Dr. Hayashi Kujallermi

Kommune Kujallermi borgmesterip, Jørgen Wæver Johansen-ip, aggustip sisamaani japanimiu antropologi (inuit – inuiaqatigiillu - pissusaannik ilisimasalik), Dr. Naotaka Hayashi, naapisimaarpaa
5. august 2015
Taanna Canadami Calgary University-mi ilisimatusarnermik ingerlataqartuuvoq.
Hayaship Canadami ilisimatusarfiit ilaanniit Calgary University-miit Kommune Kujallermi antrologitut suliaqarnini nangillugit ingerlateqqittussanngorpai, maanilu ineriartorneq malinnaavigisussaammagu maani kujataani takullattaartalissavarput.

Kujataani inuit ilarpassuisa Dr. Hayashi ilisarisimareerpaat, taannami 2008-mi aamma 2009-mi antropoligitut suliaqarluni savaatillit, aalisartut piniartullu misissuiffigalugit maani najugaqarpoq. Taamanikkut maani ukioq ataaseq sinnilaarlugu najugaqarnermini nuliani Yuki Qaqortumi najugaqatigaa, kujataaniinnerminilu imminut ilinniartinnermigut inunnillu oqaloqateqartarnermigut kalaallisut oqaatsit ilikkalertorpai.

Dr. Hayashi maanna nunatsinniinnermini qaammat ataaseq sinnilaarlugu nunatsinneereersimalerpoq, tikeraarnermini Tasiilaq, Ittoqqortoormiit taavalu aamma Kommune Kujalleq tikeraarfigai – kujataaniinnermini Qassiarsuk aamma Qaqortoq tikeraarfigai.

Kommune Kujallermi borgmesteri, Jørgen Wæver Johansen aamma Dr. Hayashi Kommune Kujallermi ineriartortitsinissamut tunngsunik eqqartueqatigiipput, eqqartueqatigiinnerminni nunalerinermut, aatsitassarsiornermut, takornariaqarnermut aamma aalisarnermut tunngasut eqqartornerusimallugit.