Pujoorfimmik paaviaaneq

Pujoorfimmik paaviaaneq 

  • Kommune Kujalleq

    Akigititat
    Akigititat atuuttut kommunip akinut allattorsimaffianni takusinnaavatit.

    Akit allattorsimaffiat - 2017

    Pujoorfimmik paaviaatitsineq kingumoortumik akilerneqartarpoq. Tassa imaappoq, pujoorfiit paaviartereerukku akiligassamik nassitsissaatit.

    Malugiuk
    Illut tunigukku, pujoorfivit paaviartinneqartarneranut akiligassamik nassitsittarnerit ingerlaannassanngippat, illoqarfigisanni Teknikkimut Ingerlatsivimmut illut tunisimallugu nalunaarutigissavat:

    Teknikkimut Ingerlatsivik Nanortalik
    Lundip Aqqutaa B-44
    Postboks 166
    3922 Nanortalik
    Oqarasuaat: 61 32 77
    E-mail: jora@kujalleq.gl

    Teknikkimut Ingerlatsivik Qaqortoq
    Majavej B-1196
    Postboks 514
    3920 Qaqortoq
    Oqarasuaat: 64 54 04
    E-mail: arealadmin@kujalleq.gl

    Teknikkimut Ingerlatsivik Narsaq
    Erik Egedes Plads B-1095
    3921 Narsaq
    Oqarasuaat: 70 41 00
    E-mail: kara@kujalleq.gl

    Teknikkimut Ingerlatsivik ulluinnarni ammasarpoq 10 – 14.

    Pingasunngornermi matoqqasarpoq.
Pujoorfiit tamarmik paaviarneqartussaapput. Taamaasiortoqartarpoq ikuallattoornissaq paasoornissarlu pinngitsoorniarlugit. Pujoorfiit ukiumut qasseriarlugit paaviarneqartarnissaat pillugit inatsisit assigiinngitsuupput. Illit nammineq illuutilittut toqqammaviusumik akisussaaffigivat pujoorfivit misissorneqartarnissaa minnerpaamillu ukiumut marloriarluni salinneqartarnissaa. Kommunip paaviaaneq ingerlatissavaa, qaqugukkullu paaviaasumit pulaarneqarnissat pujoorfillu salinneqarnissaanik nalunaarfigineqarumaarputit. Paaviaasoq illumut iserternissaminut pisussaaffeqarpoq, tamannalu illit illuutilittut qulakkiissavat.

Illit illuutilittut paaviartinnerit nammineq akilertussaavat. Kommuniminngaanniit akiligassamik nassinneqarumaarputit.


Paasissutissat
Pujoorfiit assigiinngissitaartuupput. Amerlasuutigulli angisuunut mikisunullu immikkoortitaasarlutik. Pujoorfiit angisuut ukiumut sisamariarlugit salinneqartussaapput, akisunerullutillu. Pujoorfik 250 kW-imik annertussusilimmik aniatitsiviusoq pujoorfittut angisuutut taaneqartarpoq. Pujoorfiillu taamaattut na­linginnaasumik tunisassiorfinni suliffeqarfinnilu annerusuni pujoorfiusarlutik.


Malugiuk
Illuit pujoorfiata paaviarnissaa najugarineqanngikkaluarpalluunniit pinngitsoortissinnaangilat.

Illut tunigukku, tamatuma Teknikkimut Immikkoortortaqarfimmut nalunaarutiginissaa eqqaamagiuk. Teknikkimut Immikkoortortaqarfik illut tunineqartillugit piginnittumit toqqaannartumik ilisimatinneqarneq ajorput. Illit illuit tunineranik nalunaaruteqanngikkuit, taava illumik suli piginnittutut nalunaarsorsi­massaatit. Tamannalu ima isumaqarluni, Teknikkimut Immikkoortortap pujoorfimmik paaviaanermut akiligassamik nassittassagaatit.

Illunni kissarsuuteqaruit qisuttortakkamik, taassuma pujoorfia ukiumut ataasiaannarluni paaviarneqartussaavoq.

Kissarsuusiviup salinnera kissarsuutillu uuliatortup misissornera pujoorfimmik paaviaanermut ilaanngimmat.


Naammagittaalliuuteqarneq
Illuit pujoorfia paaviarneqanngippat, imaluunniit iluamik sanerneqarsimanani, soorlu illup iluani paamik aniatitsisoortoqarsimalluni, tamatumunnga naammagittaalliuuteqarsinnaatitaavutit. Illit kommuninni Teknikkimut Immikkoortortaqarfimmut allakkatigut oqaasiinnartigullu nammagittaalliuuteqarsinnaavutit.

Allaaserisat attuumassutillit