Atuarfeqarnermut ataatsimiititaliaq atuarfeqarneq pillugu Narsarsuarmi isumasioqatigiisitsivoq

Atuarfeqarnermut ingerlatsivimmiit pilersaarut agguaanneqartoq naapertorlugu atuarfeqarneq pillugu isumasioqatigiinnermi siunertaasoq tassaavoq:

” - Kommune Kujallermi qanoq ililluta oqaatsinut ilinniartitsineq qitiutillu atuarfimmik ineriartortitsissaagut?
- Qanoq iliorluta ilinniartitsisussarsiortarnermi periusissiussaagut ilinniartitsisut pikkorissut ilinniarsimasut tigummiinarsinnaanngorlugit sulilernissaannullu kajumissaarsinnaanngorlugit? "
19. februar 2016
2016-imi februarip 17-liata 19-iatalu akornanni Kommune Kujallermi atuarfeqarnermut ataatsimiititaliaq atuarfeqarneq pillugu Narsarsuarmi isumasioqatigiisitsivoq illoqarfinni pingasuni atuarfiit siulersuisuisa siulittaasuinit siulittaasuisaluunniit tulliinit, atuarfiit pisortaannit, atuarfimmi siunnersortinit ilinniartitsisullu sinniisaannit peqataaffigineqartumik. Tamatuma saniatigut kommunalbestyrelsimi ataatsimiititaliamut ilaasortat sisamat isumasioqatigiinnermi peqataapput peqataasunit inerniliussanik suliassanik ingerlatitseqqittussaallutik.

Aammattaaq immikkut ilisimasalinnik oqalugiartussanik tallimanik suliassaqarfimminni siunnersuutinik aalajangersimasunik saqqummiussisussanik atuarfeqarnermik ingerlatsivik qaaqqusaqarpoq.

Borgmester Jørgen Wæver Johansen isumasioqatigiinnermik ammaalluni oqalugiaammini suliassat tallimat iserfigai:
- Oqaatsinut ilinniartitsineq
- Ilinniartitsisut sulinerata pingaassusia
- Meeqqat ilinniarnerannut angajoqqaat tapersersuinerannut angajoqqaat eqqortunik atugassaqartitaanerat.
- Kommune Kujallermi qarasaasiatigut atortorissaarutinik soorlu iPadikkunnik atorluaanissatsinnut periarfissaqarluarnerput.
- Qanoq iliorluta atuartut amerlanerusut meeqqat atuarfiata kingorna ingerlariaqqittarnissaannut ikiussagivut taamalu Piareersarfimmut ingerlaqqittartut suliffissaaruttartulluunniit ikilisassagivut.


Isumasioqatigiinneq atuarfeqarnermut ataatsimiititaliap siulittaasuanit Benjamin Kielsenimit atuarfeqarnermillu ingerlatsiviup pisortaanit Jens Korneliussenimit aallarnerneqarpoq. Tamatuma kingorna Esekias Therkildsen Inerisaavimmeersoq Kommune Kujallermi atuartut angusaannik oqaluttuarpoq.
Saqqummiisut ilaatigut tassaapput Poul H. Jørgensen, Piareersarfik Kujallermi pisortaq, MISI-kujallermi atuarfinni psykologit aqutsisuat, Trudy Kreutzmann MISI-kujallermi psykologit aqutsisuat Trudy Kreutzmann kiisalu Steffen Lund, Campus Kujalliup pisortaa.

Atuarfeqarnermut ingerlatsivimmiit pilersaarut agguaanneqartoq naapertorlugu atuarfeqarneq pillugu isumasioqatigiinnermi siunertaasoq tassaavoq:

” - Kommune Kujallermi qanoq ililluta oqaatsinut ilinniartitsineq qitiutillu atuarfimmik ineriartortitsissaagut?
- Qanoq iliorluta ilinniartitsisussarsiortarnermi periusissiussaagut ilinniartitsisut pikkorissut ilinniarsimasut tigummiinarsinnaanngorlugit sulilernissaannullu kajumissaarsinnaanngorlugit? "

Peqataasunut ilaapputtaaq Palle Lennert aamma Jimmy Hymøller, suliniummik soqutiginaqisumik NUIKI-mik suliaqartuusut. Suliniummi tassani meeqqat pitsaasunik ileqqoqalernissaat anguniarneqartarpoq, soorlu innajaarnerusalernissaat ilinniagassalerisalernissaallu. Suliniut taanna avannaani iluatsilluartumik misilinneqareerpoq, aammalu Pallep Jimmyllu Kommune Kujallermi illoqarfiit nunaqarfiillu ilaanni ingerlanneqarnissaanut qilanaarput.


Atuarfeqarnermut ataatsimiititaliami siulittaasutut toqqarneqaqqammersoq Benjamin Kielsen isumaqataavoq ilassuteqarlunilu: "Atuarfinni qanoq pitsanngorsaassanersugut oqaluuserissavarput kiisalu isumasioqatigiinnermiit kaammattuutit atuarfeqarnermi ataatsimiititaliami suliareqqitassanngorlugit tigussavavut.