Anartarfiit imaarneqartarnissaannik imaarneqartarunnaarnissaannillu nalunaarneq

Eqqaaviit imaarneqartarnissaannik imaarneqartarunnaarnissaannillu nalunaarneq

Anartarfiit imaarneqartarnissaannik imaarneqartarunnaarnissaannillu nalunaarneq 

  • Kommune Kujalleq

    Akuttussuseq
    Anartarfiit annittakkat imaartinnerisa akuttussusii kommunimi sorlermi najugaqarnersutit aallaavigalugu allanngorartarput:
    • Qaqortumi Narsamiluunniit najugaqaruit, anartarfiit annittagaq sapaatip akunneranut ataasiarluni imaluunniit marloriarluni imaarneqarsinnaanera toqqarsinnaavat
    • Nanortalimmi najugaqaruit, anartarfiit annittagaq sapaatip akunneranut pingasoriarluni imaarneqartarpoq

    Immikkut ittumik septiktank-inut atatillugu
    Septiktank-it kimit imaarneqartarnissaat pillugu maleruagassat illoqarfimmiit illoqarfimmut allanngorartarput:
    • Qaqortumi najugaqaruit septiktank-ivit imaartinnissaa pillugu illit illoqarfinni suliffeqarfiutilik isumaqatigiissuteqarfigissavat. Imaartitsinerli kommunimut akilertussaavat
    • Narsami najugaqaruit kommunip imaartitsinermut aaqqissuussinera atussavat

    Akigititat
    Akigititat atuuttut kommunip akinut allattorsimaffianni takusinnaavatit.

    Akit allattorsimaffiat - 2017

    Anartarfilerinermut maleruaqqusat
Anartarfilerineq tassaavoq pisortat aaqqissuutamik ingerlataasa ilaat, Eqqagassalerinermut ilaasoq. Eqqagassalerineq tassaalluni igitassaatitsinnik qanoq isumaginnittarnersugut, tassa pinngortitap eriaginissaa inoqatittalu peqqissuunissaat eqqarsaatigalugit.

Anartarfilerineq tassaavoq, anartarfiit imikullu suugaluilluunniit anartarfinneersut iginneqartarnerat.

Kikkulluunniit aaqqissuussaasumik anartarfilerinermik peqataasut anartarfiisa imaarneqartarnissaat, kommunip akisussaaffigivaa, illilli akisussaaffigivat aaqqissuussaasumik anartarfilerinermut ilaanissannik (peerneqarnissannik) nalunaartussaaneq.

Kuutsittagaanngitsumik anartarfeqaruit aaqqissuussaasumillu anartarfilerinikkut ilaarusullutit, anartarfik atugassat kommunimit akuerisaassaaq. Illit nammineq taamaattumik anartarfeqarnissat akisussaaffigissavat. Aammattaaq illit illumik piginnittutut attartortutul­luunniit, anartarfimmik anitsisussat anitsiartornerminni isersinnaanissaat akisussaaffigissagit.

Anartarfiit puuinut igitassanik allanik igitsisoqassanngilaq.

Kuutsittagaanngitsumik anartarfinnut igitsinerit tamaasa nutaamik puuliisoqartassaaq.

Illit kommunerisanniit akiligassannik nassinneqartassaatit.

Imaarneqartarnissaannik imaarneqartarunnaarnissaannillu nalunaarneq allannguinerlu
Anartarfiit imaarneqartarnissaannik imaarneqartarunnaarnissaannilluunniit nalunaarutiginiarukku imaluunniit allannguisitsiniaruit assersuutigalugu imaarsititsisarnerit amerlassusaannik immersugassaq immersussavat.

NemID-mik peqaruit, immersugassaq toqqaannartumik attaveqaatitigoortumik immersorsinnaavat nassiullugulu.

NemID-mik peqanngikkuit, immersukkat sumiiffinni innuttaasunut sullissivimmut imaluunniit nunaqarfiup allaffianut tunniutissavat.

Allaaserisat attuumassutillit

Kommune Kujalleq
Postboks 514
3920 Qaqortoq
Oqarasuaat: 704 100
Fax.: 704 177
E-mail: kommune@kujalleq.gl
http://www.kujalleq.gl

Namminiilivinnermut, Pinngortitamut, Avatangiisinut Nunalerinermullu Naalakkersuisoqarfik
Imaneq 1A - 801
Postboks 1614
3900 Nuuk

Oqarasuaat: (+299) 34 50 00
Fax: (+299) 34 54 10
E-mail: pann@nanoq.gl
Nittartagaq: www.naalakkersuisut.gl