Annertuumik innarluuteqarneq – Ulloq unnuarlu paaqqinnittarfiit

Annertuumik innarluuteqarneq – Ulloq unnuarlu paaqqinnittarfiit 

Inunnut annertuumik innarluutilinnut ulluinnarni suliassat mikisualuit suliarissallugit ajornarluinnangajassinnaavoq. Assersuutigalugu perusuersartarfiliarneq aamma angerlarsimaffimmi angalasinnaaneq unammilligassaasinnaapput piuminaalluinnartut. Taamaattumik inuit annertuumik innarluutillit ulloq unnuarlu paaqqinnittarfimmiilernissamik qinnuteqarsinnaapput, tassani sulisunit tapersersorneqarlutillu ikiorneqarsinnaagamik.

Ulloq unnuarlu paaqqinnittarfik tassaavoq sumiiffik immikkut ittumik paaqqutarineqarnissamik pisariaqartitsiguit najugaqarfigisinnaasat. Assersuutigalugu imaassinnaavoq autisme-qartutit aammalu angerlarsimaffimmi imaluunniit najugaqarfimmi illersukkami naammaginartumik paaqqutarineqarsinnaanak. Ulloq unnuarlu paaqqinnittarfimmi sulisut pikkorissut ulloq unnuarlu sulisarput. Tamatuma kingunerisaanik ulloq unnuarlu paaqqinnittarfimmi najugaqaruit ulloq unnuarlu kaajallallugu ikiorneqarsinnaavutit.

Ulloq unnuarlu paaqqinnittarfimmiinnerup sivisussusaa assut allanngorarsinnaavoq. Ilaatigut tassaasinnaavoq:

  • piffissami sivikinnerusumi oqilisaanneqarluni najugaqarneq
  • piffissami killilikkami sungiusarniarluni najugaqarneq
  • piffissami sivisunerusumi - immaqalumi inuuneq naallugu najugaqarneq. Tamanna pisinnaalluarpoq, nammineq inigisanni imaluunniit ataatsimoortumik najugaqarfinni pisinnaasanniit pitsaanerusumik ikiorneqarnissamik pisariaqartitsiguit


Ulloq unnuarlu paaqqinnittarfiit Naalakkersuisunit ingerlanneqarput.


Piumasaqaatit
Ulloq unnuarlu paaqqinnittarfimmi inissamik qinnuteqarniaruit, illit

  • innarluutillit pillugit peqqussummut ilaassaatit
  • illersukkamik najugaqarfimmi pisinnaasavit saniatigut paaqqutarineqarnissamik tapersersorneqarnissamillu pisariaqartitsissaatit


Qinnuteqarneq
Ulloq unnuarlu paaqqinnittarfimmi inissamik qinnuteqarniaruit, sulianik suliarinnittartunnut saaffiginnissaatit. Sulianik suliarinnittartoq

  • ikiuussinnaavoq ulloq unnuarlu paaqqinnittarfiit suut periarfissaanersut misissorneranni
  • aamma qinnuteqaatip immersornerani ikiuussinnaalluni


Qinnuteqaatit kommunimut nassiulluguluunniit tunniussinnaavat.

Qinnuteqaatinnut ilanngutissavatit:

  • illit innarluutillu pillugit nassuiaatit
  • sooq ulloq unnuarlu paaqqinnittarfimmiilerumanerit pillugu tunngavilersuut
  • najugaqarnermut atatillugu siunertarisaq pillugu nassuiaat


Paasissutissat taakku tunngavigalugit ulloq unnuarlu paaqqinnittarfimmi nalilersuinermik ataatsimiititaliap inissamik tunineqassanersutit nalilersorlugulu aalajangigassaraa.


Iliuusissatut pilersaarut
Ulloq unnuarlu paaqqinnittarfimmi inissamik tunineqaruit, ulloq unnuarlu paaqqinnittarfiup illit kommunerisat suleqatigalugu iliuusissatut pilersaarut suliarissavaa. Iliuusissatut pilersaarummi assersuutigalugu nassuiarneqarsimassaaq:

  • Qanoq sivisutigisumik ulloq unnuarlu paaqqinnittarfimmiissanersutit
  • Suna siunertaanersoq
  • Siunertaq qanoq anguniarneqassanersoq


Sapinngisamik annertunerpaamik akuutinneqarlutillu pilersaarut akuerisussaavat.


Ulloq unnuarlu paaqqinnittarfiit
Ulloq unnuarlu paaqqinnittarfiit tulliuttut nunatsinni inissisimapput:


Ulloq unnuarlu paaqqinnittarfiit innarluutilinnut immikkut tulluarsagaasunik tamarmik immikkut suliaqartuupput. Assersuutigalugu skizofreni-mik atugaqaruit, Sungiusarfik Aaqa-mi inissamik qinnuteqarsinnaavutit.

Allaaserisat attuumassutillit

Kommune Kujalleq
Postboks 514
3920 Qaqortoq
Oqarasuaat: 704 100
Fax.: 704 177
E-mail: kommune@kujalleq.gl
http://www.kujalleq.gl

Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iniian@nanoq.gl
Nittartagaq: www.naalakkersuisut.gl