Atuartitsinermut siunnersorti

Misi Kujalleq atuartitsinermut siunnersortimik pissarsiorpoq

Kommune Kujallermi immikkut atuartitsinermut siunnersortitut atorfik inuttassarsiorpaa. Ulloq atorfiniffissaq tassaavoq 1. maj 2017, Misi Kujalleq Qaqortumiittoq suliffiussalluni.
Kingusinnerpaamik ulloq:
21. april 2017
Sumiiffik / immikkoortortaq:
Qaqortoq
Ulloq sulilerfissaq:
1. maj 2017
Aningaasarsiat:
Isumaqatigiissutit atuuttut naapertorlugit

Misi Kujalleq ima sulisoqarnermigut inissimasussatut aaqqitaavoq: Tarnip pissusaanik immikkut ilisimasalinnut pisortaq, tarnip pissusaanik immikkut ilisimasalik, oqalunnermik sungiusaasoq, immikkut atuartitsinermut siunnersorti kiisalu allaffimmioq.

 

Atorfiup siunertaa: Immikkut atuartitsinermi siunnersorti  Misimi suleqatigiinnut ilaalluni atuarfinni immikkut atuartitsinermut siunnersortitut ilitsersuisartutullu suliaqassaaq.

Atorfik Misi Kujallermi inissisimavoq, siunnersortillu qullersarissavaa tarnip pissussaanik immikkut ilisimasalinnut pisortaq.

 

Inatsisit aalajangersakkallu tunngavigalugit akisussaaffiit suliassallu :

1) Atuarfik pillugu Inatsisartut inatsisaat nr. 15, 3. December 2012-imeersoq, § 15 imm. 1,2 aamma 3.

2) Namminersornerullutik Oqartussat nalunaarutaat nr. 22, 23. juli 1998-imeersoq Immikkut ittumik atuartitsineq aamma allatut immikkut perorsaanikkut ilinniartitsinikkullu ikiorsiisarneq.

Siunnersortip Misi Kjujallermi imi suleqatigiit, psykologit aqutsisuat allaffimmiorlu, suleqatigissavai. Siunnersortip atuarfimmi psykologit aqutsisuat qullersarissavaa.

Piginnaasassat

  • Meeqqat ilikkarniarnikkut ajornartorsiuteqartut aammalu tarnikkut, timikkut malugissutsikkulluunniit ajornartorsiutillit immikkut ittumik perorsaanikkut suliffigineqarneranni misilittakkat.
  • Meeqqat assigiinngitsutigut piginnaanikitsut perorsaanikkut suliffigineqarneranni misissueriaatsinik ilinniartitseriaatsinillu ilisimasaqarneq
  • Angajoqqaanut, ilinniartitsisunut, perorsaasunut allanullu atuartup ineriartornerani pingaaruteqarluartunut immikkut perorsaaneq aallaavigalugu siunnersuisarneq.
  • Namminersorsinnaasoq, suliniuteqarumatooq ineriartortitsiumatooq minnerunngitsumillu suleqatiginnissinnaassusilik aammalu inunnut allanut akuersaartumik isiginnittaasilik.
  • Persuarsiortuunngitsoq qiimasorlu
  • Marluinnik oqaaseqaruni pitsaanerussaaq

 

Suliassat pingaarnerpaat

  • Suleqatit attuumassuteqartut peqatigalugit misissuiataarisarneq, uuttuisarneq, oqaloqatiginnittarnerlu, ilisimasanik pisariaqartunik pissarsiniarneq, iliuusissatut pilersaarusiorneq, naliiviusumik / qulaajaaviusumik aammaliu iliuusissanik siunnersuuteqarfiusumik angajoqqaanik perorsaasunillu imaluunniit ilinniartitsiunik oqaloqateqarneq.

 

Neqeroorutigaavut:

  • Assigiinngissitaaqisunik suliaqarluni ullut suliffiit soqutiginaqisut, ilinniakkamik sulianillu allanik sammisaqarfiulluartut
  • Kommunimi illoqarfinnut pingasuusunut nunaqarfinnullu angalasarneq sulisarnerlu
  • Suleqatigiikkuutaani sulineq pitsaasoq qanittumillu suleqatigiinneq
  • Ineriartornissamut periarfissat pitsaasut

 

Ilinniakkanut piumasaqaatit:

Meeqqat atuarfiani ilinniartitsisutut ilinniarsimasariaqarpoq annertunerusumik ilinniaqqissimasoq, soorlu immikkut atuartitsinermut ilinniartitsisutut, oqallorissaasutut imaluunniit immikkut atuartitsinermut PD-mik ilinniagaqarnikkut.

 

Suliffiit pillugit paasissutissat sukumiinerusut paaserusukkukkit tarnit pissusaanik immikkut ilisimasalittut pisortaq Trutsi Høy Kreutzmann saaffigisinnaavat, oqarasuaat +299 64 21 51 imaluunniit mobiilimut +299 49 27 51, email-aluunniit aqqutigalugu: thkr@kujalleq.gl.

 

Atorfininnermut atatillugu inissaqartitsisoqarpoq, tassunga ineqarnermut akiliut akilerneqartussaq, qularnaveeqqut il.il. maleruaqqusat atuuttut naapertorlugit akilerneqartassallutik. Inissaaleqineq pissutigalugu initaavinnissaq sivisulaarsinnaavoq, taamaattumik piffissap ilaani utaqqiisaagallartumik inissiisoqarnissaa naatsorsuutigineqassaaq.

 

Piumasaqaatit naapertorlugit atorfininnermi angalaneq pequtillu angallanneqarneri akilerneqarumaarput.

 

Børneattest ilanngunneqarnissaa piumasaqaataavoq.

 

Qinnuteqaat atsiorsimagaanni pappilissallu attuumassutillit ilanngullugit scannerlugit email atorlugu nassiunneqarsinnaavoq.

 

Qinnuteqaat kingusinnerpaamik tallimanngorneq 21. april 2017  tunniunneqassaaq.

 

Qinnuteqaat pappilissanik attuumassutilinnik assilineqarsimasunik ilalik uunga nassiunneqassaaq:

 


Kommune Kujalleq

HR-Afdeling

Postboks 514

3920 Qaqortoq

job@kujalleq.gl