Tasersuup Atuarfiata atuartitsineq tamaat unitsikkallarpaa

12. november 2015
TUSAGASSIORFINNUT NALUNAARUT / PRESSEMEDDELELSE

Qaqortoq, 12. november 2015

--------------------------------------------------------------------------------------

Tasersuup Atuarfiata atuartitsineq tamaat unitsikkallarpaa

Ajuusaarutigalugu nalunaarutigissavarput Meeqqanut Kulturimullu Ingerlatsiviup kaammattuineratigut Tasersuup Atuarfiata ullumi ullup sinneranut aammattaaq aqagu ulloq tamaat matoqqanissaa. Tamanna atuarfimmi sulisuusimasup tarnimigut qasusooqqasup kingornani toqqissiviilliortoqarneranik peqquteqarpoq. Ilisimaneqanngilaq suliaq pineqartoq atuarfiup ingerlaneranut sunniuteqarsinnaanersoq, taamaammat atuarfimmi ingerlatsinikkut pisortaata, atuarfiup pisortaata, aammattaaq borgmesterip allaffiata isumasioqatigiinnerisa kingorna nalilerneqarpoq pissutsit toqqissisimanartunngornissaasa tungaannut maannakkumuugallaq atuarfiup atuartitsinera unitsikkallarneqassasoq. Angajoqqaat meeqqallu ingerlaannaq ilisimatinneqarnikuupput.

Borgmesterip sulisuisalu suliaq qanimut malinnaavigaat, pissutsillu piaartumik aaqqinneqarnissaat pineqartunullu sapinngisamik ajoqusersuutaanngitsumik ingerlasoqarnissaa isumagalugu.

Atuarfimmi ingerlatsinikkut pisortap aammalu Tasersuup Atuarfiani aqutsisut angajoqqaat ilinniartitsisullu suliaq pillugu ingerlaartumik attavigisarpaat,

Borgmesterip allaffia aammalu Meeqqanut Kulturimullu Ingerlatsivik - Kommune Kujalleq.

Qaqortoq ulloq 12-11-2015