Narsami innarluutillit immikkoortortaqarfianni pisortaq

Narsami immikkoortortaqarfimmi pisortatut atorfik juunip aallaqqaataanniit 2017 imaluunniit isumaqatigiissuteqarnikkut inuttassarsiuunneqarpoq. Sullivik Kommune Kujallermi Inunnik Isumaginnittoqarfiup ataani inissisimavoq, immikkoortortarlu aaqqissuussaanikkut ineqarnikkut sullivinnilu illersugaasuni innarluutilinnut ataqatigiissaarisup ataani inissisimalluni. Ungasinngitsukkut Kommunealbestyrelsip aaqqissuussaaneq nutaaq akuersissutiginikuuaa, atuutilertoq 1 januar 2017, taamaammat Kommune Kujalleq tamaat isigalugu periarfissaqarluarpoq suliassaqarfiup qaffasissumik pitsaassusilerneqarnissaanut siunniuteqaqataanissaq.
Kingusinnerpaamik ulloq:
22. maj 2017
Sumiiffik / immikkoortortaq:
Narsaq
Ulloq sulilerfissaq:
1. juni 2017
Aningaasarsiat:
Isumaqatigiissutit naapertortuuttut malillugit

Innuttaasut innarluutillit ikiorneqarnissaat, aamma innuttaasut pitsaasumik naammagisimaarinninnissaat ikiorneqartutullu misigisimatinnissaat immikkoortortaqarfimmi pisortap suliassaqarfittut pingaarnertut suliassarai.

Atorfiup imarisai ilaatigut makkuupput:

  • Narsami nakkutigineqarluni sulliviup najugaqarfiillu ajunngitsumik ingerlanneqarnersut aqunneqarnersullu qulakkiissallugit. 
  • Najugaqarfinni tapersersortit sulinerat nakkutigalugu ataqatigiissarlugulu.
  • Innuttaasut namminneq angerlarsimaffimminni tapersersortillit nakkutiginissaat taakkuninngalu ataqatigiissaarineq qulakkiissallugit.
  • Qinnuteqartoqartillugu kiffartuussinissamut periusissatut aalajangiunneqarsimasut naapertorlugit suliarineqartarnissaat qulakkiissallugit.
  • Ataavartumik angerlarsimaffimmi ikiortit ilinniartittuartarnissaat, kiisalu suliassaqarfiup qutsinnerpaamik pitsaassusilerneqarnissaa ineriartortinneqarnissaalu qulakkiissallugit.
  • Innuttaasut angerlarsimaffimmi ikiorteqarnissaminnik pisariaqartitsisut alapernaannermi allanik suleqateqarsinnaanermut piginnaasat isumannaassallugit.
  • Qanittumi akimut suleqatigisat allat qanimut ataavartumillu suleqatiginissaat qulakkiissallugit.
  • Innarluutilinnik sullissisut ataqatigiissaarisuannut ukiumoortumik nalunaarusiortoqarnissaa qulakkiissallugu.  

Piginnaasatigut piumasaqaatit makkua pigissagitit naatsorsuutigaarput:

  • Perorsaasutut ilinniarsimasuunissat.
  • Aqutsisutut misilittagaqarluartuussasutit.
  • Tapersersortinut ataqatigiissaarisutut misilittagaqarluartuussasutit.
  • Nammineersinnaanermik akisussaaffimmillu suliassaqarfiup naammassisinnaanissaanut piginnaaneqartuussasutit aammalu isumassarsianik nutarterinissamillu piginnaasaqassasutit pilersaarusiullaqqissuussasutillu.
  • Allaffissornikkut aningaasaqarnikkullu misilittagaqartuusimassasutit, taamatuttaaq qarasaasiorsinnaanermik piginnaasaqartuussasutit.
  • Attaveqarsinnaanermik oqariartuuteqarsinnaanermillu, kiisalu anguniagaqarsinnaanermik piginnaasaqartuussasutit.
  • Sullissinermi oqartussaaffeqarfinni aalajangiinissamut misilittaqarsimassasutit, soorluttaaq kalaallisut qallunaatullu allassinnaallutillu oqalussinnaassasutit. 

Uagut neqeroorutigisinnaavavut:

  • Sullivik pissarsiffiulluartoq ilaatigut ulaarpiusinnaasoq, suliassaqarfik pitsaassuserluarnissaanut sunneeqataaffigisinnaasat.
  • Inuttut ilisimasatigullu ineriartorfiusoq, Kommune Kujallermi angerlarsimaffimmi ataqatigiissaarisut allat peqatigalugit.
  • Suliassaqarfimmi nammineersinnaaneq akisussaassuseqarneq, aalajangeeqataasinnaanerlu.

Atorfininneq akissarsiallu:

Atorfik akissaasersugaavoq AK-isumaqatigiissutaa naapertorlugu – immikoortortami aqutsisoq.  Qinnuteqartunut avataaneersunut ilaqutariit amerlassusaat naapertorlugu atorfininnermut atatillugu inissaannik tunineqassapput, aammattaaq inatsisit atuuttut naapertorlugit nuunnermi angalanermilu aningaasartuutillu akiliissunneqassallutik.

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaat pissarsiarereerpagu aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

Atorfik pillugu sukumiinerusumik paasisaqarusukkuit innarluutilinnik sullissisut ataqatigiissaarisuat Kathrine Kanuthsen ankn@kujalleq.gl 64 18 86 saaffigisinnaavat.

Qinnuteqaat, meeqqanik pinerliisimannginnermut uppernarsaat, ilinniarsimanermut uppernarsaatit, suliffigisimasamit oqaaseqaatit allallu maajip 22-at 2017 nallertinnagu kommunimut tunniunneqareersimassapput.

Kommune Kujalleq

Sulisoqarnermut aqutsisoqarfik
Postboks 514
3920 Qaqortoq
E-mail: job@kujalleq.gl