INATSISILERITOOQ

INATSISILERITUUNNGORLAAMUT PERIARFISSATSIALAK

Kommune Kujalleq inatsisilerituutut kandidatimik pissarsiorpoq piaarnerpaamik atorfinissinnaasumik isumaqatigiissuteqarnikkulluunniit.

Kingusinnerpaamik ulloq:
29. marts 2017
Sumiiffik / immikkoortortaq:
Qaqortoq
Ulloq sulilerfissaq:
1. april 2017
Aningaasarsiat:
Isumaqatigiissutit naapertortuutut malillugit

Inatsisilerituutut Qaqortumi borgmesterip allaffeqarfiani sulissaatit, kommunillu qullersaqarfiani pisortat sulianillu aqutsisoqarfimmi sulisut, inatsisilerinikkut ajornartorsiutaasinnaasunik ikiorlugillu siunnersornissai akisussaaffigissavatit.

 

Ulluinnarni kommunip inatsisilerinermut pisortaanut nalunaarutiginnittassaatit.  

 

Assigiinngitsunik suliaqarsinnaasumik, inatsisitigullu immikkuullarissunik suliaqarnissaminut piareersimasumik pissarsiorpugut.

 

Kandidatitut naammasseqqammertut atorfimmut naatsorsuutigineqarsinnaapput.

 

Tunngaviusumik naatsorsuutigaarput suleqatigiinnermut pikkorissuusutit, sulianik pitsaasunik tunniussaqarsinnaasutit, kiisalu qiimasuullutillu uummarissuusutit.   

 

Kommuni kalaallit DJØF-imut isumaqatigiissutaat naapertorlugu akissarsiaqarnissamik neqerooruteqarpoq, kiisalu suliffimmut atatillugu pikkorissaanernut peqataanissamut periarfissiilluni.

 

Annerusumik kommunip illoqarfiinut angalalaartarnissaq naatsorsuutigissavat.    

 

Atorfimmut atatillugu sulisunut inissiamik innersuussisoqarsinnaavoq, malittarisassallu atuuttut malillugit akilersorneqassaaq.

 

Atorfininnermi angalaneq pigisallu assartorneqarneri neqeroorutaapput, tjenestemandinullu inatsisit malillugit atuutissallutik.

 

Atorfimmut tunngatillugu paasisaqarnerorusukkuit, inatsisilerituut pisortaannut Michael Andersenimut saaffiginnissinnaavutit, mimi@kujalleq.gl, imaluunniit uunga sianerlutit: 64 53 19.

 

Atorfimmut atugassarititaasut pillugit apeqquteqarniaruit, kommunip sulisoqarnermut immikkoortortaqarfianut saaffiginnissinnaavutit, HR-afd@kujalleq.gl.

 

Qinnuteqarfissaq kingulleq tassaavoq 29. marts, 2017 qinnuteqaallu ilinniarsimanermut soraarummeernermilu uppernarsaatitalik oqaaseqaataajunnartunillu ilalik uunga nassiunneqassaaq:


Kommune Kujalleq

Sulisoqarnermut Immikkoortortaqarfik

Postbox 514

3920 Qaqortoq

job@kujalleq.gl