Immikkut ittumik atuartitsineq

Nalinginnaasumik paasissutissiineq 

Immikkut ittumik atuartitsineq meeqqanut atuaqatimik sinnerinut atuaqataasinnaanngitsunut neqeroorutaavoq. Imaassinnaavoq meeraq ilikkarniarnermini akornuteqartoq imaluunniit tarnikkut inuttullu annertuumik akornuteqartoq. Immikkut ittumik atuartitsinerup meeraq atuarnermini annertunerpaamik pissarsiaqarnissaanik ikiussavaa.

Immikkut ittumik atuartitsisarneq
Meeraq immikkut ittumik atuartinneqalissappat suliassat assigiinngitsut naammasseqqaartariaqarput. Siullertut ilinniartitsisup meeraq misissorneqarnissaanut tarnilluunniit pissusiinik ilisimasalinnit misiligaqqaarneqarnissaanut innersuutissavaa. Taamatut innersuussisoqaraangat inunnik isumaginnittut peqqinnissaqarfillu meeqqamut angajoqqaavinulluunniit tapersersueqataasussaapput.

Tarnip pissusiinik ilisimasallip meeraq misilerareerpagu atuarfik nalunaaquttap akunnerinik immikkut ittumik atuartitsiffissanik qinnuteqassaaq. Tarnip pissusiinik ilisimasallip nalunaaquttap akunnerinik atuarfiup qinnutigisai akuerisussaavai, taamatuttaarlu tarnip pissusiinik ilisimasallip suliassaraa meeqqap immikkut atuartinneqarfissaanik innersuutissallugu.

Immikkut ittumik atuartitsinissamut pilersaarut
Immikkut ittumik atuartitsinermi siunnersortip atuartup atuartitaanissaa pilersaarusiussavaa. Tamanna tarnip pissusiinik ilisimasallip suleqatigilluinnarlugu pisarpoq, taannaavormi atuartunik misissuisoq.

Ukiup atuarfiusup qiteqqunnerani angajoqqaat, ilinniartitsisut, inunnik sullissisoq siunnersortilu meeraq pillugu ataatsimeeqatigiittassapput. Ataatsimiinnermi meeqqat immikkut ittumik atuartinneqartoq sammineqartarput atuaqqinnissaallu pilersaarusiorneqartarlutik.

Angajoqqaat atuarfiup meeqqaminnut pilersaarusiaa akueralugu suleqataaffigisussaavaat.

Kommune Kujalleq
Postboks 514
3920 Qaqortoq
Oqarasuaat: 704 100
Fax.: 704 177
E-mail: kommune@kujalleq.gl
http://www.kujalleq.gl