Narsami unnuisarfik

Narsami inuit arlallit Kommune Kujalliup illuutaanni ineerartaarnikuupput, utaqqiisaani Inunnik Isumaginnittoqarfimmi Sullissivimmilu sulisut inuit taakku missingersuutinik pilersaarusiortalernissaannut ikiorniarlugit piareersarput.
7. januar 2016
Ineqarnermut akiliisarsimannginnamik INI A/S-imiit anisitaasimapput.
”Tassaakkajunnerusarput aappariit arlaanni siniffissaqanngitsut", Ulla Rafaelsen Narsami Innuttaasunik Sullissivimmiit ilisimatitsivoq.
”Illut arlallit piareersarnikuuavut, taamaalillutik aappariit ilaqutariillu ineeqqanik sumiiffissikkusullugit", Josefip Aqqutaani illut aappaluttut uiguleriiaat tungaannut biilertilluta Ulla taamak oqaluttuarpoq.

Tamanna pivoq kommunimi allaffissornikkut sulisut Qaqortumi Narsamilu inuit 15-it miss. piffissami sivisujaami piffissaq eqqorlugu INI A/S-imut ineqarnermut akiliisarsimannginngitsut innisimavissaannik ujaasillutik ulappussimanerisigut.
”Utaqqiisaani Inunnik Isumaginnittoqarfimmi Sullissivimmilu sulisut inuit taakku pitsaanerusumik missingersuutinik pilersaarusiortalernissaannut ikiorniarlugit piareersarput, pissutigalugu aningaasaqarnerup pilersaarusiorlussimanera peqqutaagajuttarmat. ”Taamak oqarpoq Ulla.

Unnuisarfik tassaavoq sumiiffik unnuinissamut periarfissiisoq. Taaguut ullutsinni inissaaleqisunut imaluunniit inunnut annertuunik ajornartorsiutilinnut ineqarfittut atorneqartarpoq. Unnuisarfik akeqanngitsumik atorneqarsinnaavoq, imaluunniit utaqqiisaagallartumik inissikkallarnermi annikitsumik akiliisitsisoqarsinnaasarluni.