Oqalutsi nutserisoq

Kommunii pisunut malinnaajuarfiusumik pingaarutilimmillu atorfeqarusuppit? Taamaappat taava Kommune Kujallermi oqalutsinngornissannut piukkunnarputit.
Kommune Kujalleq Qaqortumi oqalutsisut nutserisutullu atorfik inuttassarsiorneqarpoq aprilip ulluisa aallaqqaataani 2017 isumaqatigiissuteqarnikkulluunniit atorfinitsinneqartussanik.
Kingusinnerpaamik ulloq:
27. marts 2017
Sumiiffik / immikkoortortaq:
Qaqortoq
Ulloq sulilerfissaq:
1. april 2017
Aningaasarsiat:
Isumaqatigiissutit atuuttut naapertorlugit

Atorfinitsinneqartussaq qitiusumik allattoqarfiup suliassaataanik suliaqarnerussaaq, tamakku makkuunerupput: tamanut saqqummiussassat, suliffiit nalunaarusiaat, assigisaallu.  Aamma inuit naalakkersuinikkut allaffissornikkullu ataatsimiinnerat, innuttaasunik ataatsimiititsinerit assigisaallu oqaluttaaffigineqartassapput.  Tamakku saniatigut nutserisutut suliassat allat nalinginnaasut suliarineqartassapput.

 

Nutserissut SDL Translation Management Systemet nutsigassanut atorneqartarpoq pisariaqartitsinerlu malillugu atornissaa suliffimmi ilinniartitsissutigineqarsinnaalluni.

 

Suliassat nalinginnaasumik qaffasissuusarput tassami nutsigassat oqaluttaaffissallu annikinnerusut allaffissornikkut sulialinnit isumagineqartarmata.

 

Taamaammat atorfik inuttalerneqarusuppoq suleqatimik aalajaatsumik, soqutiginnittumik aammalu tamatigoortumik, oqaatsinik piumasarineqartunik piginnaanilimmik.  Kalaallisut qallunaatullu oqaatsit pingaarnerupput, qinnuteqartulli nunat allat oqaasiinik, ingammik tuluttut, piginnaannillit pingaartinneqassapput.  Qinnuteqartut pisortat ingerlatsiviiniit, aammalu inatsisinik aammalu atortorissaarutitigut tunngassutilinnik misilittagallit pingaartinneqarnerussapput.

 

Atorfiit allattoqarfimmi inissisimasuuvoq.  Nutserisoqarfik ulluinnarni aqunneqarpoq nutserisuunermiit, allattoqarnermut pisortamut atasuusumiit.

 

Sulisumut naleqquttumut atorfimmi suliassat pissanganartut amerlaqaat, atorfillu tigussagaani eqaatsuusariaqarpoq, suliffimmi politikkimik suliaqarfiusumi sulisinnaasariaqarluni, eqqissisimasariaqarluni aammalu uisanartoqalersillugu paatsiveerunnaveersaartariaqarluni. Pingaartorsiorfiunngitsumi atorfeqalernissaq neqeroorutigineqarpoq.

 

Aningaasarsiatigut atorfinitsitaanermilu atugassarititaasut isumaqatigiissut atuuttoq naapertorlugu pissapput.

 

Inissannik tunineqarsinnaavutit, malittarisassat atuuttut naapertorlugit ineqarnermut akiliut allallu akilerneqassallutik, soorluttaaq angalanermut nutsernermullu aningaasartuutit malittarisassat atuuttut naapertorlugit kommunimit isumagineqassallutik.

 

Paasissutissat annertunerusut pissarsiarineqarsinnaapput nutserisuuneq Kelly Berthelsen, oqarasuut 70 41 00 (e-mail: kebe@kujalleq.gl)  imaluunniit allattoqarfimmi pisortamut Kim Dahl, oqarasuaat 70 41 00 (e-mail: kida@kujalleq.gl) saaffiginninnikkut.

Qinnuteqaat ilinniakkamik aammalu siusinnerusukkut suliffiusimasat pillugit paasissutissanik, ilinniakkamik allagartap il.il. ilalik, kommunimi tiguneqareersimassaaq kingusinnerpaamik 27. Marts 2017 uungalu nassiunneqassalluni:

Kommune Kujalleq

HR-afdeling

Postboks 514

3920 Qaqortoq

job@kujalleq.gl