Avatangiisinut Aningaasaateqarfimmut qinnuteqarit

Avatangiisinut Aningaasaateqarfimmut qinnuteqarit 

Kalaallit Nunaanni Avatangiisinut Aningaasaateqarfik pisortat aningaasaateqarfigaat namminersortunit aningaasalersorneqartoq, Kalaallit Nunaanni avatangiisit, uumasut pinngortitallu piujuartinnissaat siunertaralugu inuit peqqissumik oqimaaqatigiittumillu ingerlatsinissaat kiisalu ilisimasatigut suliniutinullu tapersersuinikkut avatangiisit isumannaarneqarnissaannik siunertalik.

Aningaasaateqarfik ukiumoortumik immikkoortitat annerpaamik 75.000 kr.-it minnerpaamik 20.000 kr.-ikkaarlugit suliniutinut aningaasaateqarfiup siunertaanik eqquutsitsisunut agguaattarpai.


Qinnuteqarneq
Qinnuteqarfissaq qaquguunersoq ukiup ingerlanerani nalunaarutigineqartarpoq.

Aningaasaateqarfiup siunertaanik eqquutsitsisunut suliniuteqaruit aningaasaateqarfimmut qinnuteqarsinnaavutit. Kikkulluunniit aningaasaateqarfiup siunertaanut naapertuuttunik suliniutillit qinnuteqarsinnaapput.

Aningaasaateqarfimmut qinnuteqaatit imarissavaat:

  • Suliniutip qinnuteqaatigineqartup allaaserineqarnera, tassunga ilanngullugu suliniutip aningaasaateqarfiup siunertaanik eqquutitsinerata nalunaarnera
  • Missingersuutit sukumiisut aningaasaliisut allat pillugit paasissutissat imarisinnaallugit
  • Kalaallit Nunaanni Avatangiisinut Aningaasaateqarfimmit qanoq annertutigisut qinnutigineqarnersut paasissutissiissutigineqassapput
  • Aningaasat agguaanneqartut aningaasaateqarfiup siunertaanut naapertuuttumik atorneqarnerinut aningaasaateqarfiup siulersuisuinut akisussaasuutigaluni attaveqaataasussap aqqanut, najugaanut, oqarasuaataanut kiisalu e-mail-ianut paasissutissat
  • Kontonormu tapiissutinik ikisiffissaq


Qinnuteqaatit nassiunneqassapput uunga Nunamut Namminermut, Pinngortitamut Avatangiisinullu Naalakkersuisoqarfik, att. Naja Holm.


Malugiuk
Suliniutit tapersersortarialittut inassutigineqartut aningaasaateqarfimmit aamma tigulluarneqassapput.

Avatangiisinut Aningaasaateqarfimmut malittarisassani aningaasaateqarfik pillugu paasisaqarnerusinnaavutit.

Avatangiisinut Aningaasaateqarfiup malittarisassai

Namminiilivinnermut, Pinngortitamut, Avatangiisinut Nunalerinermullu Naalakkersuisoqarfik
Imaneq 1A - 801
Postboks 1614
3900 Nuuk

Oqarasuaat: (+299) 34 50 00
Fax: (+299) 34 54 10
E-mail: pann@nanoq.gl
Nittartagaq: www.naalakkersuisut.gl
Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfik
Imaneq 1A - 601
Postboks 909
3900 Nuuk

Oqarasuaat: (+299) 34 50 00
E-mail: box909@nanoq.gl
Nittartagaq: www.naalakkersuisut.gl