Meeqqat inuusuttullu ikiortariallit – Oqilisaanneqarluni najugaqarneq

Meeqqat inuusuttullu ikiortariallit – Oqilisaanneqarluni najugaqarneq 

Angajoqqaat angajoqqaarsiaagallartullu, angajoqqaatut isumaginninnerminni oqilisaanneqarnissamik pisariaqartitsisut, meeqqaminnut imaluunniit inuusuttuutiminnut tunngatillugu oqilisaanneqarlutik najugaqartinneqarnissaat pillugu qinnuteqarsinnaapput. Meerarisap oqilisaanneqarluni najugaqartinneqarnera akeqanngilaq. Oqilisaanneqarluni najugaqarnerup sivisussusia assigiinngiiaartarpoq. Ulluni marlunnik sivisussuseqarsinnaallunilu sapaatit akunnerinik marlunnik-pingasunik sivisussuseqarsinnaavoq. Oqilisaanneqarnermik aaqqissuussineq ukiut arlallit ingerlaneranni neqeroorutigineqarsinnaavoq.


Piumasaqaatit
Illit meeqqavit ilaqutariinnut oqilisaassisartunut attuumassuteqartilernissaa pisariaqartillugu isumaqaruit, sulianik suliarinnittartut saaffigissavat. Oqilisaanneqarnissamik atugassinneqarniaruit, illit meeqqat imaluunniit inuusuttuutit, timiminik imaluunniit eqqarsartaatsiminik killilimmik atuisuulluniluunniit inuttut atukkamigut ajornartorsiuteqartuussaaq. Illit meeqqat 15-it sinnerlugit ukioqaruni, meeraq nammineq aamma akuerseqqaassaaq.

Oqilisaanneqarluni najugaqarneq, angajoqqaarsiaagallartutut akuerisaasuni imaluunniit ulloq unnuarlu paaqqinnittarfimmi ingerlanneqassaaq.

Oqilisaanneqarluni najugaqarneq pillugu iliuusissatut pilersaarummik suliaqarfigineqassaaq.


Malugiuk
Ilaqutariit oqilisaassisuusut isumaginninnermik ingerlatsiffimmit nakkutilliivigineqartussaapput. Tamanna ima isumaqarpoq, ilaqutariit oqilisaassisut suliassaminnik naammaginartumik ingerlatsinersut malinnaavigineqartut.

Oqilisaanneqarnissamik qinnuteqaatigisat pissarsiarisinnaanngikkukku, aalajangiineq tunngavilersugaallunilu naammagittaalliuuteqarnissamut ilitsersuummik ilaqartoq pissarsiarissallugu pisinnaatitaaffeqarputit.


Naammagittaalliuuteqarneq
Meeqqannut oqilisaanneqarnissaq qinnuteqaatigisimagukku aamma sulianik suliarinnittartunnit akissutisiat naammaginngikkukku, Isumaginninnermi Naammagittaalliuteqartarfimmut naammagittaalliuteqarnissamut pisinnaatitaaffeqarputit. Allaaserisat attuumassutillit ataanni sukumiinerusumik Isumaginninnermi Naammagittaalliuteqartarfimmut qanoq naammagittaalliuteqassanersutit atuarsinnaavat.

Allaaserisat attuumassutillit

Kommune Kujalleq
Postboks 514
3920 Qaqortoq
Oqarasuaat: 704 100
Fax.: 704 177
E-mail: kommune@kujalleq.gl
http://www.kujalleq.gl

Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iniian@nanoq.gl
Nittartagaq: www.naalakkersuisut.gl