Juullip orpiata ikinneqarnera

Ulloq 29. november 2015 nal. 16 Kommune Kujallermi Narsami, Nanortalimmi, Qaqortumi nunaqarfiinilu orpiit ikinneqarput.
1. december 2015
Ileqquusutut erinarsoqatigiit juullisiummik tussiarput meerarpassuillu angajoqqaatik peqatigalugit orpiliarlutik. Ataatsimut kisitsisoqareernerata kingorna orpik ikinneqarpoq aammalu borgmester Jørgen Wæver Johansen katersuussimasunut oqalugiaateqarluni.
Tamatuma kingorna meeqqat mamakujuttugassaannik tunineqarput.

Oqalugiaataa uani takuuk.
Ukiup taarnersaanni ikippoq qaammaqqut. Nalliuttorsuit tassaapput ilaquttavut, qanigisavut ikinngutivullu peqatigalugit nalliussisartakkavut, sakimmerlunga eqqaanngitsoorumanngilakka inuppassuit ilaquttaminnik maqaasisaqarlutik juullisiortussat. Qanortoq maani illoqarfinnguatsinni tamatta eqqaasinneqartarisa inoqatinut qanilaarneq tassaammat juullip oqariartuutaasa pingaarnersaat.

Asasakka meerannguit, ukiut tamaasa qilanaarlusi utaqqisartagarsi illoqarfitsinni juullip orpianik ikitsinissaq peqatigiilluta maanna ingerlatissavarput aamma immaqa erinarsorluarutta Nissimaaq aqqusaarumaarpoq. Eqqaamassavarsi Juullip orpia una ilissinnut tunniussaammat - tamassinnut nuannaarutissaq.

Kingumut illoqarfitsinni juullip orpia tunissutaavoq kommunitut ikinngutitsinnit Aarhusip Kom-munianit, iluatsillugu Aarhusip borgmesteriata Jacob Bundgaard-ip, Kommune Kujallermi innuttaa-sunut juullip ulluisa aallartinneranni, orpiup ikinneqarnerani inuulluaqqusutaa matumuuna ingerlateqqippara.

Neriuutigaara tamatta illoqarfitsinni juullip orpiata paarilluarnissaannik immitsinnut pisussaaffi-lissasugut tamatsinnut tunissutaammat, tamatsinnullu nuannaarutaammat.

Pisarnerput malillugu illoqarfitsinni innuttaaqataasut nukarlersaat orpitsinnik ikitsisuussaaq, tamatumap eqqaasippaatigut inuunerup ingerlarnanik, soorlu aamma juullip tunngavippiaa tassaniittoq: Qujallusi qaangitsi merlertut-aa. Ukioq manna Orpimmik ikitsisuussaaq:

Nalliuttuni pilluarnermik tipaatsunnermillu kissaallusi sapaassuit aallartinneranni pilluaritsi!