Inersimasunut kinguaassiuutitigut atornerlunneqarsimasunut neqeroorut – Nalinginnaasumik paasissutissiineq

Inersimasunut kinguaassiuutitigut atornerlunneqarsimasunut neqeroorut – Nalinginnaasumik paasissutissiineq 

Ilaqutariinnut sullissiviit
Nunatsinni ilaqutariinnut sullissiviit arlaqartut inersimasunut kinguaassiuutitigut atornerlugaasimasunut, imaluunniit meeraanermi kinguaassiuutitigut atornerlugaasimaneq pissutigalugu kingunerlutsitsisunut neqerooruteqarput.

Illit kommuninni ilaqutariinnut sullissivik taamaattumik neqerooruteqarnersoq paasiniarukku najukkanni Isumaginninnikkut immikkoortortaqarfik imaluunniit Atugarissaarnermut immikkoortortaqarfik attavigisinnaavat.


Ilinniartunik siunnersuisarfik
Ilinniartut inuttut ajornartorsiutinik nalaataqartut ilinniarfimminni ilinniarnermik ilitsersuisoq saaffigisinnaavaat. Ilinniarnermi ilitsersuisup ilinniartoq Ilinniartut siunnersuisarfiannut, Studenterrådgivning-imut innersuussinnaavaa. Tamanna immersugassaq ilinniartup nammineerluni immersugassaa atorlugu pisussaavoq, kingornalu ilinniarnermi ilitsersuisup immersugaq ataqatigiissaarisumut ingerlateqqissavaa. Ataqatigiissaarisup ilinniartup tarnip pissusaanik ilisimasaliullu akornanni attaveqaqatigiinnissaq aaqqissuutissavaa.

Ilinniartoq tarnip pissusaanik ilisimasalimmik oqaloqateqartarnerni 8-ni akiliunneqarsinnaavoq.

Ilinniartunut siunnersuisarfik Ilisimatusarfimmit ingerlanneqarpoq (studenteradministration) Kalaallit Nunaannilu ilinniartunut tamanut neqeroorutaalluni.


Tasiorta
Kinguaassiuutitigut atornerluineq akiorniarlugu tapersersuisutut peqatigiiffik, Tasiorta arlalinnik neqerooruteqarpoq:

  • Telefon 141 – tassaavoq nuna tamakkerlugu oqarasuaatikkut siunnersuisarfik akeqanngitsoq saaffiginnittup kinaaneranik piumasaqarfiuneq ajortoq, neqeroorutillu allat. Nittartagaa misissuiffigisinnaavat www.tasiorta.gl


Neqeroorutit allat
Suliffeqarfiit amerliartuinnartut sulisuminnut tarnip pissusaanik ilisimasalinnik namminersortunik suliarineqarnissamut akiliussinissaq neqeroorutigisarpaat. Annertunerusumik paasisaqarusukkuit najukkanni saaffiginnigit.

Allaaserisat attuumassutillit

Kommune Kujalleq
Postboks 514
3920 Qaqortoq
Oqarasuaat: 704 100
Fax.: 704 177
E-mail: kommune@kujalleq.gl
http://www.kujalleq.gl

Qimarnguiit

Saaffiginnittarfik Sikkersoq
Blok I 304
3920 Qaqortoq
Oqarasuaat: 64 22 76 / 49 38 35

 

Qimarnguik Ornitaq
Blok D 25
3921 Narssaq
Oqarasuaat: 66 15 85 / 53 11 82

 

Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iniian@nanoq.gl
Nittartagaq: www.naalakkersuisut.gl