Narsami kalaalimineerniarfik pillugu tusagassiorfinnut nalunaarut

Pingasunngorneq augustip ulluisa qulinganni Kommune Kujallermi inuussutissarsiornermut ataatsimiititaliap siulittaasua Simon Simonsen, kiisalu aalisartut piniartullu peqatigiiffianni siulersuisut Narsami kalaalimineerniarfik pillugu ataatsimiimmata erseqqissaatigineqarpoq Narsami kalaalimineerniarfiup matuneqarnissaa kommunip siunertarisimanngisaannarmagu.
11. august 2016

Narsami kalaalimineerniarfimmi kommunip tuniniaasuisa suliunnaarsinneqarsimanerannut pissutaasoq nassuiarneqarpoq, tassa sulisut akissarsiaannut aningaasaliissutit nungulersimammata sulisut 3. august 2016 atuutilersumik suliunnaarsinneqartariaqarsimasut.

 

Narsami aalisartut piniartullu peqatigiiffiat augustip aallartinneraniit kalaalimineerniarfimmik qangatut kommunip sulisuanik sulisoqanngitsumik ingerlatsilernissaannik isumaqatigiissuteqarfiginiarlugu 21. juli 2016 Narsami aalisartut piniartullu peqatigiiffianni sulersuisut ataatsimeeqatigineqarput. Taama ittumik isumasioqatigiissusiortoqarsinnaanngimmat kalaalimineerniarfimmiit kalaaliminernik tuniniaaneq ajornarsimavoq.

 

Augustip ulluisa qulinganni ataatsimiinnermi Simon Simonsen Narsami aalisartut piniartullu peqatigiiffiannut nalunaarpoq ukiup naanissaata tungaanut kalaalimineerniarfiup kommunip sulisuanik sulisoqaannarnissaa misissorneqassasoq.

 

Taamaammat Kommune Kujalleq aalajangerpoq Narsami kalaalimineerniarfimmi sulisussamik ullumimiit atorfinitsitsiniarluni ulluinnarni kalaaliminernik pisiniartoqarsinnaanngorlugu.

 

Simon Simonsen

Inuutissarsiornermi Ataatsimiititaliap siulittaasu

Formand for Erhvervsudvalget