Kommune Kujalleq Thetis-imiit ilasseqatigiinnissamut qaaqquneqarnera

4. januar 2016
Umiarsuaq nakkutilliissut Hvidbjørnen ileqquusumik ukiut tamaasa Qaqortumi tulaqqasarpoq. 1982-imi Hvidbjørnen Qaqortumit qitornarsiarineqalerpoq, ukiullu tamaasa juullilernerani umiarsuaq Qaqortumi tulaqqasarluni.
Hvidbjørnen Hans Hedtoft-ip kingorna umiarsuarni kinguaariiaani pingajussaajuvoq/sisamassaajuvoq. Siornatigorniit umiarsuit pitsanngorsagaapput, issittumilu pissutsinut tulluarsagaallutik.

Hans Hedtoft 1959-imi eqqumiitsumik umiuvoq, tamanna umiartortunit suli eqqaaniarneqartarluni.

Hvidbjørnen Danmarkimi amoqqammat Kujataani illoqarfiit pingaarnersaat umiarsuaqataanit Thetis-imit tikeraarneqarsimavoq.

Thetis ulloq 23. dec. nal. 09 ullaakkut tulappoq, Thetis-ip ukiormanna juullilernerani nuannaarutigaa Qaqortumi innuttaasut akornanniikkami.
Ilasseqatigiinnermi Thetis-imi umiarsuup naalagaa tamanut tikilluaqqusivoq, kingornanilu Kommune Kujallermi borgmesteri Jørgen Wæver Johansen aamma tikilluaqqusilluni oqaaseqarluni.
Borgmesterip ilaatigut Kujataani juullimi misigisassat eqqartorpai, aammalu umiartortut kissalaartumik tikilluaqqullugit.
Ukiut tamaasa oldboys-it umiartortullu isikkamik arsaannissaat aaqqissuunneqartarpoq, tamanna ukiormanna 26. december timersortarfimmi pivoq.