Qamutinik, angallateeqqanik umiatsianillu mikinerusunik, atortuutsinik assigiissaanillu pigineqanngissinnaassorisanik nunaminertamillu atuisinnaanermut akuersissuteqanngitsunik takusassiineq.

Kommune Kujalleq qamutinik, qamuteralannik, angallateqqanik umiatsianillu mikinerusunik, atortuutsinik allanillu piginnittoqanngissinnaassunik Qaqortumi nalunaarsuilluni suliaqarluni ingerlatsivoq.
10. marts 2017

Avatagiisinik innarlitsaaliuineq pillugu Inatsisartut inatsisaat nr. 9, 22. november 2011-meersoq naapertorlugu kommuunip pigisat pigineqanngissinnaasut qulaani allaqqasut peersinnaavai, taakku qaammatini pingasuni piginnittussarsiuutsereernerini.

Takusassiissutigineqarnerat aallartissaaq ullormi allagartaliissutip massuma tamanut takusassanngorlugu nivinngarneraniit.

Takusassiineq pissaaq pigisat assitalerlugit allaaserisitalerlugillu takusassiinermut mappe-ni Qaqortumi Teknik-kimut Avatangiisinullu Allafimmi saqqummiunneritigut, imaluunniit kommuunip quppersagaassigut saqqummiunnerini.

Kikkulluunniit iserlutit mappe takusinnaavaat, pigisatillu ilisarigunikkit taassuma nalaagut piginnittutut allassinnaasallutit.

Mappe qimerloorneqarsinnaavoq ulluni piffissanilu ukunani: Ataasinngorneq, marlunngorneq, sisamanngorneq tallimanngornerlu, kommuunip naliginnaassumik ammaffiini.

Takusassiineq qaammatini pingasuni pereerpat pigisat takusassiissutigineqarsimasut kommuunip piissavai, suujunnaarsissavai imaluunniit akigisinnaavai, piginnittuussimasumut taarsiinnitaqanngitsumik.

Takkutigit mappe-lu misissorlugu. Imaasinnaavoq qamutimut, qamuteralammut imaluunniit angallateeqqamut pigineqanngissorisamut taammaattumillu piginnittussarsiuunneqartumut piginnittuusutit.

Qanoq iliuuseqanngikkuit piginnittussarsiugaq kommuunimit peerneqassaaq immaqalu akigineqassalluni.

uani takujuk