Ilaqutariit Sullissivianni Pisortaq

Kommune Kujalleq Qaqortumi Ilaqutariinnit Sullissivimmut pisortassarsiorpoq:
ALLAGARSIUTEQQITAQ

Qaqortumi Ilaqutariinnit Sullissivik pisortassarsiorpoq aprilip ulluisa aallaqqaataani 2017 imaluunniit isumaqatigiissuteqarnikkut atorfinittussamik.
Kingusinnerpaamik ulloq:
23. marts 2017
Sumiiffik / immikkoortortaq:
Qaqortoq
Ulloq sulilerfissaq:
1. april 2017
Aningaasarsiat:
Isumaqatigiissutit atuuttut naapertorlugit

Ilaqutariinnit Sullissiviup Kommune Kujallermi tarnip pissusaanik inuttullu ajornartorsiutilinnut neqerooruteqarnissaq siunertaralugu paasissutisiarinissaat suliniutitut suliassarai.

 

Sulisut tassaapput Sullissiviup Pisortaata tullersortaata saniatigut meeqqerisoq/ilinniartitsisoq, tarnip pissusaanik ilisimasalik, oqalutsi, pedeli aamma asaasoq ullup affaa sulisartoq.

 

Sullissivimmi neqeroorutit arlallit allanngorartut susassaqartitsinermi ingerlanneqartarput.  Susassaqartitsinerit ilaat ataatsikkut ingerlanneqartartut ilaalli uteqattaartinneqartarput.  Taakkuninnga eqqaaneqarsinnaapput:

  • Piginnaasanik ineriartortitsineq

  • Inuttut ineriartorneq

  • Ilaqutariinnut højskole

  • Tarnip pissusaanut tunngassutilinnut nakorsiartarfik

  • Atornerluisunut katsorsaavik

  • Sulisunut pikkorissaanerit

  • Atuarfiup ineeraani atuartunik oqaloqatiginnittarneq

 

Kiisalu Sullissiviup aamma Ilaqutariinnit Sullissiviit Nanortalimmiittoq Narsamiittorlu ataqatigiissarlugillu aqutarai.

 

Kommune Kujalleq tarnip pissusaanik inuttullu ajornartorsiutilinnut ikiuiniarluni angalaqatigiinnit aallartitsilersaarpoq taannalu Qaqortumi Ilaqutariinnik Sullissivimmi aallaaveqassaaq.

 

Meeqqanik pinerliisimannginnermut uppernarsaat:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq, meeqqanik pinerliisimannginnermik uppernarsaat aalajangeeqataasussaavoq.

 

Suliassat:

Pisortap suliassaraattaaq aqutsineq suliassanillu agguaassineq.  Multicenteriup pikkorissagassaanik qinersinermi peqataaneq.  Sullissiviup susassaqartitsinerisa naatsorsoqqissaartarnissaat.  Tarnip pissusaanik ilisimasalimmut susassaqartitsinerit/katsorsartinnerit taanna suleqatillu allat peqatigalugit pilersaarusiornerat. Isumaginninnermut Ataatsimiititaliamut ilaqutariit sullitallu pillugit saqqummiussassanik suliarinninneq.  Ilinniaqqinnernut peqataaneq sulisunillu nakkutilliineq. Pikkorissartunik ilinniartitsineq aamma sullitanik innersuussanik katsorsaaneq.  Pisortaq peqartinnagu suliassaq taanna pisortap tullersortaata akisussaaffigilersarpaa.

 

Akisussaaffeqarfiit:

Missingersuutinik aqutsineq, skemaliorneq, sulisunik attartorneq, suliffeqarfiup ingerlatsinera, suliffeqarfiup peqqissaartumik eqqortumillu pilersaarusiornera suliarineqarneralu, Sullissiviup siulersuisui suleqatigisarnissaat kommunimilu ingerlatsiviup suleqatigisarnissaa.

 

Ilinniagaqarsimanermit piumasaqaatit:

Sullissivimmi pisortaq inulerisutut perorsaasutulluunniit tunuliaqutilimmik ilinniagaqarsimassaaq.  Tassunga atatillugu perorsaanermut tunngassutilimmik ilinniarnertuujussasoq, ukioq ataaseq pikkorissarsimassalluni, pædagogikki naammassisimassallugu assigisaannilluunniit ilinniagaqarsimanissaq naatsorsuutigineqarpoq.  Kiisalu Sullissivimmi pisortaq aqutsinermi suleqatigiinnermilu misilittaqarsimassaaq.  Soorunalimi pisortaq kalaallisut/danskisullu oqaaseqassaaq.

 

Inuttut piginnaasat:

Suleqatinut patajaatsunut aaqqissuussaalluartumik nutaaliornissamullu piginnaanilinnut tikkuussisinnaassaaq, pikkorissutsiminullu ilisimaarinnissalluni taamaattorli aamma nutaanik ilinniarnissamik soqutiginnittuussalluni, inuttut piginnaaneqartussaalluni suleqatiminut avatangiisiminullu akornuteqanngitsumik maligassiorsinnaassuseqassalluni.

 

Akissarsiat – atorfinitsinneqarnermullu tunngasut:

Isumaqatigiissutit atuuttut aamma inuttut piginnaaneqarneq naapertorlugu atuutsissapput.  Angalanermi aningaasartuutit pequtinillu nuunnermut atatillugu aningaasartuutit akilerneqassapput.  Kommune inissiamik naapertuuttumik pissarsinissamit ikiuussinnaavoq, kommunip sulinermut tunngatillugu inissaqartitsinermut aningaasaateqarfianit.

 

Paasissutissat sukumiinerusut Sullissivimmi Pisortaagallartumut Naja Lund Kielsen-imut oqarasuaat 64 54 22, e-mail: naki@kujalleq.glaqqutigalugu imaluunniit Isumaginninnermut siunnersorti Kiista P. Isaksen oqarasuaat: 64 53 74 e-mail aqqutigalugukiis@kujalleq.gl paasiniarneqarsinnaapput. 

 

Qinnuteqaat pillagaasimannginnermit uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri il.il. ilanngullugit kommunimut tunniunneqariissapput kingusinnerpaamik martsip ulluisa 23-t 2017 uunga:


Kommune Kujalleq

HR-afdeling

Postboks 514

3920 Qaqortoq.

job@kujalleq.gl