Kujataani Qallunaatsiaat pillugit takutitsineq 2000 sinnerlugit ornigarneqarluni soqutigineqaqaaq!

Ulluni 23. julimiit 01. aggusti ilanngullugu illoqarfiit ikinngutigiit peqatigiiffianni Roskilde-Nanortalik-imit "qallunaatsiaat" illoqarfinnut piungasunut, Nanortalimmut, Qaqortumt aamma Narsamut tikeraarput.
10. august 2016

Takutitsivinni saqqummiiviit sammisallu makku peqataaffigineqarsinnaapput:

•Qallunaatsiaat pinnersaataanik atortuinillu tuniniaavik
•Sapannganik ujamiliorneq tajaliornerlu
•Eqqornaveeqqutinik pinnersaaneq
•Savat meqquinik nunatsinneersunik suliaqarneq
•Amernik aningaasiviliorneq
•Qallunaatsiaatut pinnguaatit
•Qallunaatsiaat atisaat
•Filmeriarneq
•Qisunnik runenik allaffigisimasunik sananeq
•Sava qiluataq, suppa aammalu iffiukkat qipisut

Suliaq illoqarfiit ikinngutigiit Roskildep aamma Nanortallup peqatigiiffiata ukiunik 50-inngortorsiorneranut atatillugu isigisariaqarpoq. Qallunaatsiaat pillugit saqqummiinerit aamma Kommune Kujalliup silarsuarmiunut kingornutassiaqarfimmik pilersitsiniarneranut atatillugu isigisariaqarpoq nittarsaassinerlu siunertaralugu suliatut immini isigisariaqarluni.

Suliniummik aqutsisut katersugaasiviit pisortaat, Nanortallup katersugaasivianit Lasse Meyer, Jesper Stormly Enevoldsen, Narsap katersugaasivianit, kiisalu Roskilde – Nanortallup ikinngutigiittut peqatigiiffianni siulittaasoq Alf Tornberg suliniummik ingerlatsisuupput.

Aaqqissuussineq makkunannga tapiiffigineqarpoq: Narsami Brugsen, INUILI, Royal Artic Line, Nuna-fonden, NAPA-p aningaasaateqarfia, Naalagaaffiup sinniisoqarfiani Kalaallit Nunaannut aningaasaateqarfik, Ikinngutigiit peqatigiiffiat Roskilde-Nanortalik kiisalu Kommmune Kujalleq.

Tapiissuteqartunut QUJANAQ:
Tapiiffigineqarsimanngikkaluarutta qallunaatsiaat pillugit saqqummiinivut ingerlassinnaasimanavianngikkaluarpavut. Taamaammat tapiissutit tapersersuinerillu qujaruteqaavut. Tapiissuteqartut tusagassiorfinnut nalunaarutini nalunaarutigineqarpoq kiisalu saqqummiivinni allagartaliorluni saqqummiunneqartarlutik.

Aamma takukkit:

http://sermitsiaq.ag/lokale-museer-sikrede-vikinge-indtog

http://sermitsiaq.ag/se-billeder-vikingerne-indtager-narsaq

http://sermitsiaq.ag/se-billeder-velbesoegte-nordbodage

http://sermitsiaq.ag/vikingerne-kommer-sydgroenland