”Ikaartarfik Alleq” nutarterneqarpoq: Nunatsinni ikaartarfiit glasfiberiusut siullersaat atoqqaartinneqarpoq

Ullumi augustip ulluisa sisamaanni Qaqortumik ikaartarfimmik nutaaliaasumik atoqqaartitsipput.
4. august 2016

Aasarimmi silaqqisseruttortoq Borgmester Jørgen Wæver Johansen (S) aammalu borgmesterip tullia Simon Simonsen (S) nunatsinni ikaartarfiit glasfiberiusut siullersaannik innuttaasunik nuannaartunik qasseersuarnik peqateqarlutik atoqqaartitsipput.

 

Illoqarfik alianaassutsiminik takutitsivoq, Qaqortumilu illoqarfiup qeqqa tusaamasaasoq nunatta erfalasuinik kusassarneqarsimavoq.

 

Borgmester Jørgen Wæver Johansenip (S) innuttaasut ikaartarfittaarnerinik pilluaqquai, ikaartarfik taanna sanasunit Qaqortumiunit immikkullu kiisalu immikkut ilinniarsimasunit Danmarkimeersunit sananeqarpoq. Ikaartarfik ineriigaalluni katitigassaanaavoq danskit suliffeqarfiutaannit Europamut tamarmut ikaartarfinnik glasfiberiusunik tuniniaasartumit pisiaalluni.

 

Borgmesteri oqalugiarnermini oqarpoq ikaartarfik ”Alleq” 1959-imeersoq assorsuarlu aserfallassimalluni, nutaamillu taarsertariaqalivissimalluni. Oqalugiaammini oqarpoq "... ilaanni nutaamik eqqarsarnissaq pisariaqartarpoq - ikaartarfimmilu nutaami taamaaliorpugut. Inerneralu tassaavoq una ikaartarfik glasfiberimik kuisaasoq, soorlu tassa umiatsiaaqqavut umiatsiavullu glasfiberimik kuisaasut.

 

Ikaartarfik glasfiberiusoq nutaaq 60 tonsinut akuerisaavoq - tassa pisoqqamiit 20-eriaammik.

 

Ikaartarfik Alleq Qaqormiinut katersuuffiujuarsimavoq, ilaatigut meeqqat, inuusuttut inersimasullu nallukkumatuut nalluffigisarpaat kiisalu illoqarfiup immikkoortuinik marlunnik attaviliisuulluni.

 

 

Attavissat:

 

Teknikkimut pisortaagallartoq Herluf Grønlund

e-mail: hegr@kujalleq.gl

Oqa. (+299) 645407mobil:(+299) 560152