Tamanut tusarniaaneq: Iliveqarfitoqaq

Kommune Kujalleq (Teknikkimut Ataatsimiititaliaq) Ilagiit Sinniisaat peqatigalugit aalajangerpoq Qaqortumi iliveqarfitoqqamut ilisisoqaqqissinnaanngussasoq massakkut iliveqarfiusup ulikkaarluinnalersimanera pissutigalugu.
15. august 2016

Iliveqarfitoqqami ilerrit ilaat allanngortinneqannginnissaannik kissaateqartoqarnersoq paasiniarlugu 2015-imi tamanut tusarniaasoqarpoq. Titartakkami tulliuttumi ilerrit suut allanngortinneqassannginnersut takuneqarsinnaavoq.

Kommune Kujalliup erseqqissarumavaa iliveqarfitoqqami assaanerit piaartumik aallartinneqassammata.

Assaanerit aallartitsinnagit entrepenøri, ilagiit sinniisaat kiisalu Kommune Kujalleq iliveqarfimmi naapissapput ilerrit peerneqartussaanngitsut nalunaaqqutsersorniarlugit. Kiisalu ilerrup ataatsimoorussap sumiippiarnissaa aamma aalajangerneqassaaq.

Innuttaasut soqutiginnittut Sanaartornermut pisortamut Herluf Grønlund, Teknikkeqarfik, mail (tlf 64 54 07 mail adresse hegr@kujalleq.gl) suliaq pillugu attaveqarsinnaapput.
Ulluni 16.08-imiit 22.08.2016-mut innuttaasut qinnuigineqarput Teknisk assistent Josef Kreutzmann (tlf 64 54 05 imaluunniit mail adresse jokr@kujalleq.gl) attavigeqqullugu.

Herluf Grønlund
Sanaartornermut pisortaq