Arctic Sportimi  

Niviarsiaqqat Arctic Sportimi peqataareerlutik Qaqortumut angerlarlutik tikittut



Qaqortup umiarsualiviani pingasunngorneq nalunaaqutaq 15.30 Sarfaq Ittuk tulappoq. Inuppaalunnguit tikittunut niuffiorput. Kalaallit erfalasui katinngallu qiimaqalutik aalaterutigaat, niviarsiaqqat Nuummi Arctic Sportsimi peqataasimallutik angerlartut utaqqinerini.



Niviarsiaqqat assut torrallaapput. Niuffiortut ilagaat Pitsi Høegh aamma Borgmesteri Jørgen Wæver Johansen.



”Angusarissaarneri pillugit tulluusimaarutigeqaavut. ”borgmesteri oqarpoq.


Arctic Sport tassaavoq timersuut marloqiusamik aggornikoq tassaasut Inuit Games aamma Dene Games. Timersuutit taakku marluk tamarmik Inunnit Indiaanernillu naggueqarput.


Borgmesteri Taekwondo-mut allagartartaartoq







Qaqortoq-mi Taekwondomik ajugaaniunnersuarmi borgmester Jørgen Wæver Johansen najuunnermini Taekwondo-klubbiata ataqqinaatilimmik allagartartaartippaa aammalu qitequtitaartillugu.





Borgmesterip allagartaq qitequllu `Greenland Taekwondo Federation-mit`pisani kommunip assiliissutaata saavani nittarsaappaa.


Allagartaq ’International Taekwondo Federation-mit naqitertinneqartoq’ naalagaaffiullu præsidentianit Chang Ung-mit atsiorneqarpoq.



Maanna Kommune Kujallermi borgmesteri Taekwon-Do-mi qernertunik qitequtilinnut ilannguppoq ima normulimmik BL-H-2-799.



” Kommune Kujallermi timersortartut tapersersornissaat kissaatigaarput, taamaattumik sammisaat soqutigaakka” Jørgen Wæver Johansen oqarpoq.