalilluta kommunitsinni suliffimmik ingerlatsiniarnermi tunngaviusumik atugassarititat ataatsimoorluta pitsanngorsaavigisinnaassagatsigit, borgmesteri Jørgen Wæver Johansen oqarpoq.

Inuussutissarsiummik Ingerlataqartunik Nalunaarsuiffimmisuliffeqarfinnut attaveqaataat nalunaarsorsimasut atorneqarput. Apersuilluni misissuinermi immersugassaq e-mailikkut nassiunneqassaaq Kommune Kujalliullu suliffeqarfiit Inuussutissarsiummik Ingerlataqartunik Nalunaarsuiffimmut e-mailiminnik nalunaarutiginnissimanngitsut qinnuigineqarput nalunaarutiginneqqullugit.  Taava immersugassat taakkununnga nassiunneqarumaarput.

Inussiarnersumik inuulluaqqusillunga,

Kommunip pisortaanera
Frank Hedegaard Jørgensen 

Attaveqaatinut paasissutissat:

Ineriartortitsinermut pisortaq Keld Jensen, keje@kujalleq.gl

Allagaq nassuiaatitalik uani aanneqarsinnaavoq