Danmarkimi siusinaartumik pensionisiat – Nalinginnaasumik paasissutissiineq

Danmarkimi siusinaartumik pensionisiat – Nalinginnaasumik paasissutissiineq 

Siusinaartumik pensionisiaqartuuit aammalu Danmark-imut nuunnissat eqqarsaatersuutigalugu? Taava tassunga atatillugu apeqqutinut saqqummersut ilaannut akissutit uani pissarsiarisinnaagunarpatit.

Siornatigulli siusinaartumik pensionisiaqarsimaguit Danmark-imut siusinaartumik pensionisiaqarnerit nassarsinnaanngilat. Tamatuma kingunerisaanik Danmark-imut nuukkuit siusinaartumik pensionisiaqalernissat nutaamik qinnuteqaatigissavat.


Oqartussaasunut nuunneq nalunaarutigineqassammat eqqaamajuk
Danmark-imi siusinaartumik pensionisianik pisartagaqalerniarneq sivisusinnaallunilu ajornakusoorsinnaavoq. Assersuutigalugu sulisinnaanermik piginnaasavit pitsanngorsarnissaat siullermik misilissavat, tamannalu sivisusinnaavoq. Kalaallit Nunaanniit Danmark-imut nuukkuit siusinaartumik pensionisiatit nassarsinnaanngilatit, tamatuma kingunerisaanik Danmark-imut nuukkuit nutaamik qinnuteqaateqassaatit. Taamaammat piaarnerpaamik nuunnerit nalunaarutigissagakku pingaaruteqarpoq.


Siusinaartumik pensionisianik pisartagaqarniaraanni
Siusinaartumik pensionisianik pisartagaqalersinnaassaguit sulisinnaassutsikkut piginnaasat ataavartumik apparsimasussaavoq. Taassuma saniatigut siusinaartumik pensionisianik pisartagaqalersinnaassaguit piumasaqaatit arlaqartut eqquutsittussaavatit
  • Dansk-it naalagaaffiani innuttaassuseqassaatit
  • Danmark-imi aalajangersimasumik ineqarlutit najugaqassaatit
  • 15-inik ukioqalernermiit utoqqalilluni pensionisiaqalersup ukiuisa nallernissaat tikillugu Danmark-imi, Savalimmiuni imaluunniit Kalaallit Nunaanni aalajangersimasumik najugaqarsimassaatit sivikinnerpaamik ukiuni pingasuni

Danmark-imi siusinaartumik pensionisiat pillugit annertunerusumik uani atuagaqarsinnaavutit


Sulisinnaassutsikkut piginnaasaqarnerup pitsanngornera
Sulisinneqarneq aqqutigalugu sulisinnaassutsikkut piginnaasaqarnerit pitsanngortissinnaagukku taamalu imminut pilersorsinnaallutit, nalinginnaasumik atugassarititaasut imaluunniit suliffik eqaatsoq atorlugu siusinaartumik pensionisianik pisartagaqalersinnaanngilatit. Siusinaartumik pensionisiat tassaapput allatut oqaatigalugu aaqqiissut kingullerpaajusoq.

Sulisinnaassutsikkut piginnaasaqarnerit pitsanngortissinnaavat makku aqqutigalugit
  • Katsorsartinneq
  • Piginnaanngorsaqqinneq
  • Nukissanik misileraaneq

40-t inorlugit ukioqaruit
40-t inorlugit ukioqaruit pisuni immikkut ittuni taamaallaat siusinaartumik pensionisianik pisartagaqalersinnaavutit.

Allaaserisat attuumassutillit

Kommune Kujalleq
Postboks 514
3920 Qaqortoq
Oqarasuaat: 704 100
Fax.: 704 177
E-mail: kommune@kujalleq.gl
http://www.kujalleq.gl

Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iniian@nanoq.gl
Nittartagaq: www.naalakkersuisut.gl