Inuusuttunut siunnersorti


Nanortalimmi Ilaqutariit Illuat inuusuttunut siunnersortimik pissarsiorpoq

Nanortalimmi Ilaqutariit Illuat 01. maj 2017 imaluunniit sukumiinerusumik isumaqatigiissuteqarnikkut inuusuttunut siunnersortitut atorfinittussamik pissarsiorpoq.
Kingusinnerpaamik ulloq:
27. april 2017
Sumiiffik / immikkoortortaq:
Nanortalik
Ulloq sulilerfissaq:
1. maj 2017
Aningaasarsiat:
Isumaqatigiissutit atuuttut naapertorlugit

Ilaqutariit Illuanni ilaqutariinnut siunnersorteqassaaq inussuttunullu siunnersortit marluk, assersuutigalugu kommunip meeqqanut inuusuttunullu ornittagaannik "Pilutaq"-mik isumagisaqartunik. Inuusuttunut siunnersortit ilaqutariillu illuat illoqarfiup qeqqani Ilivileq 1220-mi inissisimapput.

 

Perorsaasutut assingusumilluunniit ilinniarsimasuuit? Aalajaajaatsuuit? Ammasuuit? Aammalu eqeersimaartuuit?  Suleqatigiit akornanni sulisinnaavit? Eqinnaatsuuillu?

 

Taamaappat soqutiginartumik ilinnut atorfiuteqarpugut, ulloq 01. maj 2017 imaluunniit tamatuma kinguninnguaniit aallarnerlugu atorfinissinnaallutit.

Atorfik Nanortalimmi ilaqutariit illuanni inissisimavoq Qaqortumilu pisortamut attaveqarfeqassalluni.  

Inuusuttunut siunnersortip pingaarnertut makku akisussaaffigissavai:

  • Inuusuttunut siunnersortimik, ornittakkamik ilaqutariillu illuutaannik suleqateqarneq.
  • Pinaveersaartitsinermut siunnersortimut isummersoqatiginnittassalluni, kiisalu pinaveersaartitsilluni sulianut nalinginnaasunut, suliniutinut aalajangersumik siunertalinnut, paasititsiniaanernut allanullu peqataasassalluni.
  • Meeqqat, inuusuttuaqqat kiisalu ilaqutaat angalaaqatigisassallugit. Savaateqarfinnut assigisaannullu.
  • Meeqqat inuusuttullu Ornittakkamukartartut inuunerminni qanoq iliorsinnaanerat pillugu siunnersorlugillu ilitsersortarnissaat.
  • Atuarfik angajoqqaallu suleqatigalugit iliuusissatut pilersaarusiorneq.
  • Meeqqamut aalajangersimasumut tatigisatut inissisimaneq piffissallu ilaani atuarfimmi sulineq. 
  • Politiinik suleqateqarneq meeqqallu killisiorneqarnerannut peqataaneq.
  • Nalunaarusiornerit.

 

Naatsorsuutigaarput:

  • Ingerlalluartuusutit, qanilaartuusutit, eqeersimaartuusutit aammalu meeqqat inuusuttullu ingerlalluarnissaat pillugu sulissuteqarumasuusutit.

  • Kalaallisut oqaaseqartuunissat, dansk-isut paasinnissinnaasuunissat.

  • Isumaginninnikkut siunnersuisartutut, perorsaasutut ilinniartitsisutulluunniit ilinniagaqarsimasuunissat,  imaluunniit allatut ilinniagaqarsimasuullutit meeqqat inuusuttullu sullinneqartarnerini misilittagaqqortuujunissat.

     

    Meeqqanik pinerliisimannginnermut uppernarsaammik:

    Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

    Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

     

    Naalakkersuisut aammalu Atorfillit Kattufiat/AK isumaqatigiissutaanni Kalaallit Nunaanni Namminersorlutik Oqartussat Kalaallit Nunaannilu Kommunini atorfilittut suliaqarnermut isumaqatigiissutaat naapertorlugu atorfinititsisoqassaaq.

     

    Atorfik pillugu sukumiinerusumik paasisaqarniaruit isumaginninnermut siunnersortimut Dina Dorphimut attaveqarsimmaavutit, oqarasuaammut uunga 614121, imaluunniit mailikkut: dido@kujalleq.gl imaluunniit Qaqortumi Ilaqutariit Sullissivianni aqutsisumut Naja Lund Kielsen-imut, oqarasuaammut uunga +299 70 41 00 imaluunniit 64 54 22, mail: naki@kujalleq.gl.

     

    Qinnuteqaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri  il. il. kingusinnerpaamik ulloq apriilip 27-anni 2017  kommunimit tiguneqareersimassapput, uungalu nassiunneqassallutik:


Kommune Kujalleq

HR-afdeling

Postbox 514

3920 Qaqortoq.

job@kujalleq.gl