Annertuumik innarluuteqarneq – Sulineq aamma suliaqartitsinermi neqeroorutit

Annertuumik innarluuteqarneq – Sulineq aamma suliaqartitsinermi neqeroorutit 

Suliffeqarneq imaluunniit arlaannik suliaqarneq taamaalillunilu angerlarsimaffigisap avataani misigisaqarsinnaaneq nalinginnaasumik inuunermut ilaavoq. Inuilli annertuumik innarluuteqartut nalinginnaasumik atugassarititaasut malillugit suliffimmik isumaginninnissamik ajornartorsiuteqarsinnaasarput. Taamaammat inuit innarluutillit sapinngisamik annertunerpaamik kommunimiit arlaannik suliaqarnissamik neqeroorfigineqartartussaapput.

Ulloq unnuarlu paaqqinnittarfimmi najugaqaruit, Inunnik Isumaginninnermut Naalakkersuisoqarfik naleqquttumik suliaqarnissamut neqeroorummik isumaginnittussaavoq.

Neqeroorutit suut neqeroorutigineqarsinnaanerat kommunimiit kommunimut allanngorartarpoq. Assersuutigalugu tassaasinnaavoq:

  • Ulluunerani ornittakkamiittarneq
  • Sannavimmi illersukkami sulineq. Sannaviit illersukkat atorneqarsinnaapput illersukkamik sulinermut, sulilluni misiliinermut imaluunniit piginnaanngorsaqqinnermut
  • Suliffeqarfinni nalinginnaasuni illersukkamik suliaqartitaaneq


Suliaqarnissamik neqeroorutaasut qasusuissutsinnut piginnaasannullu naleqquttuussapput. Assersuutigalugu oqimaatsunik kivitsisinnaanngikkuit, suliaqarnissamik neqeroorutaasoq oqimaatsunik kivitsinermik ilaqartariaqanngilaq.


Piumasaqaatit
Suliaqarnermik aallartitsiniaruit:

  • Innarluutillit pillugit peqqussummut ilaassaatit
  • Innarluuteqarnerit patsisigalugu nalinginnaasumik suliffimmik isumaginnissinnaassanngilatit


Akissarsiat
Suliaqartinneqaruit suliaqarninnut akissarsiaqartinneqassaatit. Akissarsiassaq akunnermut 15 kr.-iuvoq. Taanna pisinnaavat:

  • Nalinginnaasumi suliffeqarfimmi illersukkamik suliguit
  • Sannavimmi illersukkami suliguit


Akissarsiat akileraaruteqaataasussaapput. Taamaattoq isertitatit tamarmiusut akileraaruteqaataasussatut killigitinneqartut nalinginnaasumik ataassimasartussaassavaat. Tamatuma kingunerisaanik akissarsianniit nalinginnaasumik akileraaruteqartassanngilatit.

Ulluunerani ornittakkami sulianut peqataaninni suliaqarnermut akissarsiaqartinneqarsinnaanngilatit, tassa sunngiffimmi pituttuisuunngitsumik taanna neqeroorutaammat.


Allaaserisat attuumassutillit

Kommune Kujalleq
Postboks 514
3920 Qaqortoq
Oqarasuaat: 704 100
Fax.: 704 177
E-mail: kommune@kujalleq.gl
http://www.kujalleq.gl

Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iniian@nanoq.gl
Nittartagaq: www.naalakkersuisut.gl