Kommune Kujallermi aaqqissuussaanikkut politikki

Kommunalbestyrelsip aaqqissugaanermut politikkikkut suliniarneranut atatillugu ukiumi missingersuuteqarfimmi 2016-imi katillugit 8 mio. kr.-it immikkoortinneqarnissaat aalajangerneqarpoq, taakkulu suliassaqarfinni aaqqissugaanermut politikkimi sammineqartunut atorneqassapput.

Aaqqissugaanermut politikki 

Kommune Kujallermi kommunalbestyrelsip aalajangerpoq kommunimi aaqqissugaanikkut politikki ingerlanneqassasoq. Innuttaasut imminnut ilaquttaminnillu pilersuisinnaasut amerlanerulersinneqarnissaat aaqqissugaanermut politikkikkut siunertaavoq.

Maannamut pingasunik sammivilimmik aaqqissugaanermut politikkeqarnissi kommunalbestyrelsip kissaatigaa:

Sammivik 1: Meeqqat inuusuttuaqqallu
Sammivik 2: Suliffeqarnerup avataaniittunik akuulersitsineq
Sammivik 3: Utoqqaat peqqinnerulernissaat sammillugu utoqqarnut suliniarneq.

Ukiumut aningaasaqarfimmut 2016-mut kommunalbestyrelsi 8 mio. kr.-inik aaqqissugaanermut polikkimmut immikkoortitsisimavoq, taakkulu qinnuteqarfigineqarsinnaapput.

Kikkut qinnuteqarsinnaappat?

Kikkulluunniit aningaasaliissutiniit qinnuteqarsinnaapput. Suliniutit allaniit aningaasaleeqataaffigineqartut nalinginnaasumik salliutinneqassapput.

Qanoq qinnuteqartoqartassava?

Qinnuteqarnermi immersuiffissaq ilanngunneqartoq immersorneqartassaaq. Qinnuteqartut naatsorsuutigisariaqarpaat suliniutit akueralugit suliareqqitassatut ingerlateqqinneqannginnerini paasissutissanik amerlanerusunik piumaffigineqartarnissartik.

Qinnuteqaatit uunga nassiunneqassapput

Kommune Kujalleq
Borgmesterip allaffia
Postbox 514
3920 – Qaqortoq

e-mailikkut: Kommunip mail-ia

Qaqugukkut qinnuteqartoqarsinnaava?

Aaqqissugaanermi politikkimi suliniutinut aningaasaliissutit qaqugukkulluunniit qinnuteqarfigineqarsinnaapput. Qinnuteqaatit kommunip Aningaasaqarnermut Pilersaarusiortarnermullu Ataatsimiititaliaanut saqqummiussassanngorlugit naammassineqartassapput, taassumalu naliliivigissavaa qinnuteqaat akuerineqassanersoq, tamatumalu kingorna inaarutaasumik aalajangiineq kommunalbestyrelsip ataatsimiinnerani tulliuttumi.

Paasissutissat sukumiinerusut
Paasissutissat sukumiinerusut borgmesterip allaffianut saaffiginninnikkut pissarsiarineqarsinnaapput.

Aaqqissugaanermut politikkimut aningaasaliissutinit qinnuteqarsinnaavutit una assi toorlugu: