Kommunimi pilersaarut pillugu Innuttaasunut ataatsimiigiaqqussut

uani takuuk: www.kujalleq.gl isummerfigalugulu
4. januar 2017
Kommunip pilersaarutaa ukiut sisamakkaarlugit nutarterneqartassaaq, tassa qinigaaffimmi ataasiarlugu, taamaattumik Kommune Kujallermi kommunalbestyrelsip siunnersuutitut 2017-imiit 2028-imut kommunimut pilersaarutaa innuttaasunut tusarniaassutigineqassaaq.
 
Siunnersuut sapaatip akunneri qulit missaanni tamanut ammasumik tusarniaassutigineqassaaq, matumani innuttaasut, suliffeqarfiutillit, kattuffiit allallu kommunip ineriartorneranut soqutigisaqartut oqaaseqaatitik, siunnersuutitik maalaarutitillu saqqummiussinnaallugit. Kommune Kujallermut uunga nassiunneqarsinnaapput: Kommune Kujalleq ”Kommuneplan”, Postboks 514, 3920 Qaqortoq imaluunniit mailikkut teknik@kujalleq.gl taamaalillutik kommunimut apuunniassammata kingusinnerpaamik tallimanngorneq februaarip 10-anni, 2017.   Innuttaasunik ataatsimiisitsinerit 
Teknikkimut avatagiisinullu ataatsimiititaliap siulittaasua Kîsta P. Isaksen Kommunalbestyrelsi sinnerlugu innuttaasunik ataatsimiisitsissaaq Kommunip pilersaarutaa Kommune Kujalleullu siunissaa pillugu ulluni ukunani: 
 

Innuttaasunik ataatsimiisitsinerit illoqarfinni

Marlunngorneq januarip 17.-anni 2017 nal. 19:00 Nanortallip Katersortarfiani 
Pingasunngorneq januarip 18.-anni 2017 nal. 19:00 Qaqortup Katersortarfiani 
Sisamanngorneq januarip 19.-anni 2017 nal. 19:00 Narsap katersortarfiani 
 
Februaarip naalernerani kommunalbestyrelsip oqaaseqaatit apuussimasut isummerfigiumaarpai, inaarutaasumillu kommunimut pilersaarut akueralugu.

 

Innuttaasunik ataatsimiisitsinerit nunaqarfinni 

Teknikkimut avatagiisinullu ataatsimiititaliap siulittaasua Kîsta P. Isaksen Kommunalbestyrelsi sinnerlugu innuttaasunik ataatsimiisitsissaaq Kommunip pilersaarutaa Kommune Kujalleullu siunissaa pillugu ulluni ukunani:

 Ataasinngorneq 16. januar 2017 kl 9:15 Illu Sullivik Eqalugaarsuit

Ataasinngorneq 16. januar 2017 kl 13:15 Kubbi Alluitsup Paa

Ataasinngorneq 16. januar 2017 kl 15:45 Illu Sullivik  Ammassivik

Ataasinngorneq 16. januar 2017 kl 19:15 Illu Sullivik Tasiusaq

Pingasunngorneq 18. januar 2017 kl 10:15 Atuarfik  Aappilattoq

Pingasunngorneq  18. januar 2017 kl 13:15 Atuarfik Narsarmijit

Tallimanngorneq 20. januar 2017 kl 10:15 Illu Sullivik  Igaliku

Tallimanngorneq   20. januar 2017 kl 13:15 Illu Sullivik Qassirsuk

Tallimanngorneq   20. januar 2017 kl 15:15 Illu Sullivik Narsarsuaq

Kommune Kujallermut uunga nassiunneqarsinnaap­put: ”Kommuneplan”, Postboks 514, 3920 Qaqortoq imaluunniit mailikkut teknik@kujalleq.gl taamaalillutik kommunimut apuunniassamma­ta kingusinnerpaamik tallimanngorneq februaarip 10-anni, 2017.