Inunnik isumaginninneq pillugu tusagassiutinut nalunaarut

Kommune Kujalleq Namminersorlutillu Oqartussat kujataani suleqatigiipput
29. juli 2016

Kommune Kujalliup KNR-p kommunimi isumaginninnermi pissutsinut tunngasoq iluarinanngilluinnartumik ullumi allaaseralugu saqqummiussaa ilisarisinnaanngilluinnarpaa.

Paasissutissat Kommune Kujalliup pereersimasutut isigisai pineqarput, tassa imaappoq sapaatit akunnerini qaangiuttuni Kommune Kujalliup Isumaginninnermullu Naalakkersuisoqarfiup suleqatigiinnerat ilorraap tungaanut saassimammat, suliat aaqqiiffigineqarnissaat pillugit imminnut tikkuartuutiinnarnerit pineqartut, iluaqutaanngivissumik.

Kommunip suliassai tassaapput ajornartorsiut aaqqiiffiginissaat qanoq allat isummerfigissappassuk kommunip tamanna akisussaaffiginngilaa. Kiisalu aamma kommunip tusagassiutitigut iluarinanngitsumik eqqartorneqarneranit, ajornartorsiutit iluarsinissaannut kommunimut kinguneqapilussinnaavoq, soorlu atorfiit inuttassarsiuussat inuttassaarussinnaaneri eqqarsaatigalugu. Maanna naqissuserneqarsinnaavoq maannakkorpiaq Kommune Kujalliup isumaginninnermut siunnersortit arfineq-pingasut amigaatigai, naak arlaleriarluni atorfiit inuttassarsiorneqartaraluartut.

Taamaattumik kommuni isumaginninnermut susassaqarfinnut tunngasunut suliallit katersornissaat siunertaralugu iliuusissamik pilersaarusiornikuuvoq, ilaatigut isumaginninnermut siunnersortit kajumissaarniarlugit immikkut kajumissaarinermik tusagassiuutitigut oqallinnermik aaqqissuussilluni. Naak katersuiniarneq ajornartorsiutaagaluartoq isumaginninnermut tunngasut qaffasinnerusumik inissinnissaat aalajangersimavaat. Taamaattumik taaneqareersutut iliuusissamik pilersaarut politikkikkut aalajangiunneqarpoq isumaginninnermut siunnersortitut atorfiit sisamat inatsilerituutullu atorfik ataaseq kiisalu tarnip pissusaanik immikkut ilisimasalimmut atorfik ataaseq pilersinneqassasut.

Ajornartorsiutit taakku isumaginninnermut naalakkersuisoqarfiup ernumanartutut tunngavilersugai kommunip juulip qaammataani suliniuteqarfigai, naalakkersuisoqarfimmilu pisortap tikeraarnerani, ajornartorsiutit suli suliniuteqarfigineqartariaqartut peqqutigalugit naalakkersuisoqarfik kommunilu ingerlatsinissamik pilersaarummik isumaqatigiissuteqarput, tamannalu naalakkersuisut qitiusumik siunnersuisarfia peqatigalugu suliarineqassalluni.

Kommunep nalilerpaa pitsaasumik maannakkut suleriuseqarlutik, ajornartorsiutaasullu oqallisaaginnaratik aaqqiivigineqartut. Aammattaaq kommunep isiginninnera naapertorlugu naalakkersuisoqarfimmit juunip qaammataani ernumanartutut tunngavilersuutigineqartut naalakkersuisut qitiusumik siunnersuisoqarfia peqatigalugu maanna aaqqiivigineqariinngikkunik suliniuteqarfigineqarput.

Kommune Kujalliup aamma erseqqissaatigerusuppaa KNR-ip ajornartorsiutit annertussusaanik saqqummiinera sakkortuumik allamut saatsitsisut, ajornartorsiutilli pineqartut kommunip illoqarfiinut ataasiakkaanut tunngasuupput, taamaammallu ajornartorsiutit ataatsimut isigalugit kommunimut tunngasuteqanngitsut.

Taamaalilluni Kommune Kujalliup unammillernartut iluarsinissaat pillugit piumassuseqarneq piviusorsiorpalaarnerlu anguniarlugit piumassuseqarnini takutippaa.

Ilanngullugulu nalunaarutigissavarput atsiortoq Kommune Kujallermi isumaginninnermut pisortatut atorfinimmat, nutaarsiassanilu saqqummiunneqartartunik kommunip ajornartorsiutinik aaqqiiniarneranut tunngasunik ingerlaavartumik ilisimatinneqartarmat.

Naggataatigullu Isumaginninnermut Naalakkersuisoqarfik ajornaasaarluni kommunip isumaginninnermik ingerlatsivimminik ingerlallualersitsiniarnermini ilungersuuteqarnerani tapersiisinnaammat Kommune Kujalliup qujassutigaa.

Aprilip qaammataaniit siuariaateqarsimanerput siumut isigaluta nuannaarutiginiartigu.

 

 

 

Socialchef Dariusz Sobczynski, e-mail: daso@kujalleq.gl

Tusagassiutinut nalunaarut PDF -inngorlugu aaguk.