Kalaalimineerniarfiup eqqaani kuummi ikaartarfittaassaq

Qaqortumi kuummi ikaartarfik aserfallassimavoq. Ikaartarfiup pisoqartaa 1951-52-mi sananeqarpoq. Ikaartarfik ukiuni sisamani suli atorsinnaasutut 2014-imi missingerneqarpoq, taamaammallu ikaartarfik pioreersoq glasfiberimik taarserneqassasoq Kommune Kujallermi 2015-imi aalajangerneqarpoq. Ikaartarfiup iluaqutissartaa tassa aserfallatsaaliortariaqarpallaassanngimmat, oqimaatsuunnginnami iluarsartuunnissaa assartorneqarnissaalu ajornaatsuulluni.
13. juni 2016
Qaqortumi ikaartarfittaassaq 12 meterimik takissuseqassaaq, 7,5 meterinik silissusilik 4,5 meterinillu assakaasulinnut angallavissartaqassalluni. Ikaartarfiup atorsaalluartuunissaa kissaatigalugu danskit nioqqutissiorfiat Fiberline Composites ikaartarfimmik ilusilersuisuullunilu sanasuussasoq Kommune Kujalliup aalajangiuppaa. Atuarfiup eqqaatigut biilersuit ingerlaartartut ikilisinniarlugit ikaartarfittaassaq 60 tonsimik oqimaassusilinnit ingerlavigineqarsinnaassaaq.

Ikaartarfik 12 meterinik takissuseqartoq Royal Arctic Line aqqutigalugu Nunatsinnut assartorneqassaaq, tassanilu ikaartarfiup immikkoortui Fiberline Compositesip ikkussorlugit naassereerpagit aatsaat Royal Arctic Linep kivittaataanik kalmarimik kivinneqassaaq.

Taamaammat kuummi ikaartarfikkut angallanneq juulip 6-anit aggustusip 2-ata missaanut matoqqassasoq Kommune Kujallermit ilisimatitsissutigineqarpoq. Neriuppugut innuttaasut paasinnilluassasut. Ikaartarfik betonimik sanaajusoq Anders Olsensvejimiittoq inuinnaallu ikaartarfiat oqaluffitoqqap B-102-ip eqqaaniittoq ingerlavigineqaannarsinnaassapput.