Imminut pilersorsinnaaneq annertusarumallugu tunisassiornerup annertusinissaa kissaatigineqarpoq

2014-imi nunalerinermut ataatsimiititaliarsuup isumaliutissiissut ima oqariartuutilik saqqummiuppaa ”Taamaattumik piffissanngorpoq, politikerit tungaanniit maanna aalajangigassat pingaarnerit aalajangerneqarnissaat, isumaliutissiissutip uuma periarfissiinera naapertorlugu".
8. februar 2017

Ukiut marluk qaangiussimalersut nalunaarutigineqarpoq nunaateqarneq pillugu isumalioqatigiissitarsuup innersuutai arlallit piviusullu, politikkikkut suli aajangiivigineqarsimanngitsut, tamannalu pisariaqarpoq ukiuni kingullerni nunalerinermi tunisassiornerup annikillinerata kingunerisaanik, nunap imminut pilersorsin-naanerata annikillineranik kinguneqarmat.

Inuussutissarsiornermi akimmiffiit aaqqiissutissarsiorniarlugit januaarip 28-anni 29-annilu Savaatillit Peqa-tigiit Suleqatigiissut (SPS) Kommune Kujallerlu qanimut suleqatigiinnerisigut, nunaateqarneq pillugu isumasioqatigiinneq ingerlanneqarpoq.

Isumasioqatigiinnerup siunertaa tassaavoq inuussutissarsiortut nammineerlutik nunalerinermik aningaasaqarnikkut imminut napatissinnaasumik, nutaaliamik sunniuteqarluartumillu anguniagassaminnut piumasaqaatinik eqqartuinissaat siunnersuusiornissaallu, taamaammat isumasioqatigiinnermi politikkerit atorfilittagullu annerusumik tusarnaartutut inissisimapput.

Isumasioqatigiinnerup nalaani inuussutissarsiutillit anguniagassatik makku oqallisigalugillu saqqummiuppaat: 

  • Naatitanik nioqqutissiornerup savaateqarnerup nersussuaateqarnerullu annertusaaviginissaa,
  • Uumasuutinut nerukkaatissiornermi imminut pilersorsinnaanerup annertusaaviginiarnerani nerukkaatissiornerup annertusaaviginissaa,
  • Nunatsinni nunaateqarnikkut nerisassiornikkullu imminut pilersornerup atuinerullu annertusar-nissaat,
  • Savaateqarfiit attaveqarnikkut pilersuinikkullu ineriartortitsivigineqarnissaat, ilagalugit nerisas-siat assartorniarneranni assartuinerup pitsanngorsaaviginissaa, nersutinik katersuineq, nunaqarfinnut illoqarfinnullu attaveqarneq, il. il.,
  • Ikiorsiissutitut tapiissutinik pinngitsuuisinnaanerup annikillisarneqarnissaa,
  • Aningaasalersuinerup pitsanngorsaaviginissaa, aammalu nammineq aningaasalersuinerup ilanngunneqarnissaa,
  • Piginnittuunermut kinguaariillu nikinnerannut tunngatillugu pissutsit pitsanngorsaavigineqarnissaat
  • Nunaateqarnerup iluani ilinniartitaanikkut, siunnersorneqarnikkut misileraanikkullu sulinerup pitsanngorsaavigineqarnissaa.

Isumasioqatigiinnermi nunalerinermik inuussutissarsiutillit oqallisissatik nammineerlutik aaqqissorpaat, isummatik saqqummiullugit, imminullu napatissinnaasumik nutaaliamillu nunalerinermik pilersitsinissap tungaanut iliuusissanik piumasaqaatinillu saqqummiillutik.

Borgmester Jørgen Wæver Johansenip inuussutissarsiutillit nammineerlutik oqallisissanik aaqqissuussinerat, inuussutissarsiutillu ineriartornissaanut isummaminnik, piumasaqaatinik anguiniagassanillu saq-qummiussinerat nuannaarutigaa oqaatigalugulu:

  • Innuttaasunik inuussutissarsiutinillu suleqateqarneq Kommune Kujallermi pitsaasumik inuussutissarsiornikkut ineriartortoqarnissaanut qulakkeerinissamut pingaaruteqarpoq.  Taamaammat isumasioqatigiinnerup politikkeriusugut atorfilittavullu politikkikkut aalajangigassat amigaataasut pisariaqartullu suliarinissaanut, anguniagassanik tulleriiaagassanillu ersarissunik tunivaatigut, nunalerinermi aporfiit ajornartorsiutillu anigornissai siunertaalluni.   

              SPS-ip siulittaasua Otto Nielsenip isumasioqatigiinneq aamma iluarisimaarpaa, inuussutissarsiornermilu siunissaq ungasinnerusoq eqqarsaatigalugu pilersaaruteqarnissaq immikkut pingaartillugu:

  • Isumasioqatigiinnermi anguniagassat piumasaqaatillu isumaqatigiissutigisagut aallaavigalugit, nunalerinerup ineriartortinnissaanut siunissaq ungasinnerusoq eqqarsaatigalugu pilersaaruteqarluta suleqqissinnaanngorpugut", SPS-imi siulittaasoq, Otto Nielsen, taama oqarpoq.

              Kiisalu Inuussutissarsiornermut Ataatsimiititaliap siulittaasua Simon Simonsen, iliuuseqarnissamut kajumissaarivoq:

  • Aporfiit ajornartorsiutillu ilisimaneqarput ukiut ingerlanerini nalunaarusiarpassuit suliarineqareermata, soorlu nunalerinermut ataatsimiititaliarsuup isumaliutissiissutai tigussaasunik inassute-qaateqartoq. Isumasioqatigiinnermit inernerit suleqqinnissamut qajannaatsumik tunngavissiipput - taava iliuuseqarnissaq piffissanngorpoq", Simon Simonsen naggasiivoq. 

Sukumiinerusumik paasisaqarusukkaanni saaffissat:

Borgmester Jørgen Wæver Johansen +299 559672

Savaatillit Peqatigiiffiit Suleqatigiissut Siulittaasuat, Otto Nielsen + 299 199223 (nunaatimini) +299 494896 (illoqarfimmi)

Inuussutissarsiornermut Ataatsimiititaliami siulittaasoq, Simon Simonsen +299 493317