Ilinniarnermi siunnersorteqarneq

Nalinginnaasumik paasissutissiineq 

Ilinniarneq aqqutigalugu iluaqutigisassannik ilisimasaqalissaatit, inuunivit sinnerani atorsinnaasannik. Ilinniagaqarsimaguit suliffittaarnissannut periarfissatit annertunerulersissavatit.

Suliffeqarnerit, suliffissaaleqisuunerit, ilinniartuunerit imaluunniit meeqqat atuarfiannit soraarummeersimannginnerit matumani apeqqutaanngilaq. Illit najukkanni Piareersarfik aqqutigalugu qanoq ilineratigulluunniit pisortatigoortuunngitsumik inuussutissarsiutitigut ilinniartitaanermut aamma ilinniagaqarneq pillugu siunnersortittuarsinnaavutit.

Ilinniarnissamut piareersarumaguit, taava illit najukkanni Piareersarfik saaffigisinnaavat. Tassani inuussutissarsiutitigut ilinniartitaanermut aamma ilinniagaqarnermut siunnersortip Nunatsinni ilinniarneqarsinnaasut tamaasa, assersuutigalugu GUX imaluunniit Inuussutissarsiutitigut Ilinniartitaanerit pillugit siunnersorsinnaavaatit. Danmarkimi ilinniarneqarsinnaasut pillugit aamma siunnersortissinnaavutit. Assersuutigalugu højskolernissamut tunngasuusinnaavoq.

Piareersarfimmut ilinniagaqarnermut atatillugu siunnersortikkumallutit saaffiginnikkuit, illit atukkannut pisariaqartitannullu naleqquttumik iliuusissatut pilersaarummik siunnersuisartoq suliaqassaaq. Ilinniagaqalerumallutit aqqusaagassatit iliuusissatut pilersaarummi nassuiaasersorneqassapput. Assersuutigalugu meeqqat atuarfianni angusavit qaffassarnissaannut Inuussutissarsiutinik Ilinniagaqalersinnaanissamut Piareerfik akuerisaasoq aqqutigalugu piareersarnissat taassuma imarisinnaavaa.

Siunnersuisartup iliuusissatut pilersaarummik naleqquttumik suliaqarnissaa angujumallugu, makku nassartussaavatit:
  • Najugaqarnermut uppernarsaat
  • Kuisinnermut allagartaq
  • 10. klassimi misilitsinermi karakteerit
  • AEU modul 2-mi misilitsinnermi karakteerit imaluunniit sulisitsisuit oqaaseqaataa
  • Ilinniagaqarsimaninnut uppernarsaatit

18-it inorlugit ukioqaruit, angajoqqaannit imaluunniit angajoqqaatut akisussaassusilimmit atsiorneq akuersissut siunnersuisartumut nassassavat. Angajoqqaatit imaluunniit angajoqqaatut ilinnik akisussaasoq aamma ilagissavat.

Videonik paasititsiniutit uani takusinnaavatit sorleq ilinniarfissaq toqqassanerlugu.

Malugiuk
Najugaqarfigisanni Piareersarfeqanngippat, Piareersarfik qaninnerpaaq sianerfigaluguluunniit nunaqarfimmi allaffimmut saaffiginnissaatit.

Danmarkimi najugaqaruit imaluunniit Danmarkimi ilinniagaqarnissamut periarfissat pillugit siunnersortikkumaguit, Kalaallit Illuinut saaffiginnissaatit.

Siunnersuisartut nipangiussimasussaatitaapput. Oqallisigisasi tamaasa illit siunnersuisartullu kisimik pigissavasi.

Allaaserisat attuumassutillit

Majoriaq
Ilinniartitaanermut, Kultureqarnermut Ilisimatusarnermut Ilageeqarnermullu Naalakkersuisoqarfik
Imaneq 4
Postboks 1029
3900 Nuuk

Oqarasuaat: (+299) 34 50 00
E-mail: ikiin@nanoq.gl
Nittartagaq: www.naalakkersuisut.gl