Atornerluinermut katsorsaaneq – Siunnersorneqarneq katsorsartinnissamullu periarfissat

Atornerluinermut katsorsaaneq – Siunnersorneqarneq katsorsartinnissamullu periarfissat 

Siunnersuineq

Piviusut

  • Kommunip isumaginnittoqarfiani sullissisorisat saaffigissavat
  • Kommunit ilaanni kinaassutsiminnik isertuussisunut siunnersuisoqartarpoq, imaluunniit AA-mi naapeqatigiittoqartarluni (Imerajuttut kinaassutsiminnik isertuussisut)
  • Atornerluisumut ilaqutaaguit kommunimit siunnersorneqarsinnaavutit
  • Tarnikkut innarluuteqaruit immikkut ittumik neqerooruteqarpoq, assersuutigalugu Katsorsaavik Nuuk


Isumaginnittoqarfimmi sullissisorisat, katsorsartinnissamut pitsaaliunissamullu periarfissanik siunnersuisinnaavoq.


Piumasaqaatit

  • Katsorsartinnissamut kajumissuseqassaatit
  • Ilaquttatit tapersersuillutillu suleqataassapput
  • AA-t naapeqatigiittarnerannut imminnulluunniit ikioqatigiittartunut peqataassaatit


Katsorsartinnissamut periarfissat
Katsorsaariaatsit assigiinngitsuupput:

Imigassamik, ikiaroornartumik, naamaarnermik, iisartakkanik, aningaasanoorajunnermilluunniit nappaateqarnermut katsorsaaneq:

  • Katsorsaaneq Qaqiffinni Nuummi Ilulissanilu imaluunniit Katsorsaavik Nuummi ingerlanneqarsinnaavoq (sap. akunnerit 6-9)
  • Najugaq qimannagu katsorsaasut avataaneersut atorlugit katsorsaaneq ingerlanneqarsinnaavoq (sap. akunnerit 6-9)
  • Najukkami Napparsimavinni antabus-itorneq ingerlanneqarsinnaavoq


Ilaqutariinnik katsorsaaneq (sap. akunnerit 1-2)

  • Ilaqutariinnik katsorsaaneq ingerlanneqarsinnaavoq ilaqutarisanut, ikinngutinut qanitanut, qanigisanulluunniit allanut
  • Ilaqutariinnik katsorsaaneq nalinginnaasumik angerlarsimaffiup avataani ingerlanneqartarpoq
  • Ilaqutariinnik katsorsaanermi oqalugiarfigitinnerit katsorsaqatillu ataatsimeeqatigisarneri ingerlanneqartarput, atornerluisup tapersersornissaa imminullu paarinissaq siunertaalluni


Katsorsartereernerup kingorna imminut suliarineq (qaammatit 12)

  • Imminut suliarineq nangissaaq katsorsartinnivit naammassippat katsorsartiffimmi atornerlueqqilinnginnissaq anguniarlugu ataatsimiittarnikkut ingerlanneqartassalluni
  • Imminut suliarinerup ilagaa AA-t ataatsimiittarneranni peqataasarneq
  • Katsorsartinnivit naammassippat sponsor-itaarsinnaavutit (tapersersortissaq)


Allat neqeroorutaasinnaasut kommunimut paasiniarsinnaavatit. Allat neqeroorutaasinnaasut tassaasinnaapput assersuutigalugit:

  • Inuusuttunut 13-it 19-llu akornanni ukiulinnut (TAPP) namminneq atornerluisunngorsimasunut imaluunniit atornerluisunik angajoqqaalinnut imaluunniit
  • Meeqqanut 6-it 12-illu akornanni ukiulinnut (BEM) inersimasumi/-ni atornerluissuusuni alliartortunut

Allaaserisat attuumassutillit

Kommune Kujalleq
Postboks 514
3920 Qaqortoq
Oqarasuaat: 704 100
Fax.: 704 177
E-mail: kommune@kujalleq.gl
http://www.kujalleq.gl

Peqqissutsimut Naalakkersuisoqarfik
Imaneq 1A - 401
Postboks 1160
3900 Nuuk

Oqarasuaat: (+299) 34 50 00
Fax: (+299) 34 55 05
E-mail: pn@nanoq.gl
Nittartagaq: www.naalakkersuisut.gl