Borgmesterip ilinniartitsisunik ataatsimiisitsinerit aallarnerpai

Kommune Kujallermi kommunalbestyrelsip ukioq 2016 meeqqat atuarfiata ukiuattut suaarutigissallugu aalajangernikuuaa. Taamaammat borgmesteri Jørgen Wæver Johansen-ip ataatsimiisitsinerit arlallit aallarnerlugit ataatsimiisitsivoq, tamannalu Narsami aallarnerneqarpoq.
5. januar 2016
Borgmesteri pisortaaneqarfimmi ataqatigiissaarisumit ingiaqatigineqarluni meeqqanut kultureqarnermullu ingerlatsivimmi pisortaq Jens Korneliussen peqatigalugu ilinniartitsisut oqaloqatigiumallugit Narsap Atuarfianukarpoq.
Ilinniartitsisut borgmesterip oqaluunnissaanut annertuumik naatsorsuutigalugu takkussimapput. Atuarfimmi ingerlatsinermut pisortaq Narsami, Nanortalimmi Qaqortumilu ataatsimiisitsinernik ingerlatsereersimasoq atuarfimmeereerpoq.

Borgmesterip ammasumik kissalaartumillu ilinniartitsisut ulluinnarni suliaat pingaarutillit pillugit oqaloqatigai, aammalu innuttaasunik ataatsimiisitsisarnerniit ilinniartuniit atuartuniillu akissutaasarsimasut oqaatigineqartarsimasullu pillugit oqaluttuullugit. Campus Kujallermi GU-mi NI-milu atuartut amerlasuut meeqqat atuarfianniit ilinniarnertuunngorniarfinnut ikaarsaarnermi toqqaannartumik kulturikkut tupatsitaasimapput.

Borgmesteri saqqummeereernermi kingorna atuarfimmi pissutsit pillugit ilinniartitsisut isumakuluutaat eqqarsaataallu pillugit oqaloqatigai.

Peqataasut ataatsimiinneq kissalaartutut, qanilaarnertut akisussaarpalaartutullu misigaat, taamaammallu borgmesterip oqaatigaa ilinniartitsisut oqaloqatigeqqinnissaat ukiumi nutaami pissusissamisuussasoq.
Borgmesteri Jørgen Wæver Johansen-ip 2016-imi illoqarfiit pingasuusut atuarfiini ilinniartitsisut ataatsimeeqatigisarnissaat kissaatigaa.

”Ukioq 2016 meeqqat atuarfiisa ukiuattut suaarutiginikuuarput, tamannalu aallarnerlugu ilinniartitsisut toqqaannartumik oqaloqatigisarnissaat aallarnerlugu oqarfigerusuppakka tapersersoratsigit, ilutigisaanik pitsaanerpaamik tunniussaqarnissaat naatsorsuutigalutigu". ataatsimeereernerup kingorna borgmesteri taama oqarpoq.