Annertuumik innarluuteqarneq – Ilinniagaqarneq sulinerlu

Annertuumik innarluuteqarneq – Ilinniagaqarneq sulinerlu 

Inuit kikkuugaluartulluunniit Kalaallit Nunaanni ilinniagaqarnissamut periarfissaqartussaallutillu sulisinnaasussaapput. Tamanna aamma atuuppoq illit annertuumik innarluuteqaruit. Ilinniartitaaneq aqqutigalugu ilisimasanik iluaqutaasinnaasunik inuunivillu sinnerani atorsinnaasannik peqalissaatit. Ilinniakkamik peqarnikkut suliffissarsisinnaanermut periarfissaqarnerulissaatit. Suliffeqaruillu imminut pilersorsinnaassaatit.


Iliuusissatut pilersaarut

Annertuumik innarluuteqaruit illit kommunerisanni meeqqat atuarfiat naammassigukku kommunalbestyrelse iliuusissatut pilersaarummik suliaqassaaq. Ilinniakkamik aallartitsinissannut imaluunniit suliffeqalernissannut piffissap ingerlanissaa iliuusissatut pilersaarummi nassuiarneqartussaavoq.

Iliuusissatut pilersaarut illit suleqatigalutit suliarineqassaaq. 18-it inorlugit ukioqaruit, angajoqqaatut oqartussaassuseqartut najortigisatit peqatigalugit iliuusissatut pilersaarut suliarineqassaaq.

Iliuusissatut pilersaarutip suliarinera kingusinnerpaamik ullormi atuarfiusumi kingullermi naammassineqareersimassaaq.


Suliffik

Naak annertuumik innarluuteqaraluarlutit allatuulli suliffissamik ujartuinissamut periarfissaqarputit. Innarluutit pissutigalugu nalinginnaasumik atorfinissinnaanngikkuit, piffissap ilaannaani imaluunniit pissutsit immikkut ittut atorlugit atorfinissinnaanersutit sulisitsisup nalilersussavaa.

Sulinermut isumaqatigiissutit imaluunniit isumaqatigiissutit allat aalajangiiffigisinnaanngilaat:

  • Innarluutit pissutigalugu pissutsit immikkut ittut atorlugit atorfinitsinneqarsinnaanersutit
  • Pissutsit immikkut ittut suut atorlugit atorfinitsinneqarsinnaanersutit


Malugiuk

Siusinaartumik pensionisiaqalernissat sioqqullugu kommune pisussaavoq neqeroorfigissallutit

  • Sulinermik misiliinissamut
  • Aamma piginnaanngorsaqqinnermut

Allaaserisat attuumassutillit

Kommune Kujalleq
Postboks 514
3920 Qaqortoq
Oqarasuaat: 704 100
Fax.: 704 177
E-mail: kommune@kujalleq.gl
http://www.kujalleq.gl

Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iniian@nanoq.gl
Nittartagaq: www.naalakkersuisut.gl