Aningaasaqarnikkut siuariartorneq pillugu borgmesteri KNR-mit apersorneqarpoq

Qanoruumi ilanngussaq takuuk (minut 12:31 AM)
http://knr.gl/da/tv/qanorooq/qanorooq-26112015
1. december 2015
Borgmester Jørgen Wæver Johansen KNR-imi Qanoruukkut 26. 11.15 apersorneqarpoq.
Kommune Kujalliup aningaasatigut siuariarsimaneranut suut pissutaanersut KNR-ip tusagassiortuanit apeqqutigineqarput.
Borgmester Jørgen Wæver Johansenip pissutaasut tallimat tikkuarpai:

”Ileqqaaruteqarnikkut aaqqissugaanerullu allanngortinneqarneratigut aningaasaqarneq ilorraap tungaanut saatsissinnaasimavarput.
Avataasiorluni aalisarnermi pisassat tulaassisussaatitaanermik pisussaaffittallit angusimavavut taamalu suliffissat amerlanerusut pilersinneqarsimallutik.
Namminersorlutik Oqartussat oqaloqatigalugit sanaartugassat massakkornit annerusumik siammarneqarsimapput, tamannalu aamma suliffissaqartitsinikkut pitsaasumik kinguneqarsimavoq.
Aamma taarsigassarsiatta erniaat isumaqatigiinniarnikkut appartippavut taarsigassarsiallu akilersornerini pillugit pitsaanerusumik isumaqatigiissuteqarsimalluta.
Aammalu akileraarutitigut naligiissaarineq naammaginarnerusoq ilungersorluta anguniarsimavarput.
Sunniutit tamakku aningaasaqarnermik assorsuaq pitsannguallatsitsisimapput, aningaasaqarnerlu ineriartorteqqissavarput.
Sanaartornermut aningaasaliissutit amerlanerulissapput suliffissallu amerlanerusut pilersinniarlugit ilungersussaagut.
Aamma nuannaarutigalugu oqaatigisinnaavara kommunip inissiaataani ineqarnermut akiliutit appartinneqarnissaat kommunalbestyrelsimut inassutigineqarsimammat. Ineqarnermut akiliutit appaatissaat taakku januar 2016-imiit atuuttussanngorlugit kommunalbestyrelsimit akuerineqarnissaat neriuutigineqarpoq. "