Campus Kujalliup pikkorissartitsineri assorujussuaq iluatsittutut nalilerneqarput

Pikkorissartitsinerit pillugit isumaqatigiissut nutaaq Kommune Kujalliup aammalu Campus Kujalliup akornanni isumaqatigiissutigineqarpoq. Pikkorissartitsinerit aaqqissugaaneri imarisaallu pillugit suleqatigiit arlaleriarlutik oqaloqatigiittareernerisigut tamanna pivoq.
4. januar 2016
Isumaqatigiissut borgmesterip allaffiani Campus Kujalliup pisortaanit Steffen Lundimit ilinniartitaanermi siunnersortimit Kista Isaksenimit peqatigineqartumit atsiorneqarpoq.
Kommune Kujallermiit ataatsimiinnermut peqataapput Frank Hedegaard Jørgensen aammalu sulisoqarnermut allaffimmi immikkoortortami aqutsisoq Bruno Josefsen.

Kommune Kujalleq 2015-imi aatsaat taama amerlatigisunik sulisuminut pikkorissartitsivoq. Tamanna qinikkat allaffeqarfimmilu aqutsisut tapersuineratigut naammassineqarpoq.
Tamatuma kingorna naliliisoqarneratigut pikkorissarnerit qanoq pitsaatiginerusut pitsaannginnersulluunniit ersersinneqarpoq.

Aamma tamatuma peqatigisaanik ukiumi tullermi sulisut pikkorissarnernik sunik kissaateqarnersut naliliinikkut paasiniarneqassaaq tassami qinikkat aqutsisullu inassutigisimammassuk Kommune Kujalliup sulisuinik pikkorissartitsisarnerit 2016-imi nanginneqassasut.
Naliliineq nutaamik isumaqatigiissusiornissamut tunngaviliisuuvoq.