Kommunimi attartortunut ineqarnermut akit nutaat

TUSAGASSIORFINNUT NALUNAARUT / PRESSEMEDDELELSE
Qaqortoq, 10. december 2015
11. december 2015
Kommune Kujalleq 1. januar 2016-imiit aallarnerlugu Kujataa tamakkerlugu illoqarfinni nunaqarfinnilu ineqarnermut akit apparsinnaalissavai. Attartortut ataasiakkaat sumi najugaqarneri apeqqutaallutik appaanerit pissapput, appaanerillu 1,3 %-imiit 13,2 %-mut nikerartassallutik.
Kommunalbestyrelsip tamanna akuersissutigaa, kiisalu INI A/S kommunip inissiaataanik ingerlatsisuusoq nalunaarfigereerlugu. Niuernermi nalingi naapertorlugit ineqarnermut akigititanik naatsorsuinerit kingorna ineqarnermut akigititanik appaaneq piviusunngortinneqarpoq. Ilutigisaanik Kommune Kujallermi kommunalbestyrelsip inissiat taakku aserfallatsaaliorneqarnissaat pillugu aningaasaatinit iluanaarutiniit immikkut aningaasaliisoqarnissaa akuersissutigaa.
Taamaalilluni Kommune Kujalliup kommuni tamakkerlugu innuttaasut assigiinngiiaartumik aningaasatigut pitsanngorsaavigai.
Ineqarnermut akigititat pillugit annertuumik piareersaasoqarneratigut suliarinnittoqarneratigullu taamaalilluta nuannaarutigingaarlugu attartortunut appaanerit taakku neqeroorutigisinnaanngorpavut, inernera tamanut iluaqutaajumaarpoq - minnerunngitsumik nunaqarfinni illoqarfinnilu minnerusuni.

Jørgen Wæver Johansen
jwj@kujalleq.gl